سؤال لأهل الباث فيندر حول ارتفع الحراره

[SRX200]

السلام عليكم ورحمة الله وبركاته
مساء الخيرلككم كلكم
معاى بايفيندر 2005 والسياره جداً رائعه رغم انو لى عليها ملاحظات لكن فيها مميزات تغطيها
المشكله انو السياره توها جديده ((فاكها على يدى )) السياره ماشيه لحد الحين38000 ولكن لاحظت انو فى الشهر الاخير الحراره بدت ترتفع بشكل غريب يعنى تتعدا الخط الاول وفى ممشاى العادى 140 تثبت الحراره على الثلث
بدون مااشغل المكيف الحراره احسها ماهى طبيعيه وحنا تونا على بداية الصيف اجل لو بالصيف وشبيصير

سؤالى الله لايهينكم هل هذه الحراره طبيعه ؟؟مع انى رحت للوكاله وياليتنى مارحت لانو قالى مانى قادر اسوى شى
إلا إذا صارت بالنص؟؟

لعشاق الباث هل هذا صحيح ولا يمكن علشنى حريص حبتين ومدلع موترى.

[غارب النملة]

لالا اخوي غير طبيعيه شيك على ماء الاديتر لازم تكون بارده لاتفتحه ابدا وهي حار وبعدين تاكد من عدم وجود شي اما الاديتر الحراره الطبيعيه هي الربع والثلث بس مع المكيف في الصيف الا اذا استعمال امريكي في النص على طوووووووووووووول صيف شتاء

[الباثفايندر3]

الاخ srx200 اولا صل على النبي ثانيا احذر ثم احذر ثم احذر من الوسواس ثالثا يالغالي انا معي باث اوتوماتيك 2003 حرارته ياعزيزي على الخط الاول من الخطوط الصغار اللي بعد الخط الكبير الثاني(الربع) واحيانا بالصيف على الخط الثاني من الصغار يعني الثلث واعرف صراحتا اكثر من واحد معهم باث الحراره مثل ما قلتلك لاكن مثل ماتفضل زميلنا غارب النمله شيك على ماء الرايتر من باب الاحتياط والا سيارتك ابشرك ما فيها الا العافيه وعلى فكره انا قالي مهندس بالوكاله الحراره الى النص طبيعي ويقول اهم شي لاتعدا الحراره النقطه الصغير السودا تجدها في النص قريبه من قاعدة امبير (ساعة) الحراره نقطه صغيره جدا جدا بين قاعدة الامبير والخطوط الصغير واذا بغيت ايييييييييي شي لايردك يالغالي الا لوحة المفاتيح والا رقم جوالك اذا ما فهمت مضبوط ##لالالالالالالالالالالاكن خذها نصيحه من اخوك لاتوسوس وتروح تهندس بسيارتك وهي ما فيها شي يعني طبيعيه## واذا وسوست بالسياره تراك ما راح تتهنا وتسعد بسيارتك وهي مافيها شي اصلا ويكدر عليك الوسواس صفو حياتك حتى بالصلاه راح يجيبلك طاري السياره لاكن انتبهواقوووول احمد ربك دامها تمشي وكل شي جديد ومغنيتك عن الناس ترا ناس واجد ماعندهم اللي عندنا اللهم لك الحمد وسلامة عمرك انت ومن يطلع على الموضوع @

[salehhd]

السلام عليكم

الحرارة طبيعية خاصة اذا كنت مسرع شوي حتى من غير المكيف والاخ الباثفانيدر3 ماقصر

خل عنك الوسواس والسيارة دام الامبير تحت النص ماعندك مشكلة وا

[SRX200]

اخوى غارب النمله
يعطيك الف عافيه على الرد السريع والسياره يابانى يابانى

الاخ srx200 اولا صل على النبي ثانيا احذر ثم احذر ثم احذر من الوسواس ثالثا يالغالي انا معي باث اوتوماتيك 2003 حرارته ياعزيزي على الخط الاول من الخطوط الصغار اللي بعد الخط الكبير الثاني(الربع) واحيانا بالصيف على الخط الثاني من الصغار يعني الثلث واعرف صراحتا اكثر من واحد معهم باث الحراره مثل ما قلتلك لاكن مثل ماتفضل زميلنا غارب النمله شيك على ماء الرايتر من باب الاحتياط والا سيارتك ابشرك ما فيها الا العافيه وعلى فكره انا قالي مهندس بالوكاله الحراره الى النص طبيعي ويقول اهم شي لاتعدا الحراره النقطه الصغير السودا تجدها في النص قريبه من قاعدة امبير (ساعة) الحراره نقطه صغيره جدا جدا بين قاعدة الامبير والخطوط الصغير واذا بغيت ايييييييييي شي لايردك يالغالي الا لوحة المفاتيح والا رقم جوالك اذا ما فهمت مضبوط ##لالالالالالالالالالالاكن خذها نصيحه من اخوك لاتوسوس وتروح تهندس بسيارتك وهي ما فيها شي يعني طبيعيه## واذا وسوست بالسياره تراك ما راح تتهنا وتسعد بسيارتك وهي مافيها شي اصلا ويكدر عليك الوسواس صفو حياتك حتى بالصلاه راح يجيبلك طاري السياره لاكن انتبهواقوووول احمد ربك دامها تمشي وكل شي جديد ومغنيتك عن الناس ترا ناس واجد ماعندهم اللي عندنا اللهم لك الحمد وسلامة عمرك انت ومن يطلع على الموضوع @

اول شى يعطيك الف عافيه على اهتمامك الموضوع وابشرك ماهو وسواس
لكن الموضوع له قرابة الشهر وانا ماهتميت له لانو السياره على الظمان هذى وحده وثانى شى الصيانه الاخيره من قبلهم يعنى مانى شايل هم الموتر لكن مهما كان الواحد يكون حريص بس مولدرجه الوسواس

المهم ياطويل العمر انا اقصد الحراره الخط الثانى يعتبر عادى وهو الربع وليس الثلث
انا تتعدى تقريبا ضعفه اى بمعنى الثلث فلحراره يعنى ماهى عاديه... خصوص بدون تشغيل مكيف

salehhd
وعليكم السلام
يقلبى هو الوحد يشيك على موتره ويعرف كييف حرارة موتره الصيف الماضى مع تشغيل المكيف تتعدى الخط الثانى
بقليل... الحين على بداية الصيف والحراره على الثلث

عموم بكره انشاء الله بشيك على احدى الورش الى اتعامل معها واخلى كلام الوكاله على جنب..

ويعطيكم الف عافيه ياجماعة الربع

[أبومحمد....]

صار مع أخوي مثل ماصرلك والحراره ترتفع في نيسان كلها

[ابو فضلي]

الحرارة ترتفع معي فقط إذا شبكت الدبل لكن مستحيييييل تتعدى النص !!

وفي السواقة العادية ماتتعدى الخط الثاني مهما كانت الأحوال !!

أتوقع والله أعلم أن عندك مشكلة في الزيت ، يمكن يكون ناقص وعشان كذا ترتفع الحرارة خاصة أن الأخوان يقولون أن زيت الباث ينقص ( قرأته في أكثر من موضوع ) لكم ماحصل لي ولله الحمد والمنة ( أغير الزيت مع السيفون كل 3000ك)

أتمنى أني أفدتك والعذر على القصور يالغالي ........... ( معي باث 2005 توماتيك )

ابو فضلي ..........................

[كشته 111]

srx 200 شف وانا اخوك فية اختبار بسيط اذا بردت السيارة شف مروحة المكينة حركها امام وخلف اذا كانت ثابتة اوكيه اذا تتحرك وكانها غير ثابته تراه من اوتوماتيك مروحة المكينة يضعف دفعة للهواء وترتفع الحرارة وعلي المدي الطويل يعدم السيارة ,,, اتوماتيك المروحة قيمته240 بعد الخصم وتركيبه ب 80 وفية اختبار ثاني لاتوماتيك المروحة اذا شغلت السيارة خل واحد يدوس علي البنزين شوي شوي اذا حسيت ان الهواء المسحوب من المروحة الي المكينه ضعيف او غير طبيعي برضه تراه من التوماتيك والله اعلم ,,,


وسلامتكم والسلام عليكم ,,,

[.أبوعبدالرحمن]

السلام عليكم

اعاني من تلك المشكلة والباث اللي معي 2003 شاريه جديد في نصف رمضان الماضي والموتر ما شي الحين تقريبا 20000 كم بس ما شاء الله لكن الحرارة تتعدى عندي النصف واذا شغلت الدبل ترتفع واذا رحت لطريق الملك فهد في الزحمات والدعسات ايضا تصل الحرارة الى فوق النصف والله مشكلة والحمدلله على كل حال وش الحل في نظركم والسيارة جديدة توها ماشية 20000 كم بس

[SRX200]

أبومحمد....
كان الله بعون اخوك

srx 200 شف وانا اخوك فية اختبار بسيط اذا بردت السيارة شف مروحة المكينة حركها امام وخلف اذا كانت ثابتة اوكيه اذا تتحرك وكانها غير ثابته تراه من اوتوماتيك مروحة المكينة يضعف دفعة للهواء وترتفع الحرارة وعلي المدي الطويل يعدم السيارة ,,, اتوماتيك المروحة قيمته240 بعد الخصم وتركيبه ب 80 وفية اختبار ثاني لاتوماتيك المروحة اذا شغلت السيارة خل واحد يدوس علي البنزين شوي شوي اذا حسيت ان الهواء المسحوب من المروحة الي المكينه ضعيف او غير طبيعي برضه تراه من التوماتيك والله اعلم ,,,

وسلامتكم والسلام عليكم ,,,

هذا الى صاير اليوم بس ياخوك اليوم فريت وقالو النوع هذا يجى اتوماتيك يعنى عادى لو رجع وتقدم يعنى مافيه مشاكل

وكذالك الاختبار الثانى انو تقريبا صحيح ماتغير دفع الهواء من المروحه . لذالك ارجح عطل الاوتماتيك
ولكن لنا حوسه ثانيه مع السياره نشوف وش بييصير بالنهايه

ابوعبدالرحمن الصفيان
ماهى معقوله الحراره هذى


طبعاً اليوم خلال فرتى للورشه :
كانت الردود متقاربه وهى صيخ الاديتر <<والاديتر جديد وماينقص حتى
والرد الثانى انو اتوماتيك المكينه <<وهذا يبغى من يراجعه ويتئكد

[عسلوف]

السلام عليكم اخوي انا مجرب الباثفندر الحرارة في الظروف العادية حتى بالمكيف ماتزيد عن الربع الحاصل عندك بداية مشكلة وياليتك تدركها قبل فوات الاوان وحلها ان شاء الله عندي
1 - قم بتغيير بلف الحرارة لانه دايم يقفل بعض الاحيان ولايغرك شكله بدله فورا بجديد وتراه ماهو بغالي
2- الباثفندر فيه مشكلة تفريغ الهواء من الرديتر وهو صعب وتراني سويته بوكالة جدة لان عندهم طريقة لتغريغ الهوا وتراه الي يسبب الحرارة في اغلب الاحيان
3- تاكد من وضع الربلة الي تحت السيفون السوداء ترا لها دور في عملية التبريد
4- اذا ما راحت المشكله الله يعينك بتغيير اتماتيك المروحه
5- تحذير اذا ماحليت المشكله ترا تاثر على الراس وتصبح السيارة تسخن ولايمكن معالجت الراس الا بواحد جديد وكم سعره ؟؟؟؟
اخيرا ارجو منك بعد هذه الافكار تخبرنا ويش الي صار معك من اجل تعميم الفائدة مع تمنياتي للجميع بالتوفيق ،،،،،،،

[عاشق الغضا]

السلام عليكم أخوي ابعد عن الوسوسة والموتر اعرف أكثر من 20 واحد معهم من 2003 وما فوق الحرارة توصل في القير التماتميك الثلث وإذا كان في النفوذ توصل النصف أو في الزحمات مع المكيف والقير العادي توصل الربع إلى الثلث ولكن اقل من التماتيك

وشكرا

[عبدالرحمن السالم]

هلا والله اخوي زي ماقالو ابعد عنك الوسواس وخلك عادي انا معي 2005 وماشي 38000 << شكلنا مطلعينه مع بعض
والله انا ملاحظت فيه زياده والا شى بس ترا على فكره هذا شى طبيعي وعادي

بالتوفيق اخوي

[ابوحماد]

الصفيان
أول شي شيك من الغطأ حق الرديتر يمكن يكون الجلب تعبانه أشتر واحد جديد وجرب

[ابو راجي]

السلام عليكم

زميل لي في العمل رجال عاقل ومحافظ على السيارة صارت له نفس المشكلة موديل 2005 والموتر ما كمل 70 الف كم المهم ما خلا شي غير بدل راح جا وكاله كبار مهندسين غير اديتر ثم تماتيك مروحه ثم خراطيش ثم طرمبه بنزين المهم ما خلا شي

اخيرا قلت له بيعه وافتك فعلا باعه باعه باعه باعه هذا هو الحل السياره اذا قامت تخنبق اقلعها