قصيده من تأليف اعضاء مكشات>>>ارجو المشاركه

[ذيب الجبال]

السلام عليكم
الله يعظم اجرك يامشرفنا ’’ ترتيب تشكر عليه
ولو اني جيت متأخر شوي لكن تقبل مني هالبيتين وتراهن قابلات للتعديل ولسلة المحذوفات
ريف النشاما يصرف القاف تصريف ***يوم(ن)خطوا الاّش يطق الاصباع
ياقلت نبي البر شال التكاليـــــــــــف***الطيب منه وفيه ساكن بين الاضلاع

[ريف النشاما]

صح لسانك ياذيب الجبال

الله يجزاك خير كل هذا وبيتين بس


أفتح صندوق الرسائل الخاصة ---لازم

[راع الكحيلة]

إلى أستاذنا ريف وأخونا ذيب ولا يهونون الربع

خذا ها الكليمات المتواضعة جدا

وسلومهم الطيب وما هي تكاليف=والطيب واجد مير هم زود(ن) بصاع
محلا شبوب النار وزين السواليف=بروض(ن) جميل(ن) فيهِ الانعام رتّاع
روض(ن) زهاه الله بزين الزخاريف=زهر النفل وخزام وباطيار سِجـّاع

[ذيب الجبال]

مشرفينا الاعزاء
ريف النشاما:: صح بدنك يالغالي والله مهي شي عند ابياتك اللي من ذهب
واعذرني ,,, مافيها شي الرسائل الخاصه
شرفتنا يالغالي
راع الكحيله:: صح لسانك وشبت النار ماتحلا الا بوجود رجال طيبين مثلك وشرواك يالغالي
الله لايهينك

[ريف النشاما]

أخي ذيب الجبال

أنت كنت مغلق هذا الخيار -- يعني مقدر ارسلك

طبعا الآن أنت فتحت هذا الخيار وصار بالأمكان إرسال رسالة

تحيتي

[اسيزو 4x4]

اخوي ذيب الجبال

مشرفنا الغالى ريف النشاما

مشرفنا راع الكحيلة

الصراحة أبدعتوا في هذا الموضوع تعبتوا فية تعب شاق وبهذا

أقدم لكم الشكر الجزيل عني أنا وعن أخواني الاعضاء في هذا المنتدى الرائع وجزاكم الله خير الجزاء

أخوكم اسيزو 4*4...........

[ريف النشاما]

السلام عليكم

صح لسانك يابو طلال وسلم بنانك

وشكرا للأخ ذيب الجبال والسيزو وجميع أحبابنا


وينكم ياشعارنا

نهار - الحضري - ابو عبد المحسن - وبقية الأحبه

اقرب نداء ورانا مانسمعك هلم إلينا



أي ملاحضة على القصيدة أو التدخلات أوي شي ماعجبكم أخبروني سواء على الخاص أو العام

والمعذره للزلل والخطأ

وتحيتي للجميع

[ذيب الجبال]

اخواني
ريف النشاما::: ابشرك لقيتها والله لايهينك ,شرفتنا يابعدهم
اسوزو 4*4 ::: ماعليك زود يالغالي وترا الموضوع تشرف بوجودك ووجود الرجال شرواك
ولاتنسانا بأبيات
شاكر لجميع الاخوه الذين تفاعلوا في هذا الموضوع وبكل صراحه الموضوع مهو شي لولا تشريفكم له

[ABU-AL-3eeS]

والرجل فيهم ماتعدد خصاله *** شهمن كريمن دايم الدوم فزاع
محاولة اولى

عاطل,,

[ذيب الجبال]

هلا اخوي عاطل
صح لسانك ومحاوله جيده لكن!!!! انا اقول لو يمر عليها مشرفنا ويعدل بها تعديل بسيط لان القافيه اختلفت
ولاهو قصور منك ياعاطل ,,,, يمكن انك مانتبهت للقافيه>>عموما ابيات ممتازه بس لو تعدل سواء منك اومن غيرك >>>>>>>>شرفتنا يالغالي والله لايهينك

[الحضري]

هلا يا ريف النشامى

ابشر بعزك لاهنت طال عمرك (( بالمناسبة حاولت أرد على رسالتك بس ما قدرت ما عندي خاصية الرد ))

ياليت تشوف لي حل


اسلم :


الصيد يا أهل الصيد صبر وتصانيف
&& اصبر ترى صبرك على الصيد ما ضاع

وان كنت ملهوف ٍ ترى به ملاهيف
&& اخــذ الكفـايه لا يقـــــــولووون طمـّـاع



ولي عودات

[أقرب نداء]

موجووود يا مشرفنا موجود، بس أراقب من بعيد

بيني وبينك بس لا تعلم احد لا يدري إلا ذيب الجبال : أفكر باقتراح، وهو رصد جائزة لمن يحفظ كامل القصيدة (طبعاً بعد إكمال البيت المــ 100 ــائة )

[أقرب نداء]

عندي فكرة و ملاحظة، وش تبون أول الفكرة ولا الملاحظة؟

طيب OK خذو الملاحظة :

الملاحظة هي: أنه إلى الأن لم يتم تثبيت الموضوع ...... صح؟

الفكرة هي: إضافة بعض الأبيات ـ لا تقل عن عشرة ـ يذكر فيها بعض النصائح والوصايا، وتكون بشكل تسلسلي، يعني: أوصيك يا فلان بكذا وكذا، والبيت اللي بعده، نفس الشي أوصيك بفعل كذا وترك كذا (على الأقل نضمن عشرة أبيات أو أكثر)

ويكون تسلسل النصائح كما ترون وكما تختارون، وأقترح بأن يكون التسلسل كالتالي:

وصية المحافظة على ذكر الله، والتوكل عليه في الحل والترحال
ثم نصيحة و وصية تتعلق بالصلاة والمحافظة عليها
ثم نصيحة و وصية لإكرام الجار والضيف
ثم نصيحة و وصية لاختيار الصحبة الصالحة والرفقة الطيبة التي تعين المسلم في دنياه وأخراه
ثم نصائح و وصايا (مكشاتيه عامه) كالحذر عن الرمي، وعند الصيد، وحسن التصرف في الأوقات العصيبة...

والراي رأيكم، وحبيت أبدأ بهذا المطلع المكسر (اللي طبعاً قابلا للشوت ظفررر :bounce: ) :

يا مسندي باوصيك وصاة عريّف
**** معْـارك الدنيا و ذايق وملتاع


وتقبلوا تحياتي
أقرب نداء

[ABU-AL-3eeS]

ننتظر التثبيت

[ذيب الجبال]

اخواني
الحضري::: ياهلا بهالطله وصح لسانك والله لايحرمنا منك ومن ابداعك,,, نورتنا
اقرب نداء::: والله على حسب الجائزه اذا كانت هندسه وقلم ابو ريالين ( جوائز المتوسط)
فابشر من الآن سكر محلك
وبالنسبه للاقتراح اللي ينص على اضافة ابيات نصائح والله انا ماعندي خبره بالقصائد وانا اشوف انه اقتراح ممتاز
وياليت يردون الاخوه الشعار على هالاقتراح
التثبيت:: ان شاء الله الاخوان مايقصرون وشاكر لك
عاطل::: شكرا على تاييدك للتثبيت وكما اسلفت ان شاء الله الاخوان مايقصرون ,,,ياهلا بك