جميع مشاكل الباثفندر والحلول هنا

[abu rana]

يأخوان بالنسبة للكفرات....جنط 17 فيه أحد منكم شافيوكوهاما بنفس مقاس كفرات الوكالة اللي هي 245/65/17



أنا مالقيت إلا كفرات الوكالة وكفرات الوكالة زي مانتمعارفين قاسية مرة وثقيلة على السيارة بالنفود مع أنها تعيش.



يعني أحد جرب كفرات جنط 17 غير كفرات الوكالة لإن جنط 16ماعندهم مشكلة الخيارات عندهم كثيرة.

وإنشاء الله مايكون فيه أحد منكم جنط ويقولي بدل الجنوط وركب جنط 16،لإن مايعقل أرمي جنوط أصلية وأركب جنط تجاري.
للمعلومية قيمة الجنط الواحد في الوكالة اربعة الأف ريال.

ودمتم سالمين.

[مجنون نيساني]

السلام عليكم
مشكور اخوي باثفيندر والله يعطيك العافية
بس عندي سؤال بسيط هو:البالونات اللي تقول كم سعرهن؟وين احصلهن؟وين اركبهن؟
الله يعطيك العافية واسفين على ازعاجك بكثرة الأسئلة.

[مجنون نيساني]

الا على فكرة الموضوع ليش مايثبت والله انه ازين من 3000000000000وكاله ومهندس واستفدنا منه استفاده عظيمة
الله يجزاكم 300000000000000000000000000000خير والمسلمين اجمعين

[الدهام]

السلام عليكم.....
abu rana
بالنسبه للكفرات جنط17 فيه كفرات ميشلان مجربها زينه ومافيها خلاف وميشلان معروف وأفضل من البريجستون حق الوكاله

[راعي النيسان]

بسم الله الرحمن الرحيم

الموضوع جدا مفيد لأصحاب الباث فايندر بدل ما تدور في جميع مواضيع المنتدى ... فشكرا لك اخي

مشكلتي في الباث فايندر 2004 هي صوت عند التعشيق من نمرة الى نمرة مثل صوت صحن الكلتش

ما هو حل هذه المشكلة .. وهل السبب فعلا صحن الكلتش

سبق وان طلعت ريحة الكلتش اكثر من مرة في الطعوس

منتظر ارائكم

تحياتي

[الأسد]

الاخ ابو رنا انا مركب يوكوهاما بصرااااااااااحة ممتاااااااازة بالحيل والين من البرجستون ولا فيها الا عيب واحد وهو انهن كبيرات شوي ...

[salehhd]

السلام عليكم
البوالين مصنوعة من البلاستك وعلى شكل افقي وتتركب داخل اليايات حق السيارة الخلفية وتقدر تنفخها بالماطور او عند البنشري وتحط الضغط الي تبي لرفع السيارة وماتنزل مع التحميل

سعرهاحسب علمي في حدود 500 ريال وانا شفتها عندنا في الشرقية عند محل اسمة 4x4 وبالنسبة للغربية ماعندي خبر وهي موجودة للباث بالذات بسبب مشكلة النزول والحلو فيها ماتقسي السيارة

[الدهام]

السلام عليكم .......
وين المحل في الشرقية؟

[باثفندر]

بالنسبة للكقرات رأيي الشخصي كفرات دنلوب 65/265 للجنط 17 مجربها وما جربت غيرها قيمتها 460 الى 475 من الوكاله

بن زقر ناعمة جدا ولينه بالطعوس وبالشارع وتخفف المطب كثير ولا احد يركب 275/65 تراها قاسية .

وبالنسبة للقير العادي تحس طقة خفيفة عند التعشيق هذا طبيعي وريحة الكلتش عند التطعيس والغراز خصوصا اذا ما نسمت وغرز

عليك الموتر واستخدمت الدبل الثقيل تشم ريحة خفيفة بس صدقني ما يأثر على الكلتش ما دام ما صارت الريحة قوية وشفت دخان

على العموم اذا حسيت الكلتش مولع وقف الموتر وحط الدبل على الفاضي وطف السيارة شوي .

- بالنسبة للبوالين للمعلومات العامة هي ما ترفع السيارة بشكل مباشر لو تلاحظها ما تلزق من فوق وتحت بل تضغط على الياي من

من الجنب بشكل افقي فتصير حركته ومقدار انضغاطة اقل زائد انك لما تركب البالون لازم تفك القطة الربل اللي بوسط الياي اللي في

المطب القوي تطق بالحديد وتطلع صوت ، يمكن احد يسأل طيب ليش حاطينها المصنع اقول عملها مثل عمل عمود التوازن تخلي

الياي ينضغط بس بحركة عمودية فوق تحت اذا شلتها يبي يلعب الموتر شوي يمين يسار ( مثل الشروكي ) بس البالون يعوض الفراغ

هذا ، على العموم ما نطول عليكم المحل اللي يركبها بالشرقية هو محل الدفع الرباعي خلف محطة الاسكان بالخبر

والنوعية اللي عندة لونها احمر نوع امريكي عليه ضمان وفي من يركب بالرياض نوع تايواني لونه اصفر يتفقعن بسرعة ,


وحياكم الله .

[salehhd]

السلام عليكم

في محل ثاني موجود في الدمام مخطط 91 لاجيت من داخل الدمام جهة سوق الغنم سابقاً
يكون على يمينك وتطلع لحد اشارة الضغط العالي تكمل قدام حتى الاشارة الي بعدها تاخذ يمين كأنك رايح الشارع التجاري
عند اول تقاطع فية مطبات ومقفل بصبيات تاخذ معاه يمين تحصل المحل على يسارك واسمة 4x4

[سبيع الغلباء]

مشكور بس نبي حلول زود للقير التماتيك

[باثفندر]

المحل اللي في الدمام هو نفسة انتقل للخبر ويا شباب ياراعين التماتيك فزعتكم للرجال ما نبي نفتي وحنا ما ندري .

[abu rana]

تذكرت لي مشكلة صارت معي وحبيت أنقلها لكم للفايدة.....

تأكد كل فترة من هوز الراديتر اللي يودي للقربة مايكون مسدود فك الهوز من عند فتحة الراديتر وأنفخ فيه بقوة لين تسمع الماء يبربرر.

تصدقون أنفقع علي الراديتر بهالسبب وغيرتة الله لايخسر بسبعمائية ريال لإن الراديتر يجي كبس ومايمكن يتلحم.

كنت اقرا بكتيب الصيانة أن ماء الراديتر يتغير كل ستين الف أو 24 شهر والله أني أضحك أقول مهبل وش يخرب الماء.

طلع مهم...تغيير الماء،وإهماله يكلف الكثير.

لإن في حالة انسداد هذا الهوز(الخرطوم) يزيد الضغط داخل الأديتر ويتسبب في حدوث تنسيم في قاعدة الراديتر ويتسرب معها الماء

ويصير الماء ينقص بسرعة .

أنا بالبداية لاحظت أني كل مأفتح الكبوت ألقى هذا الهوز منفصل وأرجع أركبة أخر مرة شديت علية شد الله لايوريكم.

لاكن تصرفي كان خطأ لإني مافكرت ليش أنفصل؟

ويوم شديت علية.... الأديتر مالقالة متنفس وصارت الكارثة...وإنشاء الله مايصير معكم اللي صار معي أبد.

ودمتم سالمين.

[شخاط]

السلام عليكم
الحقيقه اننا استفدنا من هالموضوع ايما فايده

ولانقدر نجازي صاحب الموضوع والمشاركين بشي الا اننا ندعي لهم بالتوفيق

استفساري ياجماعه ان وجه الموتر طايح وشار علي مكشاتي اجودي في نفس موضوعنا ذا اني

احط كعكات .......الزبده مافيه حل غبر الكعكات ؟

وهل الكعكات عمليه ولاتأثر على الموتر ومطبه ؟

ولا يتخلخل البدي منها؟؟

والله يحفظكم.

اخوكم / شخاط

[bnsa]

اخوانى لم اجد اجابه للمساعدات 2001م ما هو افضل مساعد اركبه وشكرا