قصيده من تأليف اعضاء مكشات>>>ارجو المشاركه

[ذيب الجبال]

اخوانــــــــــــــــــــــي
الحضري
صح لسانك ويامال العافيه
ريف النشاما
مشكور على الترتيب وانا ابيك تنخى كل شعار مكشات
صقر نجد
مرورك شرف لنا يالغالي
الهلالي
صح لسانك وننتظر المزيد من ابداعك
اقرب ندا
صح لسانك يابعدهم
نهار
نورتنا يا نهار مكشات وننتظر الجديد منك
الضيغمي
حياك الله ولا تنسانا بابيات من لسانك لا عدمناه
وفي النهايه اشكر جميع اخواني اللذين تفاعلوا معنا في هالقصيده المكشاتيه البحته
على فكره ماتبون نثبت الموضوع؟؟؟؟؟؟( عادي يالمشرفين ماتبون على طول ركبه وبدون نقاش بحل)

[الضيغمي]

السلام عليكم

تحيه طيبة للجميع وخاصة الشعراء

اخوي ريف النشاما ولا يهونون الربع

هذي محاوله ومشاركة متواضعه جدا

إذا نفع معها التعديل والترصيص وصلحة لكم والا ترا مسموحين بحذفة وبألف حل

والى شربت البن واستعدل الكيف=وزالت هموم(ن) داخل القلب رتاع
قم ونحر الهرفي ودن المراهيف=وقلط رجال(ن) دربهم درب الاسناع

وشكرا لكم على رحابت صدوركم

[ابو عمر اللاحم]

الصراحه القافيه صعبه لاكن خوذو هالبيت على الحساب . والمعذره

اذا شتهيت لشرحت البال والكيف = انهج على الصمان والبر متاع
أراض(ن)بها لهل الوناسه معاطيف=وخص الفياض اللي بها السدر ووساع

[اسيزو 4x4]

و (السيزو) الصقار للخرب رماع .......

صح لسانك اخوي ومشرفنا ريف النشاما والله يحفظك من كل شر....

وتحياتي لك وجزاك الله خير الجزاء........

[ذيب الجبال]

الضيغمي صح لسانك ابيات رائعه تسلم
نهار هلا فيك وصح لسانك ,,,شرفتنا ياغالي
اسيزو شكرا على مرورك وننتظر الجديد منك

[العزوم]

هذي مشاركتي ارجو ان تنال اعجابكم/

[ذيب الجبال]

اخوي العزوم
انا اشهد ان صيتهم انذاع في كل مكان
وصح لسانك ابيات طالعه من فمك زي العسل
وحياك الله ننتظر جديدك يالغالي

[أقرب نداء]

هاه يا ذيب؟؟ وين الربع؟؟ الظاهر أن علوم الأمطار والخير أنستهم تكملة القصيدة، وخاصة ريف

مع أن المفروض يتهيضون أكثر وأكثر

عقبال ما نوصل البيت رقم 100

تحياتي،،
أقرب نداء

[وليف الظيم]

لاصرت في وقت(ن) به الهم وتعيف

سند على ربع(ن) تنسى همومك والاوجاع

[ذيب الجبال]

اقرب نداء ::: صدقت الشباب الهتهم علوم المطر ومعاهم حق وان شاء الله ان هالاخبار الطيبه ترفع من مستوى الابداع لديهم,,, ويالله على يدك وصلنا المئه
شاكر لك مرورك وحياك الله
وليف الظيم:::صح لسانك وان شاء الله انك تنسى الاوجاع الى الابد
ننتظر جديدك وحياك الله

[صاروخ]

يالربع اشوف نفسي تهقوة على القصيد :bounce:
وقمت اعصر المخ حتى جمعت هالكلمتين :dance:
لكن الله اعلم انها تبي وزن اذرعه وسمكره لكن اذا تبي تكلف عليك ياريف النشاما اطلب اقرب زباله تطلع 50 ثم ...........
والان مع البيتين :
وأحب شب النار وأحب السواليف ......... وأحب خوة رجال مايحبون الاطماع
ومن شوقي للبران ما أعد التكاليف ......... لو ان رصيدي بالبنك قد ضاع

[ريف النشاما]

السلام عليكم ورحمة الله

هلا فيكم أحبابي وأبشروا بألي تبون وأنا أنفذ وسوفى يتم العمل على ذلك

أخي صاروخ تكرم ياخي وأبشر بالي يسمكرها سمركه على الكيف



بس تخبرون مع المطر تخرب البويه على شان كذا قفلنا الورشه لين يخف المطر

[ذيب الجبال]

صاروخ صح لسانك وياهلا بك واما عن السمكره انا ماعرف وسمكرتك يالغالي عند طير شلوى ريف النشاما
ريف النشاما نورتنا ,,, عزالله ان مع هالمطر حتى البوفيات تبي تسكر خخخخخخخخخخخخخخخ,,
حياك الله يابعدهم

[ريف النشاما]

السلام عليكم ورحمة الله

أحبابي جميعا أشكركم على هذا الجهد وهذه المشاركات الممتعه والمسليه :bounce:

ويسرني سمكرة قصائدكم أيوالله قصايد وشكلها جايه من معرض البطين الأيمن للأشعار
المنقوشه على يدك اليمين وأنت نازل مع خط شريان الأبهر
ولا كنهاممتعه بحق

=شكر خاص للأخ الضيغمي ونحن عود من عرض حزمة وأنتم تستاهلون كل خير

تحيتي للجميع وأنا في روضة الخفس أنتضر أشعاركم

نبدا بذكر الله ِخلاق ما شيف= سبحانه المعبود معطي ومنّـاع
=
والثانيه منا على غير تحريف= أزكى صلاة على النبي هو والأتباع
=
وسلام تابع عد وأعداد ماصيف= في الليل نجماً في فضا الكون سطاع
وسلام مني للمكاشيت (تأليف) =أهل العلوم الطيبه ويـّـا الأطباع
=
وأهل الفعول الصدق ماهي تناتيف= اللي تخاوو بالمكاشيت جمّاع
ويامرحباً بمصفف النظم تصفيف= تصفيف ريش الطير لا زمّ شلاّع
=
بالي نوو نظم ن على غير تكليف= يرجون فيه الطيب وامتاع الاسماع
=
ومن قال بيته شرف القاف تشريف =شارك بمجهود الشعر وابدع ابداع
شيب وشبابن للمراجل ملاهيف = ما عندهم فى روحة البر مــنـّاع
وحبيت أشارك مع رجال ن عواريف=يوم الشعر جاله شواري وبياع
=
في منتدى مافيه كذب ن وتحريف =خوة نشامابالوفا صيتهم ذاع
=
المسفهل والحر والحد للسيف =وريف النشاماوالشقردي ومرصاع
=
تجمعوا بالطيب كنهم مواليف=هذا يجيب العلم وهذاك فزاع
ووجدي بمكشات ن على الصلب و طريف = أجدع به هموم ن بها القلب ملتاع
لا صرت لك في روضة ن حدها السيف=تلها بهاعن مجمع ن شين الأوضاع
مع شبة تغنيك عن شبت حنيف=والدلة المركاة والبن ذعذاع
يلقا بها راع المعاميل والكيف= شفه ولا هو من عنا الوقت جزاع
مع شبة للنار وزين السواليف = وخوة رجال ن مايحبون الاطماع
لاصرت في وقت(ن) به الهم وتعيف=سند على ربع(ن) تنسيك الاوجاع
وروّح بنفس ٍ ما دخل جوفها زيف =من طيبها تاسع هـْــل القفر والقاع
واليا حداك الوقت والنفس عييف= ميل على اللي دوم والباب شراع
وشوقي لهم مع شبة النار والكيف = حيث أنهم أهل المراجل وسبّّاع
لامن لفاهم زايرن صاروا الضيف = وسلامي لك يا ذيب مع كل سمّاع
و شوقي على البران ما به تكاليف = أنسى رصيدي داخل البنك لو ضاع
وأيامك أغنمها قبل جمرة الصيف=أرتع ومتع ناضرك بين الأوساع
بين الفياض وبين حمرن مناييف= خذلك بهن سجات عن كل الأوجاع
=
وخل القدم يرقى بعال المشاريف= وجر الهجيني جرّ من بين الأضلاع
=
ومد النضرخل العيون المراهيف= تسرح مواقيها على ذيك الأصقاع
=
ومد الفراش وشب لك نار كييف= للبن الأشقر والعويدي والأتباع
ويا محلا بالريف مع دلة السيف=فوح البهار وفوح زهر (ن) به أنواع
والى شربت البن واستعدل الكيـف =وزالت هموم(ن) داخل القلب رتاع
=
قم ونحر الهرفـي ودن المراهيـف =وقلط رجال(ن) دربهم درب الاسناع
واذا شتهيت لشرحت البال والكيف = انهج على الصمان والبر متاع
=
أراض(ن)بها لأهل الوناسه معاطيف=وخص الفياض اللي بها السدر ووساع
ياشوق قلبي لارقيت المشاريف= في ديرة ٍ ما شافت عيون طلاع
=
لاجيتها كني على ريفها ضيف=مفجوع من نور المدينه ومرتاع
عقب العصير ومال جوه تواصيف=البال رايق بين طيره والأرباع
وصوت أم سالم شادين بالمناديف=لادندنت بالصوت في طا رف القاع
=
بارض ن خلاوي مفسد البر ماشيف=فيها ولاحوله ردي السنع ساع
=
ولأمسى عليك الليل جنك مناكيف= حرش العراقب حايراتن وشباع
=
ذاك الطرب ماهو دنين المعازيف=لاحنت العفرى لها القلب جزاع
=
وجالك دررها صايفن بالمغاريف= له دنتن بالراس منها الحشى زاع
=
وأحذر تقضي ليلتك بالسواليف= نم بأوله ياذيب عن شين الأفناع
ولاجاء السحر قم صلى قبل الصواديف=لك ركعتينن منوتن يوم الأشفاع
وخلك مع اللي دايم تقري الضيف= ويقدمونه لو بهم سوء وجياع
=
ورفيقهم محشوم ما يلحقه حيف = ولاهم من اللي ينقل الهرج سماع
=
اطباع ربعي مابها شك او زيف=اطباع راع الدين للحق تبـاع
ومع ربعك الغالين خلك لهم شيف= أهل القنص والبر والبل له باع
=
دن الدلال ودرهن والمراهيف=من قبل لايضهر سناها والأشعاع
=
وإن كان لك بالقنص نيه وتهييف=فخلك لها في آخر الليل فواع
وياحادي المقناص لا تقرب الريف =القنص له في داخل القلب مرباع
=
تنسى به اهموم العباد الملاقيف=ويطيب له خاطرك لا صرت فزاع
=
الصيد يطـــــربني بليا تكاليف=ارتاح به عـــن دورة ايام الأوجاع
ويا ما حلا صيد القميري إليا شيف = ولا القطا أجوال من كل الأنواع
=
في روضة ن عنها تقل التواصيف = شرق من الحسنا وغرب عن نطاع
ولابعد بين الخشوم المساييف=بين السناف وبين ِ سهلة ومطلاع
=
سواقنا( ذيب الجبال) المراييف=و(السيزو) الصقار للخرب رمّاع
=
هذا كديري بين خضر ن مهاديف = ومرن قطاة ن بين ِ زينات الأتلاع
وهاذي أرينب ناتقه صابه خيف = ليا حام فوقه صافي الريش تباع
=
مع ربع ن قروم ن من البر والسيف = ومكشات يجمعهم على زين الأطباع
ناخذ لنا بالقنص طربه على الكيف=بين الحباري والضبى فيه دراع
=
هذا نصيده بأشقر الراس ماحيف=وهذا نصيده بأشقر الريش مطواع
=
وهذا نرقه رقى ربعن مخافيف=بين الهلالي والنقى ورمح ملتاع
=
وهذا نختله ختلت الذيب ماشيف=لين إننا نزنط خناعه ولو فاع

[صاروخ]

يالله ياشباب وصلنا البيت رقم 57 شدوا حيلكم تكفون
كلن يدلي بدلوه وريف النشاما مايقصر اذا احد يبي فزعه