((الشاعر))
((محمد الأحمد السديري))
((سيرته))
.............
((أشعاره))
"""
قالوا وحــيد وقلــت ما عنــدي أوناس =قالوا غريـب وقلـــــــت بارض ٍ بعيــــــــــده
أبعــدت مابي شوف نـاس من الناس =بعــــــــدت عـــن بعض الملا وتعديــــــده
مطـــاوع قلبي عــــــلى كل الاجناس =والبعـــــد عن شوف المكاره يفيـــــــــده
اخـــترت بعــد الدار عن قرب الانجاس =عـــــــــــن دارهم نلقى ديار جـديــــــده
في وسط نجد اتبع هوى كل نسناس =واطـــــــــرب لشوف طيورها وتغريــــــده
اعشــــق ليالــــي نجـــد لونها دماس =وايامــــــــــــها عندي جنان سعيــــــده
شــمي لعشــــب رياضها يقعد الراس =ومافات من ساعات عمري بعيـــــــــده
شــــوف الزهر يعـــــد عنا كل هوجاس =ويريح عـــن قلب الشقا ما يكيـــــــــده
وحـــس الرعد فــــي رايح المزن رجاس =دقات عــــود عن سمعي فريـــــــــده
وان قــــال لــي بعض المخاليق لا باس =قلـــــــت الهضايم بالضماير مجيـــــــده
الله مـــــــن هـــــم بالاضـــــلاع غطاس =اقام وســـط القلب وابطى شـــــديده
فكــــــرت بالدنيا بتقـــدير واحســـــاس =ولا جت لي الدنيا على ما نريــــــــده
اللــــــي نبي تقطعــــت عــنه الارماس =وعـــــنه اختفت كل العلوم الوكيــــده
القلـــــــب يبغــــض كل غادر وبـــــلاس =اللــي يلطـــــخ دم الاجواد بيــــــــده
واحــــــب مــــن يتعب على كل نوماس =ومـــن فيض جوده ما يمد الزهــيده
اللــــــي ليـــــــا كادت والارياق يبــــاس =يصـــــــبر على كود الامور الشديده
وللنفـــــــــس عن طرق المثاليم حباس =يتعــــــب على كل العلوم الحميده
واحــــــــب نجد وكل حبي على ساس =حـــــــــب بقلبي له قصور مشيده
عنـــــــدي وعرها مع سهلها والاطعاس =غــــابات ورد فـــــي زهور نضيــده
برياضـــــــها محـــــــــلا هدد كل قرناس =ان شــاف حفان الحباري يصيــده
عـــدل المناكب لابرق الريــــــــش دواس =ماناش في مخلاب كفه يجيــده
ياحــــــلو هداته علــــــــى الجول غلاس =ينحــــــــــر كثيره ويتعدى الفريده
اجـــــــــــــرد عديم لهايش الخرب فراس =والطــــايره لو ترتفع مــــا تكيـــده
ايـــــــــــام عجـــــــات الهدد كلها اوناس =ياحـــــــــــلو بالخد البياح تهديده
[line]
يقول من عدى على راس عالي=رجم طويل يدهله كل قرناس
في راس مرجوم عسير المنالي=يشتاق له من دق بالقلب هوجاس
قعدت في راسه وحيدلحالي=والقلب في لجات الافكارغطاس
قعدت اعد ايامهاوالليالي=دنياتقلب ماعرفنالهاقياس
دنياتفرق بين غالي وغالي=لوشفت منها ربح يرجع للافلاس
ياماهفابه من رجال مدالي=ماكنهم ركبواعلى قب الافراس
ولارددواصم الرمك للتوالي=ولاثار عج الخيل في كل مرواس
ولاقلطوهن للكمين الموالي=ولاصار فوق اظهورهن شلع الانفاس
في حومة الهيجالهن اجتوالي=كل يبي من زاية الفعل نوماس
من بينهم عود الجنا والسلالي=مثل ابروق ليل الادماس
اقطعك دنيامالهاأول وتالي=لواضحكت تبكي وتوريك الاتعاس
يابجادشب النار ودن الدلالي=وحمس لنايابجادمايقعد الراس
فنجال يغدي ماتصورببالي=وروابع تضرب بها اخماس وسداس
لعل قصر ما يجيله اظلالي= ينهد من عالي مبانيه للساس
لاصار ماهو مدهل للرجالي=وملجألمن هو يشكي الظيم والباس
بحسناك ما منشي حقوق الخيالي=ياخالق اجناس ومفني اجناس
لاخاب ظني بالرفيق الموالي=مالك مشاريه على باقي الناس
وان ناشني من بعض الادنين صالي=ماني عن الزلات مخبر وبلاس
كالعنبر الغالي بالاسواق غالي=ولادرهم الفضة على صفر ونحاس
اجزية بالصدة جنوب وشمالي=واتل هوى قلبي الياهب نسناس
المستريح اللي من العقل خالي=ماهوبمثلي ولجات الهواجيس غطاس
ماهو بمثلي مشكلاته اجلالي=عجزت اسجلها بحبر وقرطاس
حملي ثقيل وشلت حملي الحالي=ونصبر على ضيم الليالي والاتعاس
نرسي كما ترسي عوالي الجبالي=ماينهزع عليه حيد القدم داس
متى تربع دارنا والمفالي= تخضر افيضه عقب ماهي بيباس
ونشوف فيه الديدحان متوالي =مثل الرعاف بخصرمدقوق الالعاس
ينثر على البيداء سواة الزوالي=يشرق حمارة شرقة الصبع بالكاس
أبو فارس[line]
شيٍ بقلبي ياملا حايرٍ فيه =شيٍ تحير أبه العقول الفهامي
مخفيه بفوادي ولاودي ابديه =وادور الخيرات شرقٍ وشــامي
احترت به ماشفت شيٍ يحاليه = واليوم اباانشدعنه مانيب كامي
سيلٍ حدر مع واديٍ غير واديه =مدري حلالٍ ماه والاحـــرامـي
كانه حلال وجايزٍ شرب صافيه = وش حلله يامفسرين الحلامـي
هاتوا تفاصيله وهاتومعانيه = نبي الدليل اللي عليه الكلامي
نبي دليلٍ يفهم الدرب ماشيه =يمشي به التايه بليلٍ ظلامي
يمشي به التايه ويقدي مواطيه= ويشرب قراح المالياصارظامي
لاشك هجسي يوم خلا مماشيه =انه حرام ومنه زود الاثامي
احرم من الزقوم مره وحاليه = وشربه على الضامي يزيد الهيامي
الله من قلب همومه تقــزيـه =تدك به مثل الجراد التهامي
مما جرى قامت تتله مشاحيه = تل الرشا من فوق هدفّ المقامي
روابعٍ قامت تصيبه وتخطيه=شاف الهوايل واختلاف الاسامي
مايسمع الداعي ليا قام يدعيه= يعوم في بحرٍ من الهم طامي
ماينتبه للي بصوته يناديه= يزيد همه يوم كل ينامي
يشوف وقت ماعرفنا تواليه = وقتٍ يشيّب من بسـن الفطامـي
هذا زمان كاثراتً بلاويه = الغيم يقلب فيه عج وكتامي
يابعد شرب الما على كبدراجيه= ماسيّل الغبرا زعوج الجهامي
انبيك يامن كلمة الحق ترضيه=اعطيك ماينفعك وافهم مرامي
قصرٍ يذلك لاتقابل مبانيه = خله عسى شامخ طويله هدامي
خله عسى ماصاب اغادير يفنيه = يودع منازِلْه الطويله رجامي
لوزان مدخاله وطالت حواميه = شيّد على الخيبه قليل الرحامي
وحيٍ يوريك المذله وتغليه = انا اشهد انك ميت القلب عامي
من لايودك لا توده وترجيـه = ارفع مقامق ياعـزيـز المقامي
ارفع مقامك عن عدوك وتوذيه= ويلحقك من تركت رفيقك ملامي
حق الرفيق وواجبه لاتخليه = يلزمك مثل الوالدين الحشَامي
اختر عزيز الجار والحق يعطيه= شبلٍ على هرجٍ يقوله يحامي
مادك به عرق المذله وطاريه = ويسبق على فعل الفضيله شمامي
ومن قارب الاجرب بالامراض يعديه =عدواه تسطى باللحم والعظامي
درب السلامه بيناتٍ مماشيه = ودرب العطب يرّث عليك اللكامي
ابعد وقلبك نازح البعد يشفيه=وتلقى عن الدار البغيضه مقامي
دارٍ بدار وداعي الذل عاصيه = ولاتقبل الذله نفوس الكـرامي
الذل موتٍ حايماتٍ ضواميه = اخل على منزل فروض الصيامي
عن مقعدٍ بالذل عينك تراعيه= الموت عند الذل أمن وسـلامي
يرضى المذله من تردت هقاويه= والذل يجفل منه قلب العصامي
والعبد له ربٍ عن الناس يغنيه= ولولاه ماصاب الهدف كل رامي
((عاشق النفود))
