ياجماعة عندي جهاز قارمن توي مشترية أسمه streetpilot هو زين بالحيل بس مشكلتي ماأدري كيف أكتب أسم الموقع بالأحرف إذا خزنته 00 أنا هلحين حاط لي سجل بالأرقام فقط كيف أكتب الحروف ياجماعة تكفون الفزعة ولا كسرته تراني عصبي بالحيل
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
ياخوي انا ماعندي علم بالجهاز اللي معك
بتقول اجل ليش راد على الموضوع اذا ماعندك سنع ؟
واللي دعاني ارد هو كلمتك ((تراني عصبي بالحيل))
اقترح عليك
تطلع للبر وتاخذمعك الجهاز وكتالوجه وعدة القهوه والشاهي وتشب لك ضويه وتقعد تحورف بالجهاز لين ماتاصل لواحد من هالحلول
-اما انك تسوي اللي تبيه وتحل لغز الجهاز
-او انك تضربه بالأرض ((اذا عصبت وزهت منه)) ولا ينكسر
وتكون بذلك ما خسرت فلوسك اللي دفعته بالجهاز
------------
والله ودي اساعدك
لكن الأجهزه اللي عندي قديمه "ماجلان 5000 dlx" ,وجارمن 40
يعني بالعربي مريت باللي تمر فيه الحين بس من ست سنين
والله يلحقنا خير
ياحليل سوالفك يالوراد الله يسعد أيامك بطاعته 00 والله إني سويت اللي قلت عليه طلعت البر وشبيت النار وأخذت معي كشافات وحجار سبير تخبر في الليل يكون الجو أصفى وهالجهاز وين ماتبغاه يوديك يوديك بس أنت تأشر على الخارطة أو تدخل الأسم للموقع اللي تبغاه أو قريب منه ويوديك ويجيب لك المسافات والجبال وأقرب المدن وأقرب محطات وقود ويبين لك الوادي الأخضر من الوادي الأحمر 00 شفت ونا أخوك شغل سنع 00بس مشكلتي إلى مني رحت محل وحبيت أخزن إسم الموقع ماأدري كيف أ كتب الحروف أو بالأصح كيف أظهر الحروف والله إني مغير قاعد بهالأرقام اللي هو يطلعها00 سنافي من يوم توقف يعطيك الموقع ( رقم فقط ) والوقت اللي مشيته ومعلومات مفيده منها إذا شغلته أول اليوم ورحت البر يعطيك ملخص في تالي النهار زمن القيادة زمن التوقف عدد مرات التوقف وأحداثياتها يعني ماعاد باقي إلا يقول وش سويت الله يكفينا شره 00 عموماً أخوي مشكور ماقصرت وعلى فكرة ترا قيمته 3700 ريال فقط 00
السلام عليكم
و الله يا الحبيب انت لو تجاوب على سؤالي هذا علمتك باللي تبيه
هو الجهاز الي معك شاشته مثل GPS 111 PLUS ولا لا ، انا اعرف ان مواصفاته تختلف لكن المهم هو التحكم فيه .
التعديل الأخير تم بواسطة الخبير ; 01/01/2002 الساعة 12:40 AM
الخبرة هو الإسم الذي يطلقة الشخص على تجاربه الفاشلة
"Obstacles are those frightful things you see when you take your eyes off your goal."
Henry Ford
السلام عليكم ورحمة الله وبركاته
اخوي بدوي بالنسبة للجارمن الى عندك تراه موب سهل ونوعية جيدة لاتفرط فية وفيه محل في المرسلات اسمه دار البوصلة عنده ترجمة لطريقة عمل الجهاز او على الاقل تقدر تستفسر عن طريق التليفون رقمهم والله مااعرفه وفيه محل ثاني اسمه دار موجه في عمائر الصالحيه رقمهم 4083670 الى بشارع الخزان ممكن يفيدونك بعد
والله الموفق
من خصائص عنود الصيد كثر الطواري *** وعادة الظبي يجفل لاتحرك ظلالة
اخوي بدوي متحضر
وش رايك تزرق للشرقيه منها نتشرف بشوفتك ونتعرف عليك
ومنها انك ما ترجع لبيتك الا وانت عارفن لكل خفايا الجهاز
واذا كان الجهاز صعب بالحيل ويبيله تفحص وحبرشه
رحنا به للبحرين
لأن وكيل الجارمن بالحرين صديق عزيز ولا هب مقصر معنا
هاه
اشب على القهوه على بال ماتاصل؟
اتوقع ان طريقته مثل طريقة الجارمن 3 بلس
لذلك الا جيت تخزن موقع وضغطت enter ضغطه طويله وطلعت لك الشاشه الي فيها احداثيات الموقع حرك المؤشر لدام يصير على رقم الموقع الي بتخزنه
واضغط enter كذا بيصير اول حرف يؤشر والحين بالموئشر حرك تحت وبتشوف الارقام تزيد واذا خلصت الارقام تجيك الحروف
واذا خلصت من الحرف الاول انقل المشؤشر يمين وابدا غير الحرف الثاني بعد
واستمر لحد ما تكتب كل الاسم
واذا خلصت عطه enter وانقل المؤشر ل done وعطه enter
السلام عليكم ورحمة الله وبركاته ،،،
ان كانك من اهل الرياض ترى عندي استعداد اعلمك بس ما اقدر اشرحلك عن طريق الكتابه لاني ما عمري استعملت الجهاز . بس كل الاجهزه متقاربه مثل بعض و ممكن اعرفله بربع ساعه لا تقول مغرور و واثق من نفسه بس انا شغلت اجهزه كثيره وكلها تنتهي على نفس الاساسيات واذا عرفت الاساسيات تعرف الباقي .. .. تقدر تتصل على الاميل الموجود
الصقار10//falconry10@gmail.com
سنجار يا خلفهم مهب انا راعي السؤال
السلام عليكم ورحمة الله وبركاته ،،،
الغلط مرجوع و الرد على راعي السؤال اينا كان كلنا ربع واخوان . اما من ناحية الشوف شجر فما عليك زود انا (الصقار10) مني ( سنجار) الله يهديك .
بدوي متحضر
سلام ،،،،
بيني وبينك يا من شراله من علالالالالالالاله حله
ههههههههههههههههههههه
صدز لا قالو الطنزه تلحق
يا زين سوالفكم يا الربع..................
على العموم يا بدوي متحضري ترى راعي عنيزة عطاك الجواب
ما أصابك ما كان ليخطئك.......... و ما أخطئك ما كان ليصيبك
الأخـوة الأعــــــــــــــــزاء
الخبيــــر
أخـو نــورة
الـــوراد
راعي عنيـزة
الصقـــــــــار
عابر سبيـــــــــل
الصحــراوي
أولاً آسف شديد الأسف على تأخري في الرد تخبرون كان رمضان وبعدين عيد وبعدين صالح ومحمد هذولا جيراني الله يسلمكم وإياهم 00
المهم أشكركم جزيل الشكر على إهتمامكم وأشكر من دعاني للزيارة وأشكر من أجتهد بما يعلم وأشكر من طلب مني مراسلته على بريده الألكتروني وسوف أفعل إن شاء الله 00 يالربع الحقيقة حسيت إن الواحد له أخوان حقيقة ولو كانت في أمور بسيطة 00 لكن كون الإنسان يعطيك جزء من وقته يفكر في مشكلتك ويحاول أن يساعدك في الحل فهذا شيء أكبره وأقدره لكل واحد منكم 00 ولا أستطيع أن أجازيكم إلا بقول جزاكم الله خيرا وبارك فيكم وأسعدكم في الدارين وأصلح لكم ذرياتكم ورزقنا الله وإياكم بر الوالدين والأبناء والجنة00
التعديل الأخير تم بواسطة بدوي متحضري ; 21/01/2002 الساعة 10:13 PM
الذين يشاهدون الموضوع الآن: 1 (0 من الأعضاء و 1 زائر)