قصيده من تأليف اعضاء مكشات>>>ارجو المشاركه

[الضيغمي]

[B]السلام عليكم


خلوووووووة

اطباع ربعي مابها شك او زيف= اطباع راع الدين وللحق تباع

[ذيب الجبال]

ريف النشاما ::: يابعدهم تسلم لي على الترتيب وتنظيم جدا جدا رائع لا عدمناك
صاروخ::: هلا فيك وترا يالغالي ماحنا ناسينك لازم تجيب لنا الابيات الطيبه من وجهك الطيب
الضيغمي::: ونعم والله بك وبربعك وصح لسانك ونتحرى جديدك يابعدي

[ريف النشاما]

السلام عليكم ورحمة الله

أشكر جميع إخواني وأخص أقرب نداء ...على شعوره لأخيه وإلا نحن تلاميذ في عالم الشعر

أحبابي

الورشة تراه عودت وفتحت دريشتها يعني إذا جيت ولقيت الباب مسكر أنطل سيارتك قصدي قصيدتك مع الدريشه وراجعنا بكرة

ونحن في انتضار الجميع
تحيتي

[ذيب الجبال]

السلام عليكم ورحمة الله وبركاته,,
اخواني شعار مكشات (( وين انتم عطونا بسرعه)) نحن نريد المزيد والمزيد من ابداعكم
وياهلا

[ذيب الجبال]

هلا والله بمهندسنا
تقوللي :: فتحت الورشه؟؟!
طيب اذا عطيتك سياره قصدي بيت منقلب عشر قلبات وموظبه مكينته ثلاثين مره
له علاج عندكم ولا لا؟
ننتظر مشاركت شعارنا على احر من جمر

[ابو درع]

حياك الله ياذيب الجبل

بالحقيقه انا عاجز عن شكرك لانه موضوع جدا ًرائع وفكره ابداعيه جديده ..

والشكر موصولاً للمشرف ريف النشاما لتفاعله وجهده ..

وهذا ماعندي ..


وشوقي لهم مع شبة النار والكيف *** لأنهم اصحاب المراجل وقهاره السباع

لامن لفاهم زوار قالو هلا بالضيف *** وسلامي يا ذيب الجبل ولايهون كل سماع

[ذيب الجبال]

سلامي لك يابو درع
ماعليك زود يالغالي وصح لسانك وتو مانورت القصيده
الله يعطيك الــــ1000ــــف عافيه ولاعدمناك يابعدهم وحياك الله
ننتظر جديدك ولاتبخل علينا

[وليف الظيم]

واليا حداني الوقت وخاطري معيف

ميلت يم اللي محرقين البن والباب شراع

[ريف النشاما]

السلام عليكم ورحمة الله

ياهلا ويامسهلا فيكم ياشعراء مكشات

أحبابي

لدي تنبيهات وهي سير القصيده على القنص وانتم أشوفكم ماكتبتم شي بعدي

تخيل بعد أبياتي ومقف صيد جرابيع ضبان ضبي وأرسم هذا المشهد بكلمات ثم صغها
على شكل بيت
ثم هيجن البيت وشف هل هو على ورزن الذي قبله

طبعا لازم تهيجين اللي قبله بيت أو بيتين وكمل بيتك وأذا فرمل معك ترا الوزن فيه شي عود حاول تعدل

وهكذا تستطيع صنع بيت أو بيتين حلوه

وحتى نخرج بفائده وأيضا نكمل القصيده بشكل شامل لكل أحوال المكاشيت

====
حاول تصور وش يسوون القناصه خلال يوم
يعني يقومون الصباح الباكر بالطيور والسلاح والسلق تكرمون
همن يحركون ويورون ويشوفون
همن يجمعون المقسوم
همن يطبخون وينتفون ويقطعون .....وهكذا

وبعد هذا يعودون ويوحون يتمشون بالربيع ويتجمعون ويتذكرون وغيرها سلسلة من الأحداث


أها وينك يالحضري وابو عبد المحسن


راع الكحيله أشوف مالك ريغه لزوم تمر علينا ترانا مانسمح لك

تحيتي

أخي ذيب الجبال كل شي نسمكره هات اللي عندك بس وعجل

[راع الكحيلة]

حيا الله بو عزوز (ريف)

أنا كل شوي مطبح عندكم ...أستمتع بها المشاركات ثم ن أهج
وصراحة مشاركات جميلة..وجهد تشكر عليه يا ريف

[ذيب الجبال]

وليف الظيم :::: صح لسانك وننتظر المزيد والمزيد من ابداعك يالغالي
ريف النشاما:::: ماشاء الله شكل ورشتك ممتازه اجل تحملنا وان شاء الله ابي ارسل لك فلكسسويجن
اقصد بيت لك عليه عن قريب ان شاء الله ,,,,لاعدمناك
راعي الكحيله:::: افا يذا العلم :what: مالهقوه بك انك تنحااااااااش
ماعليك يالغالي اكتب اي بيت وهذا مشرفنا ريف يقول انه مأمن على كل الابيات يعني تسمكر عنده مجانا
شرفتنا يابعدي وهلا فيك

[وليف الظيم]

لا واهني منهو من البر مريف

باله وسيع بشوف راعي ومرياع

[وليف الظيم]

يكحل العين من زين التواصيف

ويطرب الخافق من ذربين الاطباع

[ذيب الجبال]

صح لسانك ياوليف الظيم
ايه بعدي شعللها
الله لايحرمك الاجر ,,,,شرفتنا يالغالي

[ريف النشاما]

نبدا بذكر الله ِخلاق ما شيف= سبحانه المعبود معطي ومنّـاع
=
والثانيه منا على غير تحريف= أزكى صلاة على النبي هو والأتباع
=
وسلام تابع عد وأعداد ماصيف= في الليل نجماً في فضا الكون سطاع
وسلام مني للمكاشيت (تأليف) =أهل العلوم الطيبه ويـّـا الأطباع
=
وأهل الفعول الصدق ماهي تناتيف= اللي تخاوو بالمكاشيت جمّاع
ويامرحباً بمصفف النظم تصفيف= تصفيف ريش الطير لا زمّ شلاّع
=
بالي نوو نظم ن على غير تكليف= يرجون فيه الطيب وامتاع الاسماع
=
ومن قال بيته شرف القاف تشريف =شارك بمجهود الشعر وابدع ابداع
شيب وشبابن للمراجل ملاهيف = ما عندهم فى روحة البر مــنـّاع
وحبيت أشارك مع رجال ن عواريف=يوم الشعر جاله شواري وبياع
=
في منتدى مافيه كذب ن وتحريف =خوة نشامابالوفا صيتهم ذاع
=
المسفهل والحر والحد للسيف =وريف النشاماوالشقردي ومرصاع
=
تجمعوا بالطيب كنهم مواليف=هذا يجيب العلم وهذاك فزاع
ووجدي بمكشات ن على الصلب و طريف = أجدع به هموم ن بها القلب ملتاع
لا صرت لك في روضة ن حدها السيف=تلها بهاعن مجمع ن شين الأوضاع
مع شبة تغنيك عن شبت حنيف=والدلة المركاة والبن ذعذاع
يلقا بها راع المعاميل والكيف= شفه ولا هو من عنا الوقت جزاع
مع شبة للنار وزين السواليف = وخوة رجال ن مايحبون الاطماع
لاصرت في وقت(ن) به الهم وتعيف=سند على ربع(ن) تنسيك الاوجاع
وروّح بنفس ٍ ما دخل جوفها زيف =من طيبها تاسع هـْــل القفر والقاع
واليا حداك الوقت والنفس عييف= ميل على اللي دوم والباب شراع
وشوقي لهم مع شبة النار والكيف = حيث أنهم أهل المراجل وسبّّاع
لامن لفاهم زايرن صاروا الضيف = وسلامي لك يا ذيب مع كل سمّاع
و شوقي على البران ما به تكاليف = أنسى رصيدي داخل البنك لو ضاع
وأيامك أغنمها قبل جمرة الصيف=أرتع ومتع ناضرك بين الأوساع
بين الفياض وبين حمرن مناييف= خذلك بهن سجات عن كل الأوجاع
=
وخل القدم يرقى بعال المشاريف= وجر الهجيني جرّ من بين الأضلاع
=
ومد النضرخل العيون المراهيف= تسرح مواقيها على ذيك الأصقاع
=
ومد الفراش وشب لك نار كييف= للبن الأشقر والعويدي والأتباع
ويا محلا بالريف مع دلة السيف=فوح البهار وفوح زهر (ن) به أنواع
والى شربت البن واستعدل الكيـف =وزالت هموم(ن) داخل القلب رتاع
=
قم ونحر الهرفـي ودن المراهيـف =وقلط رجال(ن) دربهم درب الاسناع
واذا شتهيت لشرحت البال والكيف = انهج على الصمان والبر متاع
=
أراض(ن)بها لأهل الوناسه معاطيف=وخص الفياض اللي بها السدر ووساع
وياشوق قلبي لارقيت المشاريف= في ديرة ٍ ما شافت عيون طلاع
=
لاجيتها كني على ريفها ضيف=مفجوع من نور المدينه ومرتاع
عقب العصير ومال جوه تواصيف=البال رايق بين طيره والأرباع
وصوت أم سالم شادين بالمناديف=لادندنت بالصوت في طا رف القاع
بارض ن خلاوي مفسد البر ماشيف=فيها ولاحوله ردي السنع ساع
=
ولأمسى عليك الليل جنك مناكيف= حرش العراقب حايراتن وشباع
=
ذاك الطرب ماهو دنين المعازيف=لاحنت العفرى لها القلب جزاع
=
وجالك دررها صايفن بالمغاريف= له دنتن بالراس منها الحشى زاع
وأحذر تقضي ليلتك بالسواليف= نم بأوله ياذيب عن شين الأفناع
ولاجاء السحر قم صلى قبل الصواديف=لك ركعتينن منوتن يوم الأشفاع
وخلك مع اللي دايم تقري الضيف= ويقدمونه لو بهم سوء وجياع
=
ورفيقهم محشوم ما يلحقه حيف = ولاهم من اللي ينقل الهرج سماع
=
اطباع ربعي مابها شك او زيف=اطباع راع الدين للحق تبـاع
وسلومهم الطيب وما هـي تكاليـف =والطيب واجد مير هم زود(ن) بصاع
ومع ربعك الغالين خلك لهم شيف= أهل القنص والبر والبل له باع
=
دن الدلال ودرهن والمراهيف=من قبل لايضهر سناها والأشعاع
=
وإن كان لك بالقنص نيه وتهييف=فخلك لها في آخر الليل فواع
وياحادي المقناص لا تقرب الريف =القنص له في داخل القلب مرباع
=
تنسى به اهموم العباد الملاقيف=ويطيب له خاطرك لا صرت فزاع
=
الصيد يطـــــربني بليا تكاليف=ارتاح به عـــن دورة ايام الأوجاع
ويا ما حلا صيد القميري إليا شيف = ولا القطا أجوال من كل الأنواع
=
في روضة ن عنها تقل التواصيف = شرق من الحسنا وغرب عن نطاع
ولابعد بين الخشوم المساييف=بين السناف وبين ِ سهلة ومطلاع
=
سواقنا( ذيب الجبال) المراييف=و(السيزو) الصقار للخرب رمّاع
=
هذا كديري بين خضر ن مهاديف = ومرن قطاة ن بين ِ زينات الأتلاع
وهاذي أرينب ناتقه صابه خيف = ليا حام فوقه صافي الريش تباع
=
مع ربع ن قروم ن من البر والسيف = ومكشات يجمعهم على زين الأطباع
ناخذ لنا بالقنص طربه على الكيف=بين الحباري والضبى فيه دراع
=
هذا نصيده بأشقر الراس ماحيف=وهذا نصيده بأشقر الريش مطواع
=
وهذا نرقه رقى ربعن مخافيف=بين الهلالي والنقى ورمح ملتاع
=
وهذا نختله ختلت الذيب ماشيف=لين إننا نزنط خناعه ولو فاع
=
واللي تؤخر حاش نفسه حراشيف=لأم الاذان اللي طوال ن كما الباع
=
ولاطابت الخطر ولابه حواسيف= على بواق ن باقية مابها أطماع
=
ظف الزهاب ولفها بالملافيف= وسند على ربعه وشلع تشلاع
=
ولامن لفو بعصير شفت الرفاريف=متكحلة من صيدهم عدة أنواع
=
وتحدروا مع خايعن بالشغانيف= لين أستووى بين المرامث وشكّاع
روض(ن) زهاه الله بزين الزخاريـف=زهرالنفل وخزام وباطيـارسِجّـاع
والجو رايق والنسايم هفايف=والربع تعّب من دورهم وجيّاع
=
تطابحوا من فوقهن السناييف =هذا يكز الفرش وذياك الأشراع
=
وكل عن الساعد يلف النفانيف= تكاتفوا ربعن قرومن وفزّاع
=
وشوي إلا كل شي ن مكافيف= البن جاهز والقدر كاتمه فاع
=
وكل ن من الفنجال خذله مراشيف= ومريق بالحبحر منه جن الأدامع
=
والجمر فوقه كمّ ِ صيخن مراديف= وريش الطيور مّزعينه تمزّاع
=
وعقب الصلاة وكامل الورد تكليف = نكب العشى نثري ومنه الدسم ماع
=
صكوا عليه ونهسة العضم أُف أيف=أرنب حباري والنحم قمري أسباع
=
ومن عقب عشر مع ثلاثن مواليف=طابت نفوسن للقنص فيه مهزاع
=
توجهوا صوب الحزوم المقاييف= الكيف راق وبارق المزن لمّاع
ومحلا شبوب النار وزين السواليـف=بروض(ن) جميل(ن) فيهِ الانعام رتّاع
ولا واهني منهو من البر مريف=باله وسيع بشوف راعي ومرياع
=
يكحل عيونه بزين التواصيف=ويطرّب الخافق بذربين الاطباع
عقب القنص والطير... شوف المساهيف=أكمل سعادة للماكشيت تباّع
وريف النشاما يصرف القاف تصريف =يوم(ن)خطوا الاّش يطق الاصباع
=
ياقلت نبي البر شال التكاليـــــــــــف=الطيب منه وفيه ساكن بالاضلاع
بأسباب صحبت من كدرهم لنا ريف=ربعن نشاما للخوي باعهم باع
=