بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

**برق المزون** · 28/03/2007, 02:05 PM

اهدي لكم هذه القصيده من قصائدي والتي اتمنى ان تجد قبولاَ لديكم

لاكن لا تحرمونا من ردودكم التي تسعدنا وتحفزنا لتقديم كل جديد ووضعه في منتدانا

مكشات

يا سامعي افهم كلامي ليا جاك

مبداي با اللي خالق(ن) كل امَه ............................. سبحانه اللي من العدم كيف سواك

بقول يا ربعي امور(ن) مهمَه ..................................... ويا سامعي افهم كلامي ليا جاك

بعض البشر يفديك روحه ودمَه ..................................... والبعض الآخر لا تعثرت ياطاك

والبعض خوان(ن) لعين(ن) ورمَه .............................. لا صار لك ظرف(ن) تنحى وخلاك

تفزع له بقوه وحيل(ن) وهمَه ............................... ما تدري انه ناكس(ن) عكس ممشاك

والله لو تطلع معه فوق قمَه .......................................... وده يحذفك ما يبي غير فرقاك

مثل الأفاعي جاهز(ن)فيه سمَه ....................................لعطاك لدغه با الكفن قام غطاك

ما ينفعه طيب(ن) يعله لحمَه ................................. وقت الشدايد نجس ملعون حاشاك

ماينفع إخوانه وخاله وعمَه ...................................... وشلون ترجي منه نفع(ن) ليمناك

ادعوا معي يا جعل بقعى تخمَه ................................. ان صحت له يا فلان تكفى تعداك

احذر من اللي ما تثبتَه ذمَه .................................... ان تقترب منه ترى ابليس خاواك

واحذر من اللي مفرق(ن) كل لمَه ................................ مثل اليهودي بس همه معاداك

واحرص على اللي كل همك يهمَه .................................. لا ضاقت الدنيا بعينك تبناك

ان قلت ابا اجحد كل واحد مذمَه ..................................... والنعم فيهم ذا وهذا وهاذاك

ابشر بعزك لا تنحيت يمَه ......................................... يقضي لزومك دوم عنده معشاك

بهدي ورود(ن) للنشامى تشمَه ......................... اللي لهم ساس(ن) من الطيب شرواك

فيهم صفات(ن) للوفى مستعمَه .............................. والمرجله بأهل الردى اليوم تفداك

آخر قصيدي حكمة(ن) له تتمَه ..................................... خلك عزيز النفس تنعم بدنياك

وسلامتكم

برق المزون 911

**راع الابل** · 28/03/2007, 02:09 PM

بعض البشر يفديك روحه ودمَه ..................................... والبعض الآخر لا تعثرت ياطا

بيض الله الله وجهك وصح لسانك ودلك الله على ما تبي ونتمى من الاخوان تجهيز بيت او بيتن تخص هذه القصدة وراعيها

وانا جايكم

تحياتي

**DAWRD** · 28/03/2007, 02:28 PM

السلام عليكم ورحمة الله وبركاتة

آخر قصيدي حكمة(ن) له تتمَه ..................................... خلك عزيز النفس تنعم بدنياك

صح لسانك

**برق المزون** · 30/03/2007, 10:49 AM

راع الابل .... Dawrd

شكرا على المرور وصحت ابدانكم

**justscience** · 30/03/2007, 11:00 AM

[/size]

**أبو سالم** · 30/03/2007, 11:07 AM

صح لسانك ولاهــنت

**الضاري** · 30/03/2007, 11:12 AM

بعض البشر يفديك روحه ودمَه ..................................... والبعض الآخر لا تعثرت ياطاك

صح لسانك وبيض الله وجهك

البيت هذا بأعتقادي أنه قصيده كامله

تسلم والله يعطيك العافيه

**برق المزون** · 30/03/2007, 01:45 PM

الضاري
شكرا على مرورك
وشهاده اعتز فيها
وقريبا سوف انزل قصيده ( فكرتها حوار دار بيني وبين الذيب )
مطلع القصيده
لا ضاق بي الكون والهم جاني ...................... اسج رجلي للفجاج الوسيعه
قريبا وحصريا على مكشات فقط
ولك تحياتي
برق المزون

**شبح الموت** · 30/03/2007, 01:50 PM

صح لساااااااااااانك

**راع الابل** · 30/03/2007, 01:59 PM

حم الحديد يابرق المزون حمة ..... واكوة على القلة تراه يفداك
لين تظهر ريحتة وخلة يشمة ..... وسم ن يعرف فيه ولا يتعداك
وتصبح ابوه بالموسم وعمة ..... وترضى عنة هو دوم يترجاك

**عاشق سفر** · 30/03/2007, 09:15 PM

بيض الله وجهك يا برق المزون وفالك زين القصيد...

ولي معك انت وراع البل 3 ابيات باذن الله انها تنال اعجابكم وهي رديه لراع الابل ولكم من التقدير ولي عليكم العذر على التقصير وان كان بها نقد لاتحرمونا

وسـع الصـدر ياراع الـبـل وعانـق الـقمه.... وخل عنك الردي لا ينقرب ولاينشاك
ابعد عنه وخاو برق المزون عالي الهمه.... عز الله يبيض الـوجـه مثلك وشرواك
الردي مايبا له وسم (ن) ولا تكون عمه... الـردي احـقـره يعتدل ويـدور رضـاك

تركي بن عازب

**الشيخ1** · 30/03/2007, 09:32 PM

بيض الله وجهك الحقيقه قصيده معبره وخصوصا بعض البشر يفديك روحه ودمَه ..................................... والبعض الآخر لا تعثرت ياطاك

اسال الله ان يجعلنا واخوينا من النوع الاول

**راعي الهـــدد** · 30/03/2007, 09:43 PM

المشاركة الأصلية كتبت بواسطة برق المزون

واحرص على اللي كل همك يهمَه .................................. لا ضاقت الدنيا بعينك تبناك

ان قلت ابا اجحد كل واحد مذمَه ..................................... والنعم فيهم ذا وهذا وهاذاك

ابشر بعزك لا تنحيت يمَه ......................................... يقضي لزومك دوم عنده معشاك

قصيدة في الصميم
صح السانك ياغالي

قصيدة خالجت الصدر
وروحة عن النفس من بلايا رخوم بذلنا لهم الغالي والنفيس لله
ولادرينا انهم ارخوم ودجاج مصقّع فالحمدلله على كل حال

اخوي شكرا لك

**برق المزون** · 30/03/2007, 10:12 PM

االه يبيض وجيهكم
الحمدلله ان القصيده حازت على رضاكم
واوعدكم ان شاء الله با الجديد اللي يبيض الوجه
راع الابل مشكور على مجاراتك للقصيده ولا تحرمنا من قصايدك
تركي بن عازب ماعليك زود ياالغالي
راعي الهدد الشبح 1 شبح الموت صحت ابدانكم

**سلطان العوني** · 31/03/2007, 01:18 AM

ما فيك حيله
وفالك التوفيق
وانا اجيزك
الله يعيطك العافيه وفعلا الرخوم ما ودك تخاويهم

تفعيل العضوية	إرسال كود التفعيل	مركز تحميل الصور	باحث قوقل لمكشات	الرصد الجوي	رادارات المناطق	إستعادة كلمة المرور
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية

الموضوع: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

أدوات الموضوع

عرض

بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

مشاركة: بعض البشر يفديك روحه ودمه ............. والبعض الآخر لا تعثرت ياطاك (جديد وحصرياً)

معلومات الموضوع

الأعضاء الذين يشاهدون هذا الموضوع

ضوابط المشاركة