15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 10 من 10

الموضوع: ديوان الشاعر / برق المزون

  1. #1
    تاريخ التسجيل
    Jun 2006
    المشاركات
    135

    Thumbs up ديوان الشاعر / برق المزون

    بسم الله الرحمن الرحيم
    السلام عليكم ورحمة الله وبركاته
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    (((المقدمه)))

    الشاعر / برق المزون - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
    دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
    في متناول القارئ وهي تقدر للشاعر مايبذله من جهد وتفان ٍ في هذا المجال

    ((السيرة الذاتية))

    ننتضرها من الشاعر

    """""""""""""""""
    """"""""""

  2. #2
    تاريخ التسجيل
    Jun 2006
    المشاركات
    135

    ديوان الشاعر / برق المزون

    ""
    "="
    با الصيف همي زايدات(ن) رفوفه = ماغير ابدل بين شاشه وشاشه
    وين الغيوم و وين مزن(ن) نشوفه = انا اشهد إن الوقت عجل انتحاشه
    جانا سموم(ن) كاشفات(ن) سيوفه = من عقب غيم (ن) ممطر0ن) به رشاشه
    لجاك ليل(ن) جاه ليل(ن) يطوفه = الله يجيب البرد لو به رعاشه
    يا زين مطلاعه وملباس صوفه = نسناس جوه فارش(ن) لي فراشه
    هذاك وقته باسمات(ن ) حروفه = تلقى بها قلبي يزيد انعاشه

    "="

  3. #3
    تاريخ التسجيل
    Jun 2006
    المشاركات
    135
    ""
    "="
    مبداي با اللي خالق(ن) كل امَه .= سبحانه اللي من العدم كيف سواك
    بقول يا ربعي امور(ن) مهمَه = ويا سامعي افهم كلامي ليا جاك
    بعض البشر يفديك روحه ودمَه = والبعض الآخر لا تعثرت ياطاك
    والبعض خوان(ن) لعين(ن) ورمَه =لا صار لك ظرف(ن) تنحى وخلاك
    تفزع له بقوه وحيل(ن) وهمَه =ما تدري انه ناكس(ن) عكس ممشاك
    والله لو تطلع معه فوق قمَه = وده يحذفك ما يبي غير فرقاك
    مثل الأفاعي جاهز(ن)فيه سمَه =.لعطاك لدغه با الكفن قام غطاك
    ما ينفعه طيب(ن) يعله لحمَه= وقت الشدايد نجس ملعون حاشاك
    ماينفع إخوانه وخاله وعمَه = وشلون ترجي منه نفع(ن) ليمناك
    ادعوا معي يا جعل بقعى تخمَه=ان صحت له يا فلان تكفى تعداك
    احذر من اللي ما تثبتَه ذمَه=ان تقترب منه ترى ابليس خاواك
    واحذر من اللي مفرق(ن) كل لمَه =مثل اليهودي بس همه معاداك
    واحرص على اللي كل همك يهمَه = لا ضاقت الدنيا بعينك تبناك
    ان قلت ابا اجحد كل واحد مذمَه =والنعم فيهم ذا وهذا وهاذاك
    ابشر بعزك لا تنحيت يمَه = يقضي لزومك دوم عنده معشاك
    بهدي ورود(ن) للنشامى تشمَه =اللي لهم ساس(ن) من الطيب شرواك
    فيهم صفات(ن) للوفى مستعمَه=والمرجله بأهل الردى اليوم تفداك
    آخر قصيدي حكمة(ن) له تتمَه=خلك عزيز النفس تنعم بدنياك
    "="

  4. #4
    تاريخ التسجيل
    Jun 2006
    المشاركات
    135
    يشربون من الهماج
    [frame=9 70]
    [frame=9 70]
    منيتي ماهي فلوس بدنيتن كلها زوال = منيتي أكون عزٍ للعرب والمسلمين
    طايعٍ ربي و أصلي عارف دروب الحلال = يا الله انك تعفوا عنا يامجيب السائلين
    مشينا كله تركد ما نحب إلا العدال = قانعين برزقنا وما نحب الطامعين
    يا الله انك تمحو اللي راحوا دروب الميال = وافسدوا ببلادنا وارهبوا الآمنين
    قتَلوا كبار سن وماسلموا حتى العيال = دينهم قتل ودمار وقالوا حنا مؤمنين
    يشربون من الهماج ويحسبون انه زلال = معصبين عيونهم لاوالله إلا منعمين
    يحشم الاسلام عنهم بس لهم عندي سؤال = الضحايا واليتامى (ش ) ذنهم يامجرمين
    برق المزون 911

  5. #5
    تاريخ التسجيل
    Jun 2006
    المشاركات
    135
    ""
    "="
    ما اجزل قصيدي قافه الإيط والآط= ابا اكتبه لو كان به حيل تشطيط
    ما تربط الأشعار فكري بمرباط=بنشط عزومي على القاف تنشيط
    بفصل الأبيات تفصيل خياط=والبيت اشقه ثم اخيطه تخييط
    يا ما حلا شوف القطا من السماء قاط= في فيضه مربط بها الشيح تربيط
    وبها الخزامى والنفل ريحها عاط=من شم ريحه عاف كل المخاليط
    والكدري آثاره بها خبط مخباط=. تبراه بندق ماوراها تواريط
    ماهي من اللي كنها ام نباط=.ماغير نبطه ماوراها تنابيط
    بريتا وبها اجود انواع الفشق حاط=من القرام اللي يخبط القاع تخبيط
    لامن هميت الجول ما ينط نطاط =تلقاه مسبط قاضب القاع تسبيط
    واللي يطير بينزل من السما واط=من عقب طلقه يقفل بكل تخطيط
    وتنزل عليه وكن با اليد ملقاط =وتلَقط اللي طاح با القاع تلقيط
    من عقبها تقدح لك بعود شخاط=وتضبِط قهوتك وشاهيك تضبيط
    وعندك سفاري جاهز(ن) دوم محتاط=سلقة(ن) نشيط يمشط القاع تمشيط
    مجهز بعزبه بها كل الأنماط=عزبة رجال تقلط الضيف تقليط
    ماهو من اللي باالورش دوم حطاط=روح زمانه با الحواري تفاحيط
    ومعك نشامى للثقيلات نشًاط =مافيهم اللي لا مشى جاور الحيط
    وختامها بأعداد ما خط خطاط=تسبيح للي باسط القاع تبسيط
    "="

  6. مشاركة: ديوان الشاعر / برق المزون

    ""
    "="
    يالله يا اللي للخفيات علاَم = يا رازقٍ عمي الحيايا با الاجحار
    يامن بسطت القاع في سبعة ايام = وزينتها بجبال وهضاب واشجار
    ويا اللي هديت عبادك لدين الاسلام = ووحدتهم با الدين من كل الاقطار
    ابا اطلبك باعداد ما خطت اقلام = واعداد طيرٍ حام واعداد الاحجار
    انك تطول عمري اعوام و اعوام = ولا يمر بدنيتي ضيق واخطار
    الشعر بحر وفكري اليوم عوام = ومن قاعته أنقى جزيلات الاشعار
    يا كثر ناسٍ با القفى حكيها سام = احقاد وكرهٍ ضدنا كننا اشرار
    قالوا وقالوا وألفوا عننا افلام = ناسٍ على ظلم الاجاويد شطار
    لا والذي منعم علينا با الانعام = ما قالوا إلا كذب وابليس للنار
    ناسٍ تجيب علل وامراض واسقام = رخومٍ كبار اجساد وعقولها صغار
    طيب الفعايل عندهم عجز واحلام = مدات ايديهم با الوفى دايم قصار
    قلوبهم سودٍ بها الحقد أكوام = مهما تضحي لأجلهم صرت سنمار
    وما همني لو هو حكى نجس نمام = ما افكر بهرجه ولاني بمحتار
    غراب ينعق للرديات لمام = خايب ومنهو يقربه زاده اضرار
    ماكل طيرٍ يشبه الحر لاحام = ولاكل برقٍ لاح بتهل الامطار
    للمرجله سعرٍ ولاني بسوام = أشري ولو كان الثمن سمع وابصار
    الطيب ذكره لو يطول الزمن دام = حتى ولو راعيه وسط اللحد صار
    ويا الله يامن عينك تشوف ما تنام = ضيَق على الظالم وورده الامرار
    كلٍ لدرب الموت مسيوق بلجام = في دنيتن تفنى بها كل الاعمار
    "="

  7. مشاركة: ديوان الشاعر / برق المزون

    لا ضاق بي الكون والهم جاني=اسج رجلي للفجاج الوسيعه
    واشب نار بقاع مابه مباني=واقفل الجوال واقطع مذيعه
    وابا اكرب اشعري بجزل المعاني = وتصير قيفاني حصون(ن) منيعه
    وابا اشتكي للذيب مر الزماني = وابا أسأله وشلون جو الطبيعه
    سمعت صوت الذيب يعوي عشاني=متسند(ن) له فوق تله رفيعه
    وناديت له يا الذيب خلي جفاني=عرضني دروب الوعر والقطيعه
    ياما بكثر الصد عني كواني = أسقاني العلقم وانا اطلب ربيعه
    تعبت من لاهوب قيضه شواني =حرمني من ميراد صافي نبيعه
    جسمي نحل وعظام صدري تباني = روحه على تعذيب روحي سريعه
    والمتن كل ومن حموله يعاني=والقلب مايقوى زعله ويطيعه
    والذيب طالعني وصد بثواني =ثم التفت يعوي بنبره فضيعه
    صيحت له تكفى ترى العمر فاني =وماني بخايف لا نويت الخديعه
    ابيك بس تحط نفسك مكاني=وارجوك جاوبني إذا اذنك سميعه
    عوى بصوت(ن) هز كل المكاني=كنه يقول اسمع كلامي جميعه
    محبوبك مبدلك بإنسان ثاني=ولا لا تصدق كل عين(ن) دميعه
    هذا زمن والله مابه أماني =به الدروب المسعده والمريعه
    شانك معا ولفك ابد زي شاني =ومن باعنا برخيص لازم نبيعه
    لا يفجعك عايش بمكر وهواني=والذيب موته ولا حياة الفجيعه
    المكر با الدنيا طباع الحصاني =والذيب يترك كل لقمه مجيعه
    =

  8. #8
    تاريخ التسجيل
    Jun 2005
    المشاركات
    4,759

    مشاركة: ديوان الشاعر / برق المزون

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي







    لا تلعن الظلما وبيديك فانوس




    لا تشتكي للنـاس وانتـه مـن النـاس=
    ولا تلعـن الظلمـا وبيديـك فـانـوس




    شكـوى لغيـر الله لا مالهـا ســاس=
    من غيره اللي مذهـبٍ كـل هاجـوس




    يجيك طارش ضيـق للقلـب عسـاس=
    لا يهزمك واصبر ترى الصبر نامـوس




    الوقـت مجهـولٍ للاحـداث دســاس=
    أفرح لـه نفـوس وبكـى لـه نفـوس




    يا كثر ناسٍ حولـك اوقـات الاونـاس=
    وقت الرخـى مافيـه برهـان ودروس




    وليا ادبرت دنياك والشيب بـا الـراس=
    من زحمة همومٍ تحوس الفكـر حـوس




    اللي بيصفا لـك قليـل مـن الاجنـاس=
    يـوم البقيـه نكَسـوا عنـك الـروس




    وبعض البشر يجلب على النفس الاتعاس=
    لا مايسلي خاطـرك وانـت معمـوس




    خلـه يولـي لا تشاركـه الانـفـاس=
    الضرس يقلع لا تكاثـر بـه السـوس




    والبعض مكسب ما يثمن بـا الالمـاس=
    معدنه طاهـر مابـه السـم مدسـوس




    قد قيل مـا باالقـدر يخرجـه مـلاس=
    والذيب ما يسري مع ضبـاع وهيـوس




    ولا ذعذع الغربي وجـا منـه نسنـاس=
    يطري علي خشفٍ با الاقفاص محبوس




    سلام ياصل صاحبي كسـل الانعـاس=
    ابو حجاجٍ فـوق عينـه كمـا القـوس




    أدعج غنج ما يقـاس زينـه بمقيـاس=
    مبروم ساقه والخصر حيـل ممسـوس




    الخشم سلة سيـف والاهـداب حـراس=
    والعين عين الظبـي والزنـد متـروس




    والنهد تفـاحٍ علـى الصـدر جـلاس=
    تـوه صَغيـر مثمـرٍ غيـر ملمـوس




    والشعر كنـه ليـل بأوقـات الادمـاس=
    شلال متناثـر علـى المتـن منكـوس




    لامن خطا برجليه وفـوق الرمـل داس=
    يذوب معه الرمـل ويقـول لـه دوس




    وإذا شرب وحط مبسمـه بـا الكـاس=
    الكاس يشـرب مـن شفايـاه ويبـوس




    الناعـم الليـن مـن اللمـس حسـاس=
    يحفظه ربي ومن الاعيـان محـروس






    وسلامتكم


    برق المزون 911


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    [/center]

  9. #9
    تاريخ التسجيل
    Jun 2005
    المشاركات
    4,759

    مشاركة: ديوان الشاعر / برق المزون

    سعر المرجله









    يالله يا اللي للخفيات علاَم=
    يا رازقٍ عمي الحيايا با الاجحار




    يامن بسطت القاع في ستة ايام=
    وزينتها بجبال وهضاب واشجار




    ويا اللي هديت عبادك لدين الاسلام=
    ووحدتهم با الدين من كل الاقطار




    ابا اطلبك باعداد ما خطت اقلام=
    واعداد طيرٍ حام واعداد الاحجار




    انك تطول عمري اعوام و اعوام=
    ولا يمر بدنيتي ضيق واخطار




    الشعر بحر وفكري اليوم عوام=
    ومن قاعته أنقى جزيلات الاشعار




    يا كثر ناسٍ با القفى حكيها سام=
    احقاد وكرهٍ ضدنا كننا اشرار




    قالوا وقالوا وألفوا عننا افلام=
    ناسٍ على ظلم الاجاويد شطار




    لا والذي منعم علينا با الانعام=
    ما قالوا إلا كذب وابليس للنار




    ناسٍ تجيب علل وامراض واسقام=
    رخومٍ كبار اجساد وعقولها صغار




    طيب الفعايل عندهم عجز واحلام=
    مدات ايديهم با الوفى دايم قصار




    قلوبهم سودٍ بها الحقد أكوام=
    مهما تضحي لأجلهم صرت سنمار




    وما همني لو هو حكى نجس نمام=
    ما افكر بهرجه ولاني بمحتار




    غراب ينعق للرديات لمام=
    خايب ومنهو يقربه زاده اضرار




    ماكل طيرٍ يشبه الحر لاحام=
    ولاكل برقٍ لاح بتهل الامطار




    للمرجله سعرٍ ولاني بسوام=
    أشري ولو كان الثمن سمع وابصار




    الطيب ذكره لو يطول الزمن دام=
    حتى ولو راعيه وسط اللحد صار




    ويا الله يامن عينك تشوف ما تنام=
    ضيَق على الظالم وورده الامرار




    كلٍ لدرب الموت مسيوق بلجام=
    في دنيتن تفنى بها كل الاعمار






    برق المزون 911

  10. #10
    تاريخ التسجيل
    Jun 2005
    المشاركات
    4,759

    مشاركة: ديوان الشاعر / برق المزون

    أهدي هذه القصيده لعشاق البر والمقناص اتمنى ان تجد قبول لديكم




    الــبـــر شــفَـــي والـقــنــص والـنــواويــر




    مانـي بقاصـد باالبنـات الغناديـر=ابا ابعـد التفكيـر عنهـن بعيـدي




    ولاني بقاصـد باالذهـب والدنانيـر=مهما جمعت أبقـى بلحـدٍ وحيـدي




    أبا اعتـذر منكـم شديـد المعاذيـر=ماهن غرامي علـم جاكـم اكيـدي




    البـر شفَـي والقنـص والنواويـر=وبروق مزنٍ والمطـر هـن عيـدي




    لا لاح نجم سهيل جتـك التباشيـر=والسيل يحري بـإذن رب العبيـدي




    وتنشاف برقا الريش عقب المشاوير= والقاع تلبـس كـل لبـسٍ جديـدي




    شيح ونفل تّفرح عيـون النواظيـر=وبها الخزامى وكـل نبـتٍ تريـدي




    يفرح بها راعي الولع راعي الطيـر=با الصيف كله كـن قيـده حديـدي




    واسج رجلي مـع نشامـى مناعيـر=لا جات ميلات الزمن هـم رصيـدي




    نطوي الخبوت وللمشاغـل تدابيـر=وننسـى همـومٍ للسعـاده تبيـدي




    مقناصنا صوب القفـور المعاسيـر=نلقى بها اجوال القطا وكـل صيـدي




    والبندق بريتا بجنبـي كمـا الجيـر=سوداء اكستريما تو بطـرزِ فريـدي




    لا شفت جول الكدري انسى المخاسير=من صاده امسى كل يومـه سعيـدي




    ولا صرت أرمي بالسماء جولٍ يطير=ويطيح وانزل والقط الصيـد بيـدي




    أخير من شدة تزاحم علـى السيـر=وكثرة مباني وهرج مابـه مفيـدي




    نضبط عشانا بيـن كاتـم وقصديـر=وتحلا السوالف والحجا والقصيـدي




    هـذا هوايـه ياالوجيـه المسافيـر=ويـارب تِلحقنـا بعمـرٍ مـديـدي



    وســـــــلامـــــــتــــــــكــــــــم




    بــــــــــــرق الــــــمـــــــزون 911

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •