15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 5 من 5

الموضوع: ديوان الشاعر / عبدالله سعود الدغيثر

  1. #1

    ديوان الشاعر / عبدالله سعود الدغيثر



    بسم الله الرحمن الرحيم
    السلام عليكم ورحمة الله وبركاته
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    (((المقدمه)))

    الشاعر / عبدالله بن سعود الدغيثر- من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
    دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
    في متناول القارئ وهي تقدر للشاعر مايبذله من جهد وتفان ٍ في هذا المجال

    ((السيرة الذاتية))

    الاسم : عبدالله بن سعود بن صالح الدغيثر

    العمل : معلم

    العنوان : محافظه ضرماء - الرياض

    العمر : 30 سنه
    """""""""""""""""
    """"""""""

  2. مشاركة: ديوان الشاعر / عبدالله سعود الدغيثر



    ((كشف البروق))

    ""

    قصيدة الشاعر الفذة والرائعة والفائزة في مسابقة مكشات

    النوّ بانت يالنشاما مواريه *=* أقبل من القبلة تكاشف بروقه
    مثل الهضاب النايفة في مناشيه *=* يفرح به اللي كل برق(ن) يشوقه
    ويطرب له اللي كاثرات(ن) طواريه *=* حب الصحاري لاجي(ن) في خفوقه
    ويفرح به الشاوي وتكبر هقاويه *=* وينومس اللي (مشْقِيَه)1حبنوقه
    وراعي الولع طيرة بكفه يخاويه *=* الصبح بالجنحان محلاخفوقه
    عقب المقيض اصبح على كف راعيه *=* يكشف له البرقع ويطلق سبوقه
    يالله على نجد العذية تقدّيه *=* والله على ذيك المفالي يسوقه
    عساه يمطر فوقها بأمر واليه *=* وينثر على الضلع الموالي حقوقه
    وتزين سجات القدم في خباريه *=* ويطيب قلب(ن) كاثرات(ن) فتوقه
    والبر يبهج خاطر اللي مشى فيه *=* لاصار نبته راويات(ن) عروقه
    والأرض خضراء مالها مايحاليه *=* حتى افخم الشيراز واطيب عموقه
    من فوق جيب(ن) لا عطا الخط يطويه *=* ذب العروق الزامية ماتعوقه
    ماهوب جيبٍ ماتعدا مبانيه *=* راعيه في وسط المباني يسوقه
    لا والله إلا بالمساري مظريه *=* وإلى سرى ليله يغني طروقه
    يازين مغباشه ومحلا مساريه *=* يشوش راس اللي سرى الليل فوقه
    يدنيك قفر(ن) صادق الغيث محييه *=* ويبعدك عن ضوضا البلد والخنوقة

  3. مشاركة: ديوان الشاعر / عبدالله سعود الدغيثر

    قصر الرجى

    بنيت قصرٍ لـلرجى نايف الجال = وهدمت بيت الياس عقب المذله
    وفتحت لي بابٍ عليه الصبر طال = وقـفلت بـابٍ مـنه كبدي مغله
    وهديت طيرٍ يطربه صوع الاجوال = وبرقعت طيرٍ ماتعـدى محله
    وسجيت رجلي في وسيعات الاميال = وحولت من روس الرجوم المطله
    وقفيت عن دارٍ بها شـفت الاهوال = وحليت عند اهل القصور المظله
    وفلّيت لي طرسٍ حوا زين الامثال = وطرسٍ قريت العام حرّمت فله
    وخايلت لي برقٍ سرى يشعل اشعال = وبـرقٍ تـعدى مـاتـبعـــــــناه لله
    وشربت لي من صافي الجمة زلال = مـن عقـب عـدٍ ريقـنا مايبلــــــــــه
    وطويت صفحات النكـادة والانكال = وكفيت دمعٍ من عيـوني تـهلـــــــه
    يـاما كتمت الغيض عن كل الانذال = اللي لهم شذب الـعراقـيب فلــــــــه
    وخذيت من بقعا لي دروسٍ جزال = وعـرفت من روغاتها العلم كلــــــه
    يـافكرتي بالوقت راحل ونـزال = احـدٍ هني واحدٍ على جال ملــه
    وفكرت بالدنـيا على مر الاجـيال = واثر السـديري قالها في سجلـــــه
    ( احدٍ تذعذع له على روس الاقذال ) = واحدٍ كما السرحان والوقــت ذله
    ويـالله يـالـلي عـالمٍ كل الاحـــوال = تحـسن خواتمنا على خير ملـــه


    عبدالله بن سعود الدغيثر
    28/1/1422 هـ


    (ابو سالم)

  4. مشاركة: ديوان الشاعر / عبدالله سعود الدغيثر

    لـجـت مزامـيـر الـمــوادع وقـفـيـت‍=قفـيـت والعـبـرة تـسـابـق دمـوعــي
    حاولت اخفّي دمعة العين وازريـت=هلـت علـى خــد المعـنـى جمـوعـي
    ومـع السلامـة قلتهـا بـس مأوحيـت=‍كنـي مـن الموقـف ثقيـل السموعـي
    ومن عقب ماقفيت بالصوت ناديت=‍ولا كن يسمعني مـن النـاس دوعـي
    عـــزالله انـــي عـقـبـهـم ماتـهـنـيـت=‍اسهـر وكـن اليـوم عنـدي سبـوعـي
    ورقيت في راس الطويلـة وجريـت‍=صــوتٍ يـوّقـظ نايمـيـنٍ هـجـوعـي
    قـفـوا وانــا قفـيـت لاحــي لامـيــت=هـذا الـفـراق الـلـي لقلـبـي يـروعـي
    يامـا عليهـم فـي دجـى الليـل ونيـت=‍وخطرٍ مـن الونـة تصّـرم ظلوعـي
    ويـامــا علـيـهـم فاللـيـالـي تـمـنـيـت=‍حـل الرحيـل وحـن قلـبٍ جزوعـي
    ولـيّـت يـاوقــت الغـرابـيـل ولـيّــت‍=فرقتـنـا مــن عـقـب كـنـا ربـوعــي
    هــذا كـلامـي يــوم قـفــوا وقـفـيـت=ولاظن من عقب التفـرق رجوعـي

  5. مشاركة: ديوان الشاعر / عبدالله سعود الدغيثر

    الحب ماهو بستطاعة هل الحب=الحب شيٍ يبعثه رب الارباب
    في قلب منهو في دروب الهوى شب ‍=وعلى دروب الغي ومطارده شاب
    وإلى سطى في قلب رجلٍ تعذب ‍=ورجله يعنيها على كل مرقاب
    واللي مشى بالحب لابد يتعب ‍=ولابد من بيض الغنادير ينصاب
    وقلبه كما غصنٍ عليه الهوى هب ‍=يميل لاذعذع نسيم الهوى الهاب
    وعينيه منها صافي الدمع ينصب ‍=لاصار من يهواه عن ناظره غاب
    وترى المودة ياعرب مالها طب ‍=خطرة ولا ينفع بها طب الاطباب
    والشوق يذبح لاتمكن من الصب ‍=اللي شكى فرقا الولايف والاحباب
    يقوله اللي بالمحبة مجرب ‍=جرب ولكن مالقى غير الاتعاب
    ولاصفى له من هوى البيض مشرب ‍=واليوم عن طرد الهوى قفّل الباب

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •