بسم الله الرحمن الرحيم
اليوم يا اخوان جايب لكم موضوع اضنه يهمنا جميعا
عموما
يا اخوان سبب اهتمامي وطرحي لهذا الموضوع هو حادثة صارت لي شخصياً
وهي اني في البر انا والربع قبل ثلاث اسابيع تقريباً
وقدراً وانا اقطع لحمة الغدا مرت السكينه على اصبع يدي الكبير الأبهام وجاء الجرح عميق وفي المفصل نفسه وهذا اشد خطورة
لاحول ولاقوة الا بالله وبقيت طوال يومي وانا انزف دما
ولا استطيع فعل شيء وضعت المناديل تلو المناديل ولافائدة وضعت تمرة ولم تنفع والله يالربع ان الأخوان يعجنون التمرة لي تقول عجينة مصابيب واحطها على الجرح ولا فيه فايدة ينزف وبقوة
الحمدلله على كل حال
الى أن وفق الله وسدد ودلنا على شيء مهم في دواء هذا الجرح وأيقاف نزيفه
الا وهو
العويدي او المسمار على قولت البعض وهو يوقف النزف مؤقتاً
المهم حطيته عليه ووقف النزف بس ما اقدر احرك اصبعي لو حركته نزف ثاني مرة وصرت طول اليوم مثل المحرول ما اقدر امد يدي على شي وصرت بدال ما اخدم الربع صرت ماغير جالس وهذا قمة القهر ولا اعتراض على قضاء الله وقدره
جلست افكر وانا في بيت الشعر وقدامي الضوية والربع مهتمين هاه ابو حمد عسى مايألمك والثاني بشر عسى ماعاد ينزف ابو حمد نوديك للمركز الصحي
اييييييه قلت في نفسي يابو حمد لو معك شنطة اسعافات اولية هل بتكون في مثل هذا المأزق
تعوذت من الشيطان وسكرت باب لو لأنها لاتنفع ابدا وقلت من يوم آصل الرياض وانا مجهز شنطة اسعافات اولية ومتكاملة ومن افضل الموجود
وجلست ولفترة اسبوعين اسأل وابحث حتى يسر الله لي شنطة اسعافات
وجهزت للأحبة أعضاء مكشات هذا التقرير المتواضع
عن كل مايهمك اخي الكريم عن شنط الأسعافات الأولية واسعارها وانواعها وافضلها ومكوناتها وحاجاتها وأماكن بيعها وبالصور التوثيقية
واليك التقرير
صليت العصر ومريت ابو عبدالله (( سرهيد الساحات العربية أحد اعضاء مكشات الآن ))
وطلبت خوته ولاقصر ركب معي ذيبان وتوجهنا لأم ولأبو محلات الأسعافات الأولية شارع الضباب في الرياض واسمه الحقيقي كما في الصورة ادناه وهو افضل من يبيع هالأشياء وهي صحيح انها موجودة عند بعض الصيدليت ولكن لايتوفر الأنواع جميعها مثل ماعند شارع الضباب
وصلنا على بركة الله لمحلات التجهيزات الطبية
وهو شارع طويل كله عن يمين ويسار متخصص في الأدوات والتجهيزات الصحية وعليه اعتماد كثير من المستوصفات والدكاترة وغيرهم
ووصلنا وخشينا للمحلات ولقينا العجب ودريت انا ضايعين ولاعندنا اي توعية بالصحة ابد
يا أخوة سردي للموضوع سيكون عام وساذكر لك ستة انواع من شنط الأسعافات الأولية وهي الموجودة عندنا في بلادنا ولم اشاهد طيلت بحثي اي نوع آخر غيرها
الــــنــــوع الأول
ســـعـــرها بــ 120 ريال
اقدر اسميها
الــــعـــمـــلاقــــة
كم هي رهيبة من جميع النواحي وتملكت واحدة منها وهي المرشحة عندي وكملتها بباقي اللوازم فأصبحت متكاملة ماناقصها الا ابرة وسلك الخياطة للجروح تصدقون والا لا
حجمها وذف وقوية ومصنوعة من الحديد وفيها خاصية ضد الماء
فلا يمكن يتسرب لها ولاقطرة وميزاتها كثيرة سترآها بام عينك
انضر اليها بالصورة ادناه
يوجد منها ونفسها بالشكل ولكن اصغر حجم ولكن صغيرة مرة وغير مناسبة لصغر حجمها اولا وثانيا لأنهم يبيعونها لك كشنطة خالية بــ 40 ريال ويقولون عبها وهذا مايصلح
يوجد بها أمكانية تثبيتها بالجدار اذا رجعت من البر مسمارين فقط في الجدار وعلقها بها واذا جيت تمشي شلها معك من الجدار يعني مثل المعلاق انضر بالصورة ادناه
واكبر وافضل واقوى واحسن ميزة او خاصية فيها الا وهي خاصية الأقفال بالضغط
انضر اليها بالصورة ادناه وهذا يتيح لك الأطمئنان على عدم انفتاح الشنطة وانت في المقناص والبطانيج والمطامر يادافع البلا ثم دور عاد قشك واغراض شنطتك
فمضمون عدم انفتاحها شاهد معي
انضر ماشاء الله لاقوة الا بالله
تكاد تكون كاملة الا بعض الشي وسأخبرك بالنواقص التي تكملها بها في صورة أخرى بعد قليل
انضر بطنها وسيع وفي نفس الوقت وذفه
حتى دفتر ودليل الأسعافات يوجد معها
وانضر للربل المانع لدخول الماء والرطوبات في غطائها
تـــــابـــع >>>>>
ارجوك لاترد الآن