ياشوق تكفى لاتخليه يرتاح
داعبه في غيابي
خليه يدري اني معه وين ماراح
حسسه بلذة عذابي
العطرمع غيبته فاح
عطرة منهاجراحي باقي ثيابي
الشاعر ناصر حسن حديدان
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
ياشوق تكفى لاتخليه يرتاح
داعبه في غيابي
خليه يدري اني معه وين ماراح
حسسه بلذة عذابي
العطرمع غيبته فاح
عطرة منهاجراحي باقي ثيابي
الشاعر ناصر حسن حديدان
خوش قصيده ....
ماشاء الله
اجل خذ : ولامن دخلت بين خيامها وشفت المساليف
تشفق على رمل النفوذ , وطيب القاع
كلمتان خفيفتان على اللسان ثقيلتان في الميزان ( سبحان الله وبحمده , سبحان الله العظيم )
لاتنه عن خلق وتأتي بمثلة عار عليك اذا فعلت عظيمُ
الصيد اللي طلع كل رجال*** وعلوم تذهل جميع الرجاجيل
الله يرحم والديك يا ريف النشامى
وانا في الخدمة لاهنت .. وابشر بعزك
يا قانص الصيد لاتقنص بعلمانيبايروح وانتو ماتصيدونة
لاسجع صوتة وصل صنعاء ونجراني
والبدو الي خلف مارب يسمعونة
مبروك لك يى ريف النشاما من عطر ريحاني
من عطر باريس بلعود رشونة
![]()
ناصر حديدان اسير الاصحاب
قال ذيب الغراسي هرجنا هرج قاسيفي د روب المذله
مثل ظرب الكراسي
من قوي با ندله
صاحبي تاج راسي خلني اليومدله
الشاعر ناصر حديدان
يالله ادعيك بلي بلخلايق رقيب ارحم العبد لا ناداك با تشتجيبة ارحم الي شكاك الوقت جوفه لهيب عاش مغبون بفرقا جرتله مصيبة كلما قلت الايام با تجودعبر السنين الصعيبة هلت العين فوق الخد دمع السكيب مثل مزن السحيب يوم هلت سكيبة جغل يسقي زمن لاقيت فبه الحبيب قبل عامين كنا ياهلي نلتقيبة الشاعر ناصر حديدان
بسم الله الرحمن الرحيم
السلام عليكم ورحمة الله
أحبابي الكرام
نشكر كل من ساهم بهذه القصيدة الرائعه من مشاركين ومتابعين ونتمنى لكم التوفيق والمتعه الدائمه
وننتضر منكم أفكاركم النيره والمفيده لنا جميعا
تحيتي
![]()
![]()
![]()
نبدا بذكر الله خلاق ما شيف= سبحانه المعبود معطي ومنّـاع
=
والثانيه منا على غير تحريف= أزكى صلاة على النبي هو والأتباع
=
وسلام تابع عدّ واعداد ماصيف= في الليل نجماً في فضا الكون سطاع
وسلام مني للمكاشيت (تأليف) =أهل العلوم الطيبه ويـّـا الأطباع
=
وأهل الفعول الصدق ماهي تناتيف= اللي تخاوو بالمكاشيت جمّاع
ويامرحباً بمصفف النظم تصفيف= تصفيف ريش الطير لا زمّ شلاّع
=
بالي نوو نظم ن على غير تكليف= يرجون فيه الطيب ومتاع الأسماع
=
ومن قال بيته شرف القاف تشريف =شارك بمجهود الشعر وأبدع إبداع
شيب وشباب ن للمراجل ملاهيف = ما عندهم في روحة البر مــنـّاع
وحبيت أشارك مع رجال ن عواريف=يوم الشعر جاله شواري وبياع
=
في منتدى مافيه كذب ن وتحريف =خوة نشامى بالوفا صيتهم ذاع
=
المسفهل والحر والحد للسيف =وريف النشاما والشقردي ومرصاع
=
تجمعوا بالطيب كنهم مواليف=هذا يجيب العلم وهذاك فزاع
وريف النشاما يصرف القاف تصريف =يومن خطوا اللاش طقطق بالأصباع
=
ياقلت نبي البر شال التكاليـــــــــــف=الطيب منه وفيه ساكن بالأضلاع
بأسبـاب صحبـت مـن كـدرهـم لـنـا ريــف=ربـع ن نـشـامـى لـلـخـوي بـاعـهــم بــــاع
ووجدي بمكشات ن على الصلب و طريف = أجدع به هموم ن بها القلب ملتاع
لا صرت لك في روضة ن حدها السيف=تلها بها عن مجمع ن شين الأوضاع
وحولك نشامى مالحق طبعهم حيف=ربع حرار والمراجل لهم باع
=
مع شبة تغنيك عن شبت حنيف=والدلة المركاة والبن ذعذاع
يلقا بها راع المعاميل والكيف= شفه ولا هو من عنا الوقت جزاع
ويا محلا بالريف مع دلة السيف=فوح البهار وفوح زهر (ن) به أنواع
مع شبة للنار وزين السواليف = وخوة رجال ن مايحبون الاطماع
لاصرت في وقت(ن) به الهم وتعيف=سند على ربع(ن) تنسيك الاوجاع
وروّح بنفس ٍ ما دخل جوفها زيف =من طيبها تاسع هـْــل القفر والقاع
واليا حداك الوقت والنفس عييف= ميل على اللي دوم والباب شراع
وشوقي لهم مع شبة النار والكيف = حيث أنهم أهل المراجل وسبّّاع
لامن لفاهم زايرن صاروا الضيف = وسلام لك يا ذيب مع كل سمّاع
و شوقي على البران ما به تكاليف = أنسى رصيدي داخل البنك لو ضاع
إليا دخلت خيامها بالمساليف= تشفق على الأطعاس مع طيب القاع
وأيامك إغنمها قبل جمرة الصيف=إرتع ومتع ناضرك بين الأوساع
بين الفياض وبين حمرن مناييف= خذلك بهن سجات عن كل الأوجاع
=
وخل القدم يرقى بعال المشاريف= وجر الهجيني جرّ من بين الأضلاع
=
ومد النضرخل العيون المراهيف= تسرح مواقيها على ذيك الأصقاع
=
ومد الفراش وشب لك نار كييف= للبن الأشقر والعويدي والأتباع
وإمل الدلال بصافي البن للضيف=والسكري مكنوز لنفوس ن وساع
وليا شربت البن وستعدل الكيـف =وزالت هموم(ن) داخل القلب رتاع
=
قم ونحر الهرفـي ودن المراهيـف =وقلط رجال(ن) دربهم درب الاسناع
واذا شتهيت لشرحت البال والكيف = انهج على الصمان والبر متاع
=
أرض(ن)بها لأهل الوناسه معاطيف=وخص الفياض اللي بها السدر ووساع
وياشوق قلبي لارقيت المشاريف= في ديرة ٍ ما شافت عيون طلاع
=
لاجيتها كني على ريفها ضيف=مفجوع من نور المدينه ومرتاع
عقب العصير ومال جوه تواصيف=البال رايق بين طيره والأرباع
وصوت أم سالم شادين بالمناديف=لادندنت بالصوت في طا رف القاع
ومحلا شبوب النار وزين السواليـف=بروض(ن) جميل(ن) فيه الأنعام رتّاع
بارض ن خلاوي مفسد البر ماشيف=فيها ولاحوله ردي السنع ساع
=
ولأمسى عليك الليل جنك مناكيف= حرش العراقب حايراتن وشباع
=
ذاك الطرب ماهو دنين المعازيف=لاحنت العفرى لها القلب جزاع
=
وجالك دررها صافين بالمغاريف= له دنتن بالراس منها الحشى زاع
وأحذر تقضي ليلتك بالسواليف= نم بأوله ياذيب عن شين الأفناع
ولاجاء السحر قم صلى قبل الصواديف=لك ركعتينن منوتن يوم الأشفاع
وخلك مع اللي دايم ن تقري الضيف= ويقدمونه لو بهم سوء وجياع
=
ورفيقهم محشوم ما يلحقه حيف = ولاهم من اللي ينقل الهرج سماع
=
أطباع ربعي ما بها شك أو زيف=أطباع راع الدين للحق تبـاع
وسلومهم الطيب وما هـي تكاليـف =والطيب واجد مير هم زود(ن) بصاع
ومع ربعك الغالين خلك لهم شيف= أهل القنص والبر والبل له باع
=
دن الدلال ودرهن والمراهيف=من قبل لا يظهر سناها والأشعاع
=
وإن كان لك بالقنص نيه وتهييف=فخلك لها في آخر الليل فواع
وياحادي المقناص لا تقرب الريف =القنص له في داخل القلب مرباع
=
تنسى به هموم العباد الملاقيف=ويطيب له خاطرك لا صرت فزاع
=
الصيد يطـــــربني بليا تكاليف=ارتاح به عـــن دورة أيام الأوجاع
ويا ما حلا صيد القميري ليا شيف = ولا القطا أجوال من كل الأنواع
=
في روضة ن عنها تقل التواصيف = شرق ن من الحسنا وغرب ن عن نطاع
ولابعد بين الخشوم المساييف=بين السناف وبين سهله ومطلاع
=
سواقنا( ذيب الجبال) المراييف=و(السيزو) الصقار للخرب رمّاع
=
هذا كديري بين خضر ن مهاديف = ومرن قطاة ن بين زينات الأتلاع
وهذي أرينب ناتقه صابه خيف = ليا حام فوقه صافي الريش تباع
=
مع ربع ن قروم ن من البر والسيف = ومكشات يجمعهم على زين الأطباع
ناخذ لنا بالقنص طربه على الكيف=بين الحباري والضبى فيه دراع
=
هذا نصيده بأشقر الراس ماحيف=وهذا نصيده بأشقر الريش مطواع
=
وهذا نرقه رق ربعن مخافيف=بين الهلالي والنقى ورمح ملتاع
=
وهذا نختله ختلت الذيب ماشيف=لين إننا نزنط خناعه ولو فاع
واللي تؤخر حاش نفسه حراشيف=لأم الاذان اللي طوال ن كما الباع
=
ولا طابت الخطر ولابه حواسيف= على بواق ن باقية مابها أطماع
=
ظف الزهاب ولفها بالملافيف= وسند على ربعه وشلع تشلاع
=
ولا من لفو بعصير شفت الرفاريف=متكحلة من صيدهم عدة أنواع
=
وتحدروا مع خايعن بالشغانيف= لين أستووى بين المرامث وشكّاع
روض(ن) زهاه الله بزين الزخاريـف=زهرالنفل وخزام وباطيـارسِجّـاع
والجو رايق والنسايم هفايف=والربع تعّب من دورهم وجيّاع
=
تطابحوا من فوقهن السناييف =هذا يكز الفرش وذياك الأشراع
=
وكل عن الساعد يلف النفانيف= تكاتفوا ربعن قرومن وفزّاع
=
وشوي إلا كل شي ن مكافيف= البن جاهز والقدر كاتمه فاع
=
وكل ن من الفنجال خذله مراشيف= ومريق بالحبحر منه جن الأدامع
=
والجمر فوقه كمِّ صيخن مراديف= وريش الطيور مّزعينه تمزّاع
=
وعقب الصلاة وكامل الورد تكليف = نكب العشى نثري وعنه الدسم ماع
=
صكوا عليه ونهسة العضم أُف أيف=أرنب حباري والنحم قمري أسباع
=
ومن عقب سبع ن مع ثلاثن مواليف=طابت نفوس ن للقنص فيه مهزاع
=
توجهوا صوب الحزوم المقاييف= الكيف راق وبارق المزن لمّاع
والصيد يطلع كل رجال حذيف= وعلوم تذهل بالرجاجيل تنذاع
والصيد يا أهل الصيد صبر وتصانيف= اصبر ترى صبرك على الصيد ما ضاع
=
وان كنت ملهوف ٍ ترى به ملاهيف= اخــذ الكفـايه لا يقـــــــولووون طمـّـاع
وعقب القنص والطير... شوف المساهيف=أكمل سعادة للمكاشيت تباّع
ولا واهني منهو من البر مريف=باله وسيع بشوف راعي ومرياع
=
يكحل عيونه بزين التواصيف=ويطرّب الخافق بذربين الاطباع
وقالوا تسافر قلـت مالي مصاييف=مـدام بالصمـان عشب ن ومربـاع
=
قالوا تحبـه قلـت مافيـه تزييـف= حب ن قديم ن مادخـل فيـه طمـاع
=
لوخيروني بيـن باريـس وجنيف=لوهـي ربيع ن دوم فـي كـل الاوضـاع
=
أنا مصيفي حول روس المشاليف=وعنها شمـال شـوي للجـول تبـاع
=
وليا ضبطت الكيف بألي مهاديـف= فنجالهـا يشفيـك لوكنـت ملتـاع
=
إما زعجت الصوت بين السراجيف=والاسوالف يطربن كل سماع
وياكاشت ن نوصيك حسن التصاريف=لاتخلي أمراحك للأثعال لا جاع
=
ربـيعــنا كــنه علـى حـفة طــريــف=هذي المرابع دونكم حالها راع
وأحرص تخلي موقعك دايم نظيف = لاتحسبنه لك لوحدك وهو مشاع
=
حيث النضافة (شعبة أيمان) ونضيف=(عليه حث المصطفى) وأمره مطاع
وخل الشغل في كشتتك شغل حريف = لا تمرطس الدعوى وتمسون وجّاع
=
والقدر تكفى نظفه حيل بالليف= لاتتركه يمرح وعذرك تنقاع
=
وهرفيكم لبّان دون المناصيف= وأحرص على اللي بالمراعي وشباع
=
ومذباحكم حيفه بمسحاتكم حيف=و ظف الفرث والجلد عن مرتع الراع
=
والرز بين البين مكبوس ماحيف=نثري على –القولون- سمح ن ومرياع
=
وجمع فناجيلك على ساع تخفيف= والسفتي والملاس والبيز كم ضاع
=
واحضر معك كيس الزبالة وتغليف= لأجل النظافة مالها مثل ياراع
=
ولا تحسبك بالصبح لاقمت حريف= تبغى صور للشمس في لحظ مطلاع
=
دن الدلال وشب نارك على جريف= وخل الصور بعدين إن كنت سمّاع
=
وإن كان حالك مثل بعض المعاريف= فالله يعين العشب على التجضاع
ويا مسندي باوصيك وصاة عريّف= معْـارك الدنيا و ذايق وملتاع
بأمور دينك لاتهزك عواصيف= لاتترك المله على غير مرجاع
=
وأحفظ صلاتك لاتقيمه على الكيف= لابد تعرف حكمها بكل الأوضاع
=
وخلك خلوق ن بين الأجواد ياحيف= لاتوذي القاطن وكاشت وبياع
=
وأبعد عن اللي فيه رجه وتخريف= بعض العرب ماله جوار ن وخداع
=
والرجل من راسه علوم المشاريف= يمشي عليها مايبيله تتباع
وخذ لك على ماقيل قبل التخاليف=رحله تمتع في سفرها تمتاع
=
عن كل هم يشغف القلب تشغيف= في ذا الزمان اللي به الهم رجّاع
=
وارسم لها خطه وخل التصانيف = بين الديار اللي بها الشر ما ذاع
=
شرق وشمال ن فوق بيض ن مخافيف = نمشي على كيف الدريول ولاضاع
=
ومكة بدايت دربها يالعواريف = أم البلاد اللي علت فوق الأبقاع
=
اللي بها من كل ضيق ن وتعنيف =أمن وفرج للروح من كل الأرواع
=
أيام نقضيها بقل المصاريف = عمره وخير ن في صلاتك والأسباع
=
وتعيش به ذكرى (محمد) على الحيف= يومه يرد في محنته صاعهم صاع
=
ومن عقبها ميل على بارق الطيف = الشاطئ اللي فيه للشوق مهزاع
=
اللي هديره يطرب العين لاشيف=والقاف في جاله حنون ن ومطواع
=
سهل ن ليان ولمعته لمعة السيف= وبين الجز والمد مرجانها شاع
=
جده وينبع والهناء شاهده نيف = بأرض المدينه له نسايم وذع ذاع
=
وأبها تحلت أرضها كالشراشيف = وفيفا...كماغرون تجمل بالأرداع
=
ودارك بدراك في خراجك حواريف= لتكون للي يمدح الغرب سمّاع
وقبل النهايه نشكر العضو والضيف= في دارنا دار الكرامه والأسناع
=
ونخص من شارك على غير تكليف= واللي تهجس سكة القاف رمّاع
=
أقرب نداء والحر صاروخ كفْ كِيـْـف=بذال ابو درع النقى جابها أنواع
=
وراع الكحيله يالهلالي عن الصيف = برق الحيا قفى على خير مرجاع
=
وذيب الجبال وهاوي البر ماشيف= بريع الذياب موالف الضيم سجّاع
=
والدبلوماسي للقنص به خواطيف= وسيع صدره فيه حشره وقع قاع
=
لاكن تكع كع صاب قلبه حواريف= يومن سيزوا جاه معطاب تع تاع
=
قال رهوه شفته مسيّر مع ريف= على حضري وطويلب العلم ماطاع
=
لأنه يقول الضيغمي ضفها الشيف=عشرين مع سبعه على الخير جماع
وأبو فهد راع العزوم المراديف= نهار أبو ساره بختري ونعنّاع
=
أقبل عليهم بالفياض المكافيف = هوّه وأبو محسن على زين الأصناع
جلسة نشامى والدلال المراصيف = تجلى صدى قلب من الهم ملتاع
=
خطو العيال اللي بروس المشاريف=تشبه حرار الجو وان جات زوُاع
=
في ذعذع قفرٍ من الناس ماحيف=مــدهـال ذيـب للتـخاتيخ قـطاع
وختمه سلام بصافي البن للضيف= يسوق فنجاله على الخير صنّاع
وتمت وصلى الله على خير من شيف=اعداد ما غطا الفضاء نور وشعاع
=
=
الذين يشاهدون الموضوع الآن: 1 (0 من الأعضاء و 1 زائر)