15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 9 1234567 ... الأخيرةالأخيرة
النتائج 1 إلى 15 من 130

الموضوع: قصيده من تأليف اعضاء مكشات>>>ارجو المشاركه

  1. #1
    تاريخ التسجيل
    Jan 2005
    الدولة
    ماني بعيد عن العليم
    المشاركات
    197

    قصيده من تأليف اعضاء مكشات>>>ارجو المشاركه

    سلام عيكم ورحمة الله وبركاته
    بعد تفكير طويل صحبه تردد خشية الفشل ,,,,, جزمت على ان اعرض موضوعي وهو ينص على
    ان كل عضو يشارك يكتب بيت والعضو اللي يليه يكتب بيت.... وهكذا الى ان نحصل على قصيده بل معلقه بحول الله وشروطها ان يكون معنا القصيده بالكشتات وما يدور حولها من سياره وعزبه ووووووووو) وطبعا على قافيه واحده
    واعذروني لن ابد انا لاسباب اهمها::::::
    1- ماقدر اتعدا على شعرائنا ومشرفينا.
    2-لاني احب القصيد ولكن لا اجيد كتابته.
    وفي النهايه ارجو ان احضا بمشاركت جميع اخواني في مكشات
    سلام عليكم,,,,



    =====================================

    (((((الثمره))))


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي




    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    أقرب نداء=..
    نبدا بذكر الله خلاق ما شيف= سبحانه المعبود معطي ومنّـاع
    =
    والثانيه منا على غير تحريف= أزكى صلاة على النبي هو والأتباع
    =
    وسلام تابع عدّ واعداد ماصيف= في الليل نجماً في فضا الكون سطاع
    اسيزو 4*4=..
    وسلام مني للمكاشيت (تأليف) =أهل العلوم الطيبه ويـّـا الأطباع
    =
    وأهل الفعول الصدق ماهي تناتيف= اللي تخاوو بالمكاشيت جمّاع
    (((الحر)))=..
    ويامرحباً بمصفف النظم تصفيف= تصفيف ريش الطير لا زمّ شلاّع
    =
    بالي نوو نظم ن على غير تكليف= يرجون فيه الطيب ومتاع الأسماع
    =
    ومن قال بيته شرف القاف تشريف =شارك بمجهود الشعر وأبدع إبداع
    ريع الدياب=..
    شيب وشباب ن للمراجل ملاهيف = ما عندهم في روحة البر مــنـّاع
    العزوم=..
    وحبيت أشارك مع رجال ن عواريف=يوم الشعر جاله شواري وبياع
    =
    في منتدى مافيه كذب ن وتحريف =خوة نشامى بالوفا صيتهم ذاع
    =
    المسفهل والحر والحد للسيف =وريف النشاما والشقردي ومرصاع
    =
    تجمعوا بالطيب كنهم مواليف=هذا يجيب العلم وهذاك فزاع
    ذيب الجبال=..
    وريف النشاما يصرف القاف تصريف =يومن خطوا اللاش طقطق بالأصباع
    =
    ياقلت نبي البر شال التكاليـــــــــــف=الطيب منه وفيه ساكن بالأضلاع
    ريف=..
    بأسبـاب صحبـت مـن كـدرهـم لـنـا ريــف=ربـع ن نـشـامـى لـلـخـوي بـاعـهــم بــــاع
    ابو ساره=..
    ووجدي بمكشات ن على الصلب و طريف = أجدع به هموم ن بها القلب ملتاع
    النقى=..
    لا صرت لك في روضة ن حدها السيف=تلها بها عن مجمع ن شين الأوضاع
    ابو عبد المحسن=..
    وحولك نشامى مالحق طبعهم حيف=ربع حرار والمراجل لهم باع
    =
    مع شبة تغنيك عن شبت حنيف=والدلة المركاة والبن ذعذاع
    أقرب نداء=..
    يلقا بها راع المعاميل والكيف= شفه ولا هو من عنا الوقت جزاع
    نهار=..
    ويا محلا بالريف مع دلة السيف=فوح البهار وفوح زهر (ن) به أنواع
    صاروخ=..
    مع شبة للنار وزين السواليف = وخوة رجال ن مايحبون الاطماع
    وليف الضيم=..
    لاصرت في وقت(ن) به الهم وتعيف=سند على ربع(ن) تنسيك الاوجاع
    الحضري=..
    وروّح بنفس ٍ ما دخل جوفها زيف =من طيبها تاسع هـْــل القفر والقاع
    وليف الضيم=..
    واليا حداك الوقت والنفس عييف= ميل على اللي دوم والباب شراع
    أبو درع=..
    وشوقي لهم مع شبة النار والكيف = حيث أنهم أهل المراجل وسبّّاع
    لامن لفاهم زايرن صاروا الضيف = وسلام لك يا ذيب مع كل سمّاع
    صاروخ=..
    و شوقي على البران ما به تكاليف = أنسى رصيدي داخل البنك لو ضاع
    برق الحيا=..
    إليا دخلت خيامها بالمساليف= تشفق على الأطعاس مع طيب القاع
    هاوي البر=..
    وأيامك إغنمها قبل جمرة الصيف=إرتع ومتع ناضرك بين الأوساع
    ريف=..
    بين الفياض وبين حمرن مناييف= خذلك بهن سجات عن كل الأوجاع
    =
    وخل القدم يرقى بعال المشاريف= وجر الهجيني جرّ من بين الأضلاع
    =
    ومد النضرخل العيون المراهيف= تسرح مواقيها على ذيك الأصقاع
    =
    ومد الفراش وشب لك نار كييف= للبن الأشقر والعويدي والأتباع
    أبو فهد=..
    وإمل الدلال بصافي البن للضيف=والسكري مكنوز لنفوس ن وساع
    الضيغمي=..
    وليا شربت البن وستعدل الكيـف =وزالت هموم(ن) داخل القلب رتاع
    =
    قم ونحر الهرفـي ودن المراهيـف =وقلط رجال(ن) دربهم درب الاسناع
    نهار=..
    واذا شتهيت لشرحت البال والكيف = انهج على الصمان والبر متاع
    =
    أرض(ن)بها لأهل الوناسه معاطيف=وخص الفياض اللي بها السدر ووساع
    الحضري=..
    وياشوق قلبي لارقيت المشاريف= في ديرة ٍ ما شافت عيون طلاع
    =
    لاجيتها كني على ريفها ضيف=مفجوع من نور المدينه ومرتاع
    ريف=..
    عقب العصير ومال جوه تواصيف=البال رايق بين طيره والأرباع
    صاروخ=..
    وصوت أم سالم شادين بالمناديف=لادندنت بالصوت في طا رف القاع
    راع الكحيلة=..
    ومحلا شبوب النار وزين السواليـف=بروض(ن) جميل(ن) فيه الأنعام رتّاع
    ريف=..
    بارض ن خلاوي مفسد البر ماشيف=فيها ولاحوله ردي السنع ساع
    =
    ولأمسى عليك الليل جنك مناكيف= حرش العراقب حايراتن وشباع
    =
    ذاك الطرب ماهو دنين المعازيف=لاحنت العفرى لها القلب جزاع
    =
    وجالك دررها صافين بالمغاريف= له دنتن بالراس منها الحشى زاع
    ريف=..
    وأحذر تقضي ليلتك بالسواليف= نم بأوله ياذيب عن شين الأفناع
    طويلب علم=..
    ولاجاء السحر قم صلى قبل الصواديف=لك ركعتينن منوتن يوم الأشفاع
    الهلالي=..
    وخلك مع اللي دايم ن تقري الضيف= ويقدمونه لو بهم سوء وجياع
    =
    ورفيقهم محشوم ما يلحقه حيف = ولاهم من اللي ينقل الهرج سماع
    =
    أطباع ربعي ما بها شك أو زيف=أطباع راع الدين للحق تبـاع
    راع الكحيله=..
    وسلومهم الطيب وما هـي تكاليـف =والطيب واجد مير هم زود(ن) بصاع
    ريف=..
    ومع ربعك الغالين خلك لهم شيف= أهل القنص والبر والبل له باع
    =
    دن الدلال ودرهن والمراهيف=من قبل لا يظهر سناها والأشعاع
    =
    وإن كان لك بالقنص نيه وتهييف=فخلك لها في آخر الليل فواع
    الحضري=..
    وياحادي المقناص لا تقرب الريف =القنص له في داخل القلب مرباع
    =
    تنسى به هموم العباد الملاقيف=ويطيب له خاطرك لا صرت فزاع
    =
    الصيد يطـــــربني بليا تكاليف=ارتاح به عـــن دورة أيام الأوجاع
    الهلالي=..
    ويا ما حلا صيد القميري ليا شيف = ولا القطا أجوال من كل الأنواع
    =
    في روضة ن عنها تقل التواصيف = شرق ن من الحسنا وغرب ن عن نطاع
    ريف=..
    ولابعد بين الخشوم المساييف=بين السناف وبين سهله ومطلاع
    =
    سواقنا( ذيب الجبال) المراييف=و(السيزو) الصقار للخرب رمّاع
    =
    هذا كديري بين خضر ن مهاديف = ومرن قطاة ن بين زينات الأتلاع
    الهلالي=..
    وهذي أرينب ناتقه صابه خيف = ليا حام فوقه صافي الريش تباع
    =
    مع ربع ن قروم ن من البر والسيف = ومكشات يجمعهم على زين الأطباع
    ريف=..
    ناخذ لنا بالقنص طربه على الكيف=بين الحباري والضبى فيه دراع
    =
    هذا نصيده بأشقر الراس ماحيف=وهذا نصيده بأشقر الريش مطواع
    =
    وهذا نرقه رق ربعن مخافيف=بين الهلالي والنقى ورمح ملتاع
    =
    وهذا نختله ختلت الذيب ماشيف=لين إننا نزنط خناعه ولو فاع
    ريف=..
    واللي تؤخر حاش نفسه حراشيف=لأم الاذان اللي طوال ن كما الباع
    =
    ولا طابت الخطر ولابه حواسيف= على بواق ن باقية مابها أطماع
    =
    ظف الزهاب ولفها بالملافيف= وسند على ربعه وشلع تشلاع
    =
    ولا من لفو بعصير شفت الرفاريف=متكحلة من صيدهم عدة أنواع
    =
    وتحدروا مع خايعن بالشغانيف= لين أستووى بين المرامث وشكّاع
    راع الكحيلة=..
    روض(ن) زهاه الله بزين الزخاريـف=زهرالنفل وخزام وأطيـارسِجّـاع
    ريف=..
    والجو رايق والنسايم هفايف=والربع تعّب من دورهم وجيّاع
    =
    تطابحوا من فوقهن السناييف =هذا يكز الفرش وذياك الأشراع
    =
    وكل عن الساعد يلف النفانيف= تكاتفوا ربعن قرومن وفزّاع
    =
    وشوي إلا كل شي ن مكافيف= البن جاهز والقدر كاتمه فاع
    =
    وكل ن من الفنجال خذله مراشيف= ومريق بالحبحر منه جن الأدامع
    =
    والجمر فوقه كمِّ صيخن مراديف= وريش الطيور مّزعينه تمزّاع
    =
    وعقب الصلاة وكامل الورد تكليف = نكب العشى نثري وعنه الدسم ماع
    =
    صكوا عليه ونهسة العضم أُف أيف=أرنب حباري والنحم قمري أسباع
    =
    ومن عقب سبع ن مع ثلاثن مواليف=طابت نفوس ن للقنص فيه مهزاع
    =
    توجهوا صوب الحزوم المقاييف= الكيف راق وبارق المزن لمّاع
    رهوه مرعده=..
    والصيد يطلع كل رجال حذيف= وعلوم تذهل بالرجاجيل تنذاع
    الحضري=..
    والصيد يا أهل الصيد صبر وتصانيف= اصبر ترى صبرك على الصيد ما ضاع
    =
    وان كنت ملهوف ٍ ترى به ملاهيف= اخــذ الكفـايه لا يقـــــــولووون طمـّـاع
    ريف=..
    وعقب القنص والطير... شوف المساهيف=أكمل سعادة للمكاشيت تباّع
    وليف الضيم=..
    ولا واهني منهو من البر مريف=باله وسيع بشوف راعي ومرياع
    =
    يكحل عيونه بزين التواصيف=ويطرّب الخافق بذربين الاطباع
    العزوم=..
    وقالوا تسافر قلـت مالي مصاييف=مـدام بالصمـان عشب ن ومربـاع
    =
    قالوا تحبـه قلـت مافيـه تزييـف= حب ن قديم ن مادخـل فيـه طمـاع
    =
    لوخيروني بيـن باريـس وجنيف=لوهـي ربيع ن دوم فـي كـل الاوضـاع
    =
    أنا مصيفي حول روس المشاليف=وعنها شمـال شـوي للجـول تبـاع
    =
    وليا ضبطت الكيف بألي مهاديـف= فنجالهـا يشفيـك لوكنـت ملتـاع
    =
    إما زعجت الصوت بين السراجيف=والاسوالف يطربن كل سماع
    دبلوماسي قنص=..
    وياكاشت ن نوصيك حسن التصاريف=لاتخلي أمراحك للأثعال لا جاع
    =
    ربـيعــنا كــنه علـى حـفة طــريــف=هذي المرابع دونكم حالها راع
    الهلالي=..
    وأحرص تخلي موقعك دايم نظيف = لاتحسبنه لك لوحدك وهو مشاع
    =
    حيث النضافة (شعبة أيمان) ونضيف=(عليه حث المصطفى) وأمره مطاع
    ريف=..
    وخل الشغل في كشتتك شغل حريف = لا تمرطس الدعوى وتمسون وجّاع
    =
    والقدر تكفى نظفه حيل بالليف= لاتتركه يمرح وعذرك تنقاع
    =
    وهرفيكم لبّان دون المناصيف= وأحرص على اللي بالمراعي وشباع
    =
    ومذباحكم حيفه بمسحاتكم حيف=و ظف الفرث والجلد عن مرتع الراع
    =
    والرز بين البين مكبوس ماحيف=نثري على –القولون- سمح ن ومرياع
    =
    وجمع فناجيلك على ساع تخفيف= والسفتي والملاس والبيز كم ضاع
    =
    واحضر معك كيس الزبالة وتغليف= لأجل النظافة مالها مثل ياراع
    =
    ولا تحسبك بالصبح لاقمت حريف= تبغى صور للشمس في لحظ مطلاع
    =
    دن الدلال وشب نارك على جريف= وخل الصور بعدين إن كنت سمّاع
    =
    وإن كان حالك مثل بعض المعاريف= فالله يعين العشب على التجضاع
    أقرب نداء=..
    ويا مسندي باوصيك وصاة عريّف= معْـارك الدنيا و ذايق وملتاع
    ريف=..
    بأمور دينك لاتهزك عواصيف= لاتترك المله على غير مرجاع
    =
    وأحفظ صلاتك لاتقيمه على الكيف= لابد تعرف حكمها بكل الأوضاع
    =
    وخلك خلوق ن بين الأجواد ياحيف= لاتوذي القاطن وكاشت وبياع
    =
    وأبعد عن اللي فيه رجه وتخريف= بعض العرب ماله جوار ن وخداع
    =
    والرجل من راسه علوم المشاريف= يمشي عليها مايبيله تتباع
    ريف=..
    وخذ لك على ماقيل قبل التخاليف=رحله تمتع في سفرها تمتاع
    =
    عن كل هم يشغف القلب تشغيف= في ذا الزمان اللي به الهم رجّاع
    =
    وارسم لها خطه وخل التصانيف = بين الديار اللي بها الشر ما ذاع
    =
    شرق وشمال ن فوق بيض ن مخافيف = نمشي على كيف الدريول ولاضاع
    =
    ومكة بدايت دربها يالعواريف = أم البلاد اللي علت فوق الأبقاع
    =
    اللي بها من كل ضيق ن وتعنيف =أمن وفرج للروح من كل الأرواع
    =
    أيام نقضيها بقل المصاريف = عمره وخير ن في صلاتك والأسباع
    =
    وتعيش به ذكرى (محمد) على الحيف= يومه يرد في محنته صاعهم صاع
    =
    ومن عقبها ميل على بارق الطيف = الشاطئ اللي فيه للشوق مهزاع
    =
    اللي هديره يطرب العين لاشيف=والقاف في جاله حنون ن ومطواع
    =
    سهل ن ليان ولمعته لمعة السيف= وبين الجز والمد مرجانها شاع
    =
    جده وينبع والهناء شاهده نيف = بأرض المدينه له نسايم وذع ذاع
    =
    وأبها تحلت أرضها كالشراشيف = وفيفا...كماغرون تجمل بالأرداع
    =
    ودارك بدراك في خراجك حواريف= لتكون للي يمدح الغرب سمّاع
    ريف=..
    وقبل النهايه نشكر العضو والضيف= في دارنا دار الكرامه والأسناع
    =
    ونخص من شارك على غير تكليف= واللي تهجس سكة القاف رمّاع
    =
    أقرب نداء والحر صاروخ كفْ كِيـْـف=بذال ابو درع النقى جابها أنواع
    =
    وراع الكحيله يالهلالي عن الصيف = برق الحيا قفى على خير مرجاع
    =
    وذيب الجبال وهاوي البر ماشيف= بريع الذياب موالف الضيم سجّاع
    =
    والدبلوماسي للقنص به خواطيف= وسيع صدره فيه حشره وقع قاع
    =
    لاكن تكع كع صاب قلبه حواريف= يومن سيزوا جاه معطاب تع تاع
    =
    قال رهوه شفته مسيّر مع ريف= على حضري وطويلب العلم ماطاع
    =
    لأنه يقول الضيغمي ضفها الشيف=عشرين مع سبعه على الخير جماع
    وأبو فهد راع العزوم المراديف= نهار أبو ساره بختري ونعنّاع
    =
    أقبل عليهم بالفياض المكافيف = هوّه وأبو محسن على زين الأصناع
    معطاب=..
    جلسة نشامى والدلال المراصيف = تجلى صدى قلب من الهم ملتاع
    =
    خطو العيال اللي بروس المشاريف=تشبه حرار الجو وان جات زوُاع
    =
    في ذعذع قفرٍ من الناس ماحيف=مــدهـال ذيـب للتـخاتيخ قـطاع
    وسيع الصدر=..
    وختمه سلام بصافي البن للضيف= يسوق فنجاله على الخير صنّاع
    بذال=...
    وتمت وصلى الله على خير من شيف=اعداد ما غطا الفضاء نور وشعاع
    =
    ..=151
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    اذكروا الله في الرخاء,, يذكركم بالشده
    ياسراب الصيف ماتروي ضماي **ماتبل الريق دامنك سراب
    تحياتي,,,,,
    ذيب الجبال

  2. #2
    تاريخ التسجيل
    Jan 2004
    الدولة
    ( السـعــوديــة * الــقـــصــــيـــم )
    المشاركات
    1,482

    مشاركة: قصيده من تأليف اعضاء مكشات>>>ارجو المشاركه

    هذي افتتاحية عساها خير ومشكور اخوي ذيب الجبال والله موضوع طيب من وجك الطيب

    سلامي على مكشات وعضائه ** وعلومهم علوم رجال وما يملون

    اكمل يا الى بعدي لاهنت.....
    لا تفكر ولا تحتار غير الاسيزو لا تختار

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    :heart::heart: جمعني الله واياكم في رياض الجنة :heart::heart:

    أخوكم أبو حمود

    :D ;)

  3. #3
    تاريخ التسجيل
    Oct 2003
    الدولة
    ثنيات الوداع
    المشاركات
    1,618

    مشاركة: قصيده من تأليف اعضاء مكشات>>>ارجو المشاركه

    السلام عليكم


    مع اني مانيب شاعر لكن احب أن أبدأ معاكم لأن الموضوع حلو


    وللمعلومية افتتاحية الاخ ايسوزو مش ولابد من ناحية الوزن نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي واتمنى ان تستبعد كل الابيات الغير موزونه



    ياحادي العيس للمقناص والكيف
    00000000000القنص له في صميم القلب مرباع

  4. #4
    تاريخ التسجيل
    Jan 2005
    المشاركات
    18

    مشاركة: قصيده من تأليف اعضاء مكشات>>>ارجو المشاركه

    مع شبة تغنيك عن شبت حنيف
    ***** والدلة المركاة والبن ذعذاع

  5. #5
    تاريخ التسجيل
    Jan 2005
    المشاركات
    119

    مشاركة: قصيده من تأليف اعضاء مكشات>>>ارجو المشاركه

    يلقا بها راع المعاميل والكيف

    **** شفه ولا هو من عنا الوقت جزاع




    تراه قابل للحذف وما فيه أي زعل نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  6. #6
    تاريخ التسجيل
    Jan 2004
    الدولة
    الظهران
    المشاركات
    814

    مشاركة: قصيده من تأليف اعضاء مكشات>>>ارجو المشاركه

    بسم الله الرحمن الرحيم

    شباب وشيبان تعاونوا فى مكشات *** ما عندهم فى عشق البر مناع
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    سبحان الذى سخر لنا هذا وما كنا له مقرنين وانا الى ربنا لمنقلبون

  7. مشاركة: قصيده من تأليف اعضاء مكشات>>>ارجو المشاركه

    تراني منيب شاعر ولانيب يمها لكن محاوله يمكنه مكسر ورايح فيها
    لا صرت في روضة ولا على راس سيف
    ***تلها بهاعن الديره ومن بها ضاع

  8. مشاركة: قصيده من تأليف اعضاء مكشات>>>ارجو المشاركه

    فكرة لطيفة جدا يا ذيب الجبال نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    يا الله يا الربع شدوا حيلكم

    وأنا بدوري أدعو شاعرنا ومشرفنا الحبيب ريف النشامى أن يقوم بين كل فترة بجمع الابيات المناسبة وتنسيقها وعرضها بعد استبعاد ما يراه..ومن غير زعل يا الربع

    في انتظار المزيد

  9. #9
    تاريخ التسجيل
    Sep 2003
    الدولة
    الرياض
    المشاركات
    945

    مشاركة: قصيده من تأليف اعضاء مكشات>>>ارجو المشاركه

    وجدي بمكشاتً لوهو على دني طريف /// اجدع به اهموم بها القلب ملتاع
    الا بـــــــــذكر الـلــه تطمئن الـــــــــقلـــــــــــــــوب
    لا اله الا الله
    سبحان الله وبحمده سبحان الله العظيم

  10. #10
    تاريخ التسجيل
    Feb 2005
    الدولة
    الســـــــرير
    المشاركات
    31

    مشاركة: قصيده من تأليف اعضاء مكشات>>>ارجو المشاركه

    ما شاء الله عليــــــكم اللهم لاحـــــــــسد (( تف تف تف تف )) عليكم

    والله انا ما اعرف اللغه العربيه فوشلون تبوني اكـــــــتب قصيده بس يالله مشي حاالك
    كرهتك انت وايامك ولاباقي بعيني دموع
    ولو دار الحكي عنك أحب أغير الموضوع
    خلاص أنسى حكايتنا وماضي الحب ياقاسي
    دموع الكذب ماتنـفع شـلتك والله من راســي
    ولاتسـأ ل بعد عني ولاتفكر ولو تفكير
    مدام إنك بعـيد أنت تــأ كـد إني أكون بخـير
    يا أكبر غلطه في عمري ياأول حب بكاني
    ياأقسـى قلـب بالدنيــا حاول بس تنســـاني

  11. #11
    تاريخ التسجيل
    Jan 2005
    الدولة
    ماني بعيد عن العليم
    المشاركات
    197

    مشاركة: قصيده من تأليف اعضاء مكشات>>>ارجو المشاركه

    ماشاء الله
    ولله الحمد هقوتي برجال مكشات ماخاب
    وبعدين وين كنتوا مغيبين هالموهبه ؟؟؟؟؟! شاكر لكم جميعا تفاعلكم
    وصدقت يامشرفنا.... اذا ماجانا ريف النشاما راح نقلب القصيده هجاء لريف نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي (((امزح وش حنا لو لاه)))
    وانا من عندي بيت لكن مثل ما اسلفت سابقا ماعرف كتابته ولكن نبي نخبز وعذروني لاني ماعرف كلامكم يالشعار بحر الاحمر مادري اخضر؟؟؟؟؟؟
    ارتك على اللي ماتجيه الصواديف ### هرماس دوّن ماذكر بالخلا ظاع
    وشكرا

  12. #12
    تاريخ التسجيل
    Oct 2003
    الدولة
    ثنيات الوداع
    المشاركات
    1,618

    مشاركة: قصيده من تأليف اعضاء مكشات>>>ارجو المشاركه

    هين يا ذيب الجمال .. الا شاعر نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  13. #13
    تاريخ التسجيل
    Jan 2005
    المشاركات
    18

    مشاركة: قصيده من تأليف اعضاء مكشات>>>ارجو المشاركه

    حولك نشامى مالحق طبعهم حيف
    **** ربع حرار والمراجل لهم باع

  14. #14
    تاريخ التسجيل
    Jan 2005
    المشاركات
    119

    مشاركة: قصيده من تأليف اعضاء مكشات>>>ارجو المشاركه

    حضري..... ما شاء الله عليك.. كنت متوقع انك تحذف "الكيف"

    ذيب الجبال.... نبي شرح الله يعافيك لمفردات البيت، تراني ضيعت

    "ماتجيه الصواديف">>> وش المقصود

    هرماس>>>


    تحياتي،،

    أقرب نداء

  15. #15
    تاريخ التسجيل
    Jan 2005
    الدولة
    ماني بعيد عن العليم
    المشاركات
    197

    مشاركة: قصيده من تأليف اعضاء مكشات>>>ارجو المشاركه

    سلام عليكم مساكم الله بالخير
    شاكر لكم جميعا على مشاركاتكم الرائعه وماشاء الله قصيد ولا اروع
    وشكرا ياحضري على المجامله
    وانا اكرر دعوتي لشاعرنا الكبير ريف النشاما انه يطل علينا ويشاركنا
    وبالنسبه لشرح البيت طال عمركم:::: ابي اشرح البيت كله::
    اتكل على خوي ماتطري عليه المشاكل و العوائق(الشطر الاول)
    هرماس يعني دليله يدل بالليل والنهار مايضيع ,, دوّن يعني البر والخليان (( وعلى بعضه يصير))
    اتكل على خوي ماعنده مشاكل ودليلة بر ماعمر احد قال عنه انه ضيع بالبر
    تقبلوا تحياتي

صفحة 1 من 9 1234567 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •