السلام عليكم ورحمة الله وبركاته
من الملاحظ انتشار سيارة الباثفندر بشكل قوي وخصوصا بعد ان تغير شكله من الناجح جدا الى سيارة عادية ربما حلت بها الكثير من المشاكل بس تغيرت جذريا ، ماعلينا
حبيت انزل هذا الموضوع اللي ارجو من الجميع التفاعل معه لنخدم هذه السيارة وجميع ملاكها و من فكر انه يمتلكها
الموضوع يخص الباثفندر حتى موديل 2005 فقط من جميع المشاكل والحلول فنرجو من صارله مشكله يذكرها ويذكر حلها وينبه الجميع بالطريقة لتفاديها .
نبدا بالمشاكل اللي في بالي :-.
.
.
- اكبر مشكلة تقريبا واغلاها ثمنا هي خراب الحساس ؟
الحل تغير الحساس واحد بحوالي 1800 ريال والاخر ارخص شوي
تفادي المشكله تنظيف فلتر الهواء دائما ، تغير الفلتر كل 20000 كلم ، تعبيه بنزين قبل ما ينزل عن الربع
.
.
- صوت في الباب الخلفي ؟
فك مسمار الربط اللي في البدي وطرقة الى الداخل ثم ارجاعة - تركيب ربلات على البيبان
تفادي المشكلة تربيط السيارة والباب بشكل دوري عشان ما ينحل وتخرب الوزنية ، عدم الذهاب الى البر ( معصي ) ، صك الباب بشويش
.
.
- انحلال السبير ويصير على جنب ؟
الحل التأكد من تركيبه بشكل صحيح ، تركيب ربلات او لستك وقماش فوقة والشد عليها .
.
.
- خراب او تعفط البلاستيك اللي يحمي المكينه ؟
جديد من الوكاله غالي فصلك من الصناعية حديد وقصصها ما تكلفك 50 ريال
تفادي المشكله شيك اللي يغيرلك زيت انه ركب جميع الصواميل ، لاتطامر ( معصي )
.
.
- تغيير صوت البواري وا الهرنات ؟
فك البواري وتنظيفها من الغبار ، قص السلك او الراس الحديد اللي يكبس بالبواري وتركيب أخر ، تركيب جديدة
.
.
-نزول السيارة من الخلف ؟
تركيب يايات استرالية ، تركيب كعكات ، تركيب بوالين ( مجربها هي الافضل )
.
.
-صوت من الكفر اللي قدام مع اللفه ؟
تشحيم المقص ، تغيير الجلد حقت المقص
.
.
- صوت طقة في المكينه او تفته ؟
تغيير بواجي ، تصفيه مكينه ، غير بنزينك الى 95
.
.
هذا اللي عندي نرجوا تصحيح الاخطاء والزياده من عندكم وشكرا لكم جميعا
15 نوفمبر 2015 - 16:514 نوفمبر 2015 - 21:27
 |
رد مع اقتباس
مشاركة: جميع مشاكل الباثفندر والحلول هنا
