السامري و الهجيني و القصائد المشهوره في المناسبات

[عاشق الصحراء]

الاخوة الاعزاء تحية طيبة و بعد :
دائما نسمع في مناسات الفرح و الزواج سامريات يرددها الشباب في ليالي الفرح تحت ضوء القمر
يشاركون بها المعرس فرحه و سعادته.
و كل منطقة لها سامرياتها و الحانها الخاصة بها.
و يشتهر شباب نجد بانواع كثيرة طالما سمعناها او شاركنا بها .
و لكن للاسف معظم الشباب لا يذكرون القصائد كاملة فتجدهم يرددون بيتين ثم تنقطع السامرية.

اعدكم اذا ساعدني الوقت ان اكتب اكبر عدد من هذه القصائد المشهورة.
و يسرني ان تضيفوا انتم ما تشتهر به مناطقكم من هذه السامريات الرائعة.
و سوف اقوم باضافة قصائد جديدة في هذا الموضوع يوميا اذا اسعفني الوقت.

و ابدء بهذه الرائعة للشاعر الامير خالد الفيصل:


[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
من بادي الوقت هذا طبع الايام=عذبات الايام ما تمدي لياليها
حلو الليالي توارى مثل الاحلام=مخطور عني عجاج الوقت يخفيها
اسري مع الهاجس اللي ما بعد نام=و اصور الماضي لنفسي و اسليها
اخالف العمر اراجع سالف اعوامي=و انوخ ركاب فكري عند داعيها
تدفا على جال ضوه بارد عضامي=و الما يسوق بمعاليقيي و يرويها
الى صفا لك زمانك علّ يا ضامي=اشرب قبل لا يحوس الطين صافيها
الوقت لو زان لك يا صاح ما دام=يا سرع ما تعترض دربك بلاويها
حتى وليفك ولو هيّّم بك هيام=سيور الايام تجنح به عواديها



[/poet]



و هذه اخرى قيل انها لسليمان بن علي (سدير) و قيل انها لماجد الحمود الرشيد(حائل )

[poet font="Simplified Arabic,4,black,normal,normal" bkcolor="transparent" bkimage="backgrounds/3.gif" border="solid,4,deeppink" type=0 line=350% align=center use=ex length=0 char="" num="0,black" filter=""]
يا الله الا يا والي الامر=يا مسندي و انت اللطيف
انك تعاوني على الصبر=و زريع قلبي لا يهيف
ونيت ونة زلزلت مصر=و قصور مكة و الشريف
عيت ذلولي تقطع الجسر=و صويحبي يم القطيف
سواني يسنن على الجسر=سواقهن عقله خفيف
متى نشد ركايبناالعصر=عن هالمكان اللي يخيف
لي صاحب خواتمه عشر=يرجس كما مهرة شريف
ابو وسيط ينهصر هصر=و قذيلته ذيل العسيف
ابو جديل ينشره نشر=ثوبه على متنه خفيف

[/poet]

[عاشق الصحراء]

و هذه القصيدة للشاعر احمد الناصر

[poet font="Simplified Arabic,4,black,normal,normal" bkcolor="transparent" bkimage="backgrounds/4.gif" border="groove,4,limegreen" type=0 line=200% align=center use=ex length=0 char="" num="0,black" filter=""]
الا يا عين هلي....دموعك يا شقيه=على عصر مضى لي....الا يا عين هلي
انا المغبون انا الي..عمايه من يديه=الا وا عزاتالي...انا المغبون انا اللي
متى علمي بخلي..شهر عيد الضحيه=الا وا همالالي..متى علمي بخلي
الى صفيت اصلي....طرى خلي عليه=يهوجس فيه بالي...الى صفيت اصلي
و هو عزي و ذلي...و لا لي مقدريه=و لا يعلم بحالي...و هوعزي و ذلي
و لاني مسفهل...عقب صافي الثنيه=ال وا طي حالي...و لاني مسفهل
بغيت و لا حصل لي..مواصلة خفيه=وصل غالي لغالي...بغيت و لا حصل لي
ذبحني بالتغلي...له عزوم قويه=يقول الوصل تالي...ذبحني بالتغلي
ليالي قد مضن لي..سنين الجاهليه=ابي هاك اليالي...ليالي قد مضن لي

[/poet]

[عاشق الصحراء]

و هذه للشاعر احمد السديري

[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
تلعب بقلبي و انا اطيعك=و انت سبب كل ما جاني
انا اللي اشريك ما ابيعك=لو كثرو فيك الاثماني
صارت لغيري منافيعك=عقب الغلا كيف تنساني
لولا قبالك و تفريعك=دخلت في دين الخوان
[/poet]

[السمح]

والله الفكرة مرة حلوة وجميلة وهي في نفس الوقت رصد لعدد كبير من القصائد المغناة ..
أهيب بجميع الأعضاء بالمشاركة في هذا الموضوع الخفيف على النفس ..
واليوم لي هذه المشاركة الأولى والتي سيتبعها إن شاء الله مشاركات أخرى ..

هذه القصيدة مشهورة جداً وكثير من الناس يرددها عندما يكون المجال مجال غناء ..
يقول الشاعر إبراهيم الكنعاني :

[poet font="Times New Roman,4,orange,bold,normal" bkcolor="darkblue" bkimage="" border="double,4,orange" type=0 line=200% align=center use=ex length=0 char="" num="0,black" filter=""]
يا حمامٍ على الغابه ينوحِ =ساجِعٍ بالطرب لا وا هنيّه
قلت: حيّهْ! ولا كنّه بْيوحي= مَرْ عَجْلٍ ولا سلّم عليّه
وا عسى السيل دايم ما يروحِ= ما يْفارقْ جْفار الصالحيه
يا شريفهْ متى وِدّك نروح= يَمّ ديرةْ هَلِك يا العسوجيّه
قالت: اصبرْ يطيبنْ الِجروح= شهَرْ وعَشْرْ وْدنّوا لي مطيّه
كنْ في ضامري قِدْرٍ يفوحِ= أو غْروبٍ تُوَامى في ركيّه
روح روحي بغت روحي تروحي= يوم قيل الغضيْ فيه جْدريّه
جيت أبَشرب وإلى مِسْكٍ يفوح= غاسْلٍ فيه وضّاح الثنيّه
جِعْل زمْلٍ يبي خلّي يروحِ= ينكسر في شعيب الصالحيّه
[/poet]

[مخاوي الذيب]

اشكرك يا عاشق الصحراء على الفكرة الحلوة


وهذه قصيدة للشاعر/ فيصل البواردي من أهل شقراء

[poet font="MS Dialog,4,seagreen,normal,normal" bkcolor="orangered" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
يا نـسـيـم الهـبايب خـبري ويـن خـلي = خـبـري ويـن خـلي يا نسـيم الهـبـايب
خـبري ويـن راح اللي هـروجه تسلي = خبري وين راح اللي هروجه عجايب
يوم شفت الركايب قمت ارحب واهلي = قمت ارحب واهلي يوم شفت الركايب
شد مظنون عيني شد ما هو هوى لي = أه لا عــاد يــوم فـيـه فـرقـى الحـبايب
ســيـد كـل الـحـبايـب مـره جـا مـحلي = مـره جــا مـحــلي ســيـد كـل الحبـايب
مقدم الراس شايب من فراق السجلي = من فراق السجلي مقدم الـراس شايب
جعل وبل السحايـب فـوق دارة تهـلي = فـوق دارة تهـلي جعـل وبـل السحايب

[/poet]

[عاشق الصحراء]

الاخ العزيز (السمح)
شكرا يا الغالي على الاهتمام و التشجيع
و مشكور على اضافة القصيدة
و تقبل تحياتي

الاخ العزيز (مخاوي الذيب)

شكرا جزيلا على التفاعل مع الموضوع
و اشكرك على اضافة القصيدة .
وتقبل تحياتي

[عاشق الصحراء]

وهذه ايضا قصيدة رائعة و مشهورة للشاعر عبد الرحمن البواردي

[poet font="Simplified Arabic,4,black,normal,normal" bkcolor="transparent" bkimage="" border="double,4,limegreen" type=0 line=350% align=center use=ex length=0 char="" num="0,black" filter=""]
حمام يا اللي بالبساتين=يلعب طرب و الهم ما جاه
هو معجبك طلع الرمامين=او معجبك خضاب حناه
او معجبك حضر مقيمين=هل القصور اللي مبناه
او معجبه بدو مقيمين=يرعون براق نثر ماه
ذبحتني يا بو عكاكين=يا خالط ورده بحناه
ذبحتني و اهلي مقيمين=و اهلك ضعنهم ما لحقناه
عساك يا الروضه تسيلين=و السيل يملا لي ركياه
حيثك مقر دويعج العين=محبوب انا ما شفت حلياه
يا العين هودي لا تلجين=صيري صبوره يا المشقاه

[/poet]

[عاشق الصحراء]

و هذه ايضا للشاعر حمد الرمضان من اهالي بلدة الشعرا و هي من نوع الردادي

[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=0 line=200% align=center use=ex length=0 char="" num="0,black" filter=""]
عديت في مرقب غنى بركنه حمام=و اثر الحمامة تهيض القلب بلحونها
سلام يا اللي تبون مني سلام=واثني التحية على اللي يستحقونها
من لامني في الهوى و مرودعات الوشام=جعل النصايب على قبره يرزونها
ابو نهيد صغير مثل بيض الحمام=مثل الفناجيل بالدير يعدونها
يا رجف قلبي عليها ارجاف طي المقام=او ارجاف خيل على الحاكم يعنونها
يا بري حالي عليها بري عود الثمام=وقع عليه الجراد و طار بغصونها
و يا ونتي ونة اللي دش بحر الظلام=يبغي المراكب و حال الموج من دونها
يا زين ما ترخص الحبة و ترخي اللثام=حيث انها لا تبين و لا يقصونها
حب اريش العين وقع في ضميري وحام=و الحب الآخر على كبدي و من دونها
يا داخل السوق ما عينت ظبي العدام=ما رييته في البلد ما شفت انا لونها
ابو جديل تهلهل مثل ريش النعام=ياصل ردوفه الى دلو يعملونها
ياصلك مني يا صاحبي ردود السلام=ياصلك مع ذا الهبوب اللي جرى عونها

[/poet]

[عاشق الصحراء]

و هذه ايضا من القصائد المشهورة و للاسف لا اعرف قائلها.


[poet font="Simplified Arabic,4,black,normal,normal" bkcolor="transparent" bkimage="backgrounds/12.gif" border="double,4,limegreen" type=0 line=350% align=center use=ex length=0 char="" num="0,black" filter=""]
يا طير يا خافق الريش=بلغ سلامي و ثنه
ثنه على ابو عكاريش=اللي سبى العقل فنه
ابو عيون مراييش=من شافهن يذبحهنه
ابو ثنايا مراهيش=ويلي على مزهنه
و قذيلته كنها الريش=ريحه زباد و خنه
جيته يهل العكاريش=في روشن يدهلنه
صملان قلبي معاطيش=ومن الظما يبسنه
لولاه انا كان ما اعيش=و من ها الحية اتهنه
[/poet]

[عاشق الصحراء]

و هذه من ااقصائد ذات الالحان التي يفضلها الشباب.



[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="ridge,4,burlywood" type=0 line=350% align=center use=ex length=0 char="" num="0,black" filter=""]
شاقني بلحونه....شاقني بلحونه....حمام غنى ....شاقني بلحونه
نيته ملعونه.....نيته ملعونه....ما تقل منا.....نيته ملعونه
سنة مسنونه......سنة مسنونه......يا شوق حنا.....سنة مسنونه
يا بياض سنونه...يا بياض سنونه..يوم ادعجنا..يا بياض سنونه
يا حمار كفوفه...يا حمار كفوفه...زاهي بالحنا..يا حمار كفوفه
يا طوال قرونه...يا طوال قرونه...شقر تثنى....يا طوال قرونه

[/poet]

[السمح]

هجينية :

[poet font="Tahoma,4,black,bold,normal" bkcolor="transparent" bkimage="" border="double,4,black" type=2 line=200% align=center use=ex length=0 char="" num="0,black" filter=" shadow(color=sandybrown,direction=135)"]
يا راكبَ اللي بعيد الخد يطْونّه=حرايرٍ من ضرايب جيش ابن ثاني
من الثميله لْدار الشوق يِمْسنّه=لا روّحن بالْوَصف جول غزلانِ
تكفون ياهْلَ النَضا سِجّوا عليهنّه=سجّوا ولِجّوا وْصيّور العُمر فاني
لا بدْ من خِرْقةٍ بيضا على السنّه=والموت من قبْلنا ما عاف راكانِ
[/poet]

[السمح]

وهجينية ثانية :

[poet font="Times New Roman,4,black,bold,normal" bkcolor="burlywood" bkimage="" border="solid,4,black" type=0 line=200% align=center use=ex length=0 char="" num="0,black" filter=" shadow(color=skyblue,direction=135)"]
يا قلب ياللي كفخ كنه على ملّه=يكفخ بْصدري وْشدّنّه معاليقه
أقنب قنيب الضواري فوق مِقْتلّه=جوٍّ من الورد دِرّاسٍ طواريقه
أضحك مع اللي ضحك والصدْر به علّه=أضحك بْسنّي وقلبي ممتلٍ ضيقه
قالوا: تِديّن. وقلت: الدِّين لا بالله=الدين عن نابي الردفين ما طيقه
غِرْوٍ مليحٍ جمعْ زين الملا كلّه=إنشد جليس الهوى وانشد عشاشيقه
أبو جديلٍ على دمْث النحر هلّه=ما لـه جِدا كود تكديده وْتَفْريقه
خطْرٍ يجيني على غضّ النهد خلّه=الصاحب اللي كما ذوب العسل ريقه
[/poet]

[المسفهل]

قال محمد بن حمد بن لعبون المتوفى سنة 1247 هـ[poet font="Times New Roman,4,white,bold,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
ياذا الحمام اللي سجع بالحون=وش بك على عيني تبكيها

ذكرتني عصرٍمضى وفْنون=قبلك دروب الغي ناسيها

لا تطري الفرقى على المحزون=مااحب أنا الفرقى وطاريها

يا من ينادمني على الغليون=والدلة الصفرا مْركيها

أنتم تلوموني ولا تدرون=والنار تحرق رجل واطيها

شفت البناجر في يد المزيون=يوم أقبلت والنور غاشيها

والبّتة الصفرا زهت باللون=توّهْ اضحَيّ العيد شاريها

عمرَهْ ثمان مع سبع مضنون=مشيَ الحمام الراعبي فيها

تَلّيْت ردنَهْ وانهصر بالهون=وْلَهْ قذلةٍ بالمسك عابها

[/poet]

[عاشق الصحراء]

و هذه سامرية


[poet font="Simplified Arabic,4,crimson,normal,normal" bkcolor="transparent" bkimage="" border="ridge,4,burlywood" type=0 line=200% align=center use=ex length=0 char="" num="0,black" filter=""]
كريم يا بارق سرى=ما احلى رزيم الرعدفيه
يا زين عشبه الى اخضرا=و البل ترعى مفاليه
نطيت انا الحيد الاسمرا=و هيضت انا عبرتي فيه
و البل يا زينة الذرا=كم من غريب توديه
عينت ظبي تحدرا=يرعى الزهر مع مثانيه
جيته مع السطح ما درى=و الى القمر شارع فيه
الى لمسته تهصرا=يا خوي ما نيب قاويه
عليه ثويب عن العرى=جعل اريش العين يبليه
بطنه لبيب و مزعفرا=يا زين طي الحقب فيه
ابو بريم مقمرا=من فوق الاوراك زاويه
يا بو زميم مشذرا=و مزهي وجه راعيه
قم حبني لا تعذرا=و العذر ما نيب باغيه

[/poet]

و اسف على الغياب الغير متوقع.

[عاشق الصحراء]

الاخ الغالي على قلبي بالحيل (السمح) شكرا على اضافة المشاركة
و زدنا .
الاخ العزيز المبدع (المسفهل) لك فائق الشكر و الله الله بالمزيد.

و الان هذه القصيدة المشهورة من السامريات.للشاعر
سالم الحربي.





[poet font="Simplified Arabic,4,green,normal,normal" bkcolor="transparent" bkimage="" border="ridge,4,burlywood" type=0 line=200% align=center use=ex length=0 char="" num="0,black" filter=""]
لا تكاثر جيتي يا نظر عيني=الله اللي جابني لك و وداني
ماشي درب مشوه المحبين=بالمودة راجح لك بميزان
احسب اني مثل ما اغليك تغليني=ما دريت انك عدو و قوماني
و اثر لك يا متلف الروح قلبين=قلب يبغضني و قلب يتمناني
كم هنوف عند اهلها تمنيني=كزت المرسول كله على شاني
تحسب ان الله قطوع يخليني=ربي المعبود ما عاد ينساني
تحسب انك يوم قفيت كاويني=يوم تكفي الحوض في وجه ضميان
سيد الخفرات ما توفي الدين=خنتني من غير حق و برهاني
الجفا من بيننا موقفه شين=من فعل خير يجازى بالاحسان
خوفي الله لا تصيرين لاثنين=صفي النيه و صيري لفرداني
يا حبيبي اسقني لا تخليني=لو اموت من الضما ما احد اسقاني

[/poet]