افضل شوزل على الاطلااااااااااااااااااااااااااااااااق

[ممتر البران]

نبي كل واحد يحط افضل شوزل عنده مواصفاتها وعيوبها
وما يقتني من شوزل
وكل واحد يذكر عيوب الشوزل المذكوره

[عاشق النحم]

سوبببببببببببببببببرننليييييييييييييييييي(سوبر بنلي)
مميزات وعيوب السوبر بانللي بلاك ايقل
بنا على طلب بعض الأخوه سوف أقوم بكتابه بعض التفصيل عن السوبر بانللي بلاك أيقل

أولا
طريقه العمل : تعمل السوبر بطريقه الاسلحه العسكرية إلى حد كبير فهي تقارب في العمل جميع الاسلحه الرشاشة العسكرية وهي ذات جوده عالية من ناحية العمل

ثانيا
الأعطال : بندقية نادرة الأعطال وتستعمل بشكل كبير لدى الصيادين ولكن كم شكى منه وهي شبه جديدة وأنا ابصم بالعشرة انه سوء استخدام لأن من ضمن أصحاب البنادق واحد اعرفه غشيم
نوع العطل انفجار احد الطلقات في بيت النار من غير ما يتم التسكير لبيت كامل مع العلم انه البندقية لا ترمي في هذه ألحاله لكن وشلون سووها مدري .

عيوبها
العيب الوحيد فيها السبطانه فدائما تجد الصيادين يشكون من بروده البندقية والسبب يرجع إلى عده أمور منها قصر السبطانه وعند التغيير في التوصيلات تتغير رماية البندقيه بشكل كبير
قوه الارتداد في إطلاق الطلقات ( الرجف ) فعندما يكون الطلقات ذات ضغط عالي تكون البندقية ذات ارتداد أعلى . ويرجع السبب في ذالك لكون نضامها مخصص لضغط معين ولو إن كتب عليها 3.5 أنش

ترهيمها
حدث تغير للبندقية في الاونه الاخيره حيث قام بعض الصيادين بتركيب سبطانه من نوع براونج بلجيكي وكانت المحاولات جادة فبعد عده تجارب نجحت ومازال البعض يرهمها والسراحه صارو يضبطونها بشكل يفوق الخيال ( عنيزه في المقدمه ) بس العيب هنا بكم تبي تطلع عليك تبغالك جمعيه علشان تشتريها

وأخيرا وليس آخرا البندقية ممتازة للمحترفين فقط بعد الترهيم


أخوكم عاشق النحم

[نجمة سهيل]

اخوي ممتر البران
بالنسبه لي اول كان البراونينج افضل لانه اول ام خمس رميت فيها بحياتي هي البراونينج القديمه((بلجيكي قديم)) وكنت اعتبرها في المقدمه والى الحين اعتبرها في المقدمه. بس يعيبها شي واحد وهو الثقل. ولما فكرت اقتني شوزن خاصه لي احترت في البدايه وفكرت بام بطنين وهونت . ودورت ام خمس منا ومنا وسألت عنهن قعدت تقريبا مده استفسر. وطحت في الرمينغتون ومميزاتها الي اعجبتني فيها:
1/البندق خفيفه مره فوق ماتتصور .
2/الماصوره ماهيب طويله مره ولاهيب قصيره مره . يعني تصلح للقريب وللبعيد ((رامي بها قوقسيه بيني وبينها يمكن 7 امتار تقريبا والله ماتقطعت ))
3/الراس الي في اخر الماصوره واضح كبير .((ماهوب مثل البنللي صغير واحمر ياله ينشاف))
4/مزايا تأمين فيها ممتازه جدا ((الي تعشق به البندق الي بارز هالصغير تقدر تشيله وتركبه باي وقت))ماعرف وش اسمه.
5/الندف((الرجف)) والله انك ترمي فيها ولا تحس برميتها رجفها خفيف مررررررره.
اما العيوب:
1/انها جديده عندنا بالسعوديه فلذلك اغلب القناصين يخافون انها تكون خراباتها كثيره او مايلقون لها قطع غيار.
2/الروس((التشوك)) النوع القديم شوي مافيه روس اما الجديد فيه روس وسعر البندق النوع الجديد نااار.
3/ ماتتحمل ضغط عالي يعني تقدر ترمي بها الى 42 جرام((هذي البندق الي عندي اما البنادق الثانيه الجدد من نفس النوع تتحمل ضغط عالي مره ماعليها))
والي جرب البندق والله من كثر مدحه لها تقول انه يكذب . واسألوا المسفهل عن البندق هو بعد قد جرب بندقي وجرب وحده مثلها بالظبط. وراح تلقون الرد انشاءالله عنده.

[ممتر البران.]

الظاهر اني يا نجم بشري مثلها
بس محتار شوي
والبندق الي عندي هي شوزل من ثلاثين سنه توارثتها اجيالنا
المهم هي امريكيه
وتوسعت ما صورتها
و ماصورتها اطول من حقت نجم سهيل ب 15 سنتي الى 12
ومليت منها كسرت كتفي رميتين وكتفك طايح ولا تنتش
لا زم سيم انتشها
وهي ام وحده والسلام
حقت نجمت سهيل المقصوده رمغتون

[عاشق النحم]

يبن اللحلال أسمي عاشق النحم مهب النجم ذبحتونوي كل ما وين عاشق النجم مهب النجم هو النحم

[بدوية متحضره]

ممكن تحطون صورها واسعارها لو سمحتم !!

[ممتر البران]

اسفين يا عاشق مع انا ما غلطنا لكن لا تزعل ما قصدتك انا قاصد نجمه سهيل والصور يا بدويه ما عندي لكن اول ما تجي ابشري بسعدك لكن الاسعار ممنوعه
وي قناص مشكور على الموضووووووووووووووع
ورد لنا وطوله شوي وفصل
وبسئلك يا عاشق بما انك تعشق النحم من وين اجيب البط الخيالي والصفيرات والبس المموه اعجبني شفته بصور بالمنتدى وفتحت افمي من زينه
والسلام خير الكلام

[عاشق الدحروج]

السلام عليكم افضل شوزن هو هو هو هو ـــــــــــــــــــــــــــــــــــــ>> رمينغتون

[ممتر البران.]

ما فصلت وش الموديل
العيوب
المزايا

[ممتر البران]

المهم ضعو شوازلكم ومعلومات عنها لا هنتو
وعندي سوئال عن الشوزل الروسيه مدري التركيه الي تشبه الرشااااااااااااااااش
ب2500 او 3000 جديده الضاهر
هي رخيصه
ام ثمان نبي معلومات عنها

[نجمة سهيل]

اخوي ممتر البران . شف هالموضوع راح يفيدك.
بنللي:سوبر بلاك ايجل

[ممتر البران]

على التفاعل

[جرناس]

يا الغالي البنلي زينه بس يا صارت الصاجه تخون براعيها
احسن شوزن الرمنغتون بندق يعتمد عليها
وتحياتي

[أبو جواهر]

السلام عليكم :

أخواني لاتدورون بعد البنللي سلاح ومنتجاتها لأنها كد ومد.
1-السلاح الأيطالي معروف على مستوى عالمي.
2-يتحمل جميع قرام قوي من البارود.
3-سهل الفك والتركيب.
4- قطع الغيار متوفر(صعب انها تخرب بسهوله لكن نقول مثلا الحاضن أو الأخمس).
5-خفيف الوزن حتى انها ممتازه للرمي الطاير.
6-منظرها جميل.

[ممتر البران]

جرناس
لا مميزات ولا عيوب ولا رقم الموديل والاصدار ولا شي
ما اتفقنا على كيذا عموما مشكور حبيبي على التفاعل وحبينا انك تطول معنا
==========================================
ابو جواهر
وين العيوب والموديل والكلام الحلو
مشكور على المميزات كفيت ووفيت