عديت في مرقب ٍ و الليل ممسينـــــــي= بديار غرب ٍ لعل السيل ما جاها
اضحك مع اللي ضحك و الهم طاويني= طية شنون الطلب لا سربو ماها
و راك ما تزعجين الدمع ياعينـــــــــــي= على هنوف ٍ جديد اللبس يزهاها
هبت هبوب الشمال و بردها شيــــــــن ِ= ما تدفي النار لو حنا شعلناهـــــــــا
ما يدفي الا حضن مريوشة العيــــــــــن ِ= و الى ظمينا شربنا من ثناياهـــــــا
ياشبه و ضحى فتاة ٍ دلها زيـــــــــــن ِ= داجت على عقلة ٍ و الورد ما جاهـــــــا
ياعل من لامني يعطى عمى العيـــــن ِ= مخباط صمعا جليل الفخذ يشظاهــا
جعله حسير ٍ كسير و راكبه ديـــــــن ِ= و اتلى حلاله ذلول ٍ راح يطلاهــــــــا
"""
حسب إفادة- منصور العواجي - في ديوانه بأن هذه القصيدة
سبق وأن سجلت بأسم - عبد الهادي الروقي - ولكن تبين له
بأنها لـ(مسحل بن جالي الغويري من الروقه )
""
