((قصيدة الوسمي ))

[السبيعي]

(((بسم الله الرحمن الرحيم)))

هذه القصيده اسميتها قصيدة الوسمي وحيث ان الوسمي قد دخل وقته

فقد رايت ان انزل هذه القصيده في المنتدى وارجو ان تكون

في موازين اعمالي وكذلك ارجو منكم اخواني الدعاء ان ينزل الله علينا الغيث

وان لايجعلنا من القانطين وكذلك هذه القصيده نزلتها لطلب بعض الاخوه

مني انزالها في المنتدى وذلك على ماوردني عن طريق البريد الخاص والبريد الاكتروني

حيث ان هذه القصيده قد سجلت في الكثير من الاشرطه وقد قمت بأيرادها

عن طريق اجهزة البث الاسلاكي ((الكنود)) ولقد قمت بإلقاها في برنامج

الخيمة الشعبية مع الراوية ابن شرهان عند استضافتي في احد الحلقات

وهيا مشهوره في المناطق المحيطه بنا وهي موجودة في شريط اسمه ((عناق القبائل))

سوف يصدر في الايام القادمة ان شاء الله بعد شهر رمضان هذه السنة 1426

وكذلك لمحاولت بعض ضعاف النفوس نسبتها الى انفسهم .

رايت من الفائده

ايردها في هذا المنتدى ارجو من الله ان يستجيب مادعونا وارجو ان تنال على رضاكم واستحسانكم .

اخوكم عبدالعزيز ال حمد العريني

سميت بسم الله عضيم الجـلالـــي = رب الفلـك محيـي العظـام الـبوالي

الواحد المعبـود منـش الخيـالـي = عـلام كـل الـغيب والي لنا فــات

سامع دبيب النمل في ظلمـة اليـل = رب الـفـلك ورب طــه وجــبـريل

نرجيك باسمك والدعـى والتـباهـيل = نشكي عليك ولاعـلى الـناس مشكات

ياخالق خلقه ومحـصـي عـددهـا = ويامحصيٍ اشعـوبـهـا مـع بـددهـا

وبمحكم التنزيل عنـده وعـدهــا = لهل الكفر نار وهـل الخـير جـنـات

انت الذي امرك مـن الكاف والـنون =ومجرى السفن فالبحر ومدبـر الـكـون

وعالم خفايا النفس وماكان مـكنـون = ابرحمتك مـجـزل عـليـنا الـعطيات

ويامحصـى أيـامـهـا والـثوانـي = بك نستعيتن وحيـثك الـمـستـعانـي

ونشكي عليك اظروف هذا الزمـانـي = وقتً كثر فيـه الـفتـن والمــلذات

بسمـك الاهـي يالعـظـيم الـتجينا = ولاغـيرك احدن يالعظـيم ارتـجـيـنا

ان كان تـرحمـنا تـرانـا نـجـينا= وان كـان تـهلكنا فلافـيـه منـجـات

ومـن بعـد هاذي نـشتكيلك ونرجيك = انـت الـمـلك واحـنابـحكمك مماليك

نـومـن بـذالـك دون ريبً وتشكيك = ولانـعبـد الـطـاغوت وابليس والات

نطلبك وسميٍ علــى نجـد همـال = مـاعـاد يـبـقـا واديٍ فيــه مـاسال

سيله يذكر من علـى كـل مـدهـال= تـناقلـونـه بـينـهـم بـالبـشـارات

وسيلـه يسـيل للـعرب كـل ديـرة = يـعــم الــوطــن وديــار شـــبـه الــــجزيرة

دار القروم امـكـملـين القصــيرة =مـن فـوق نـجران الى اقصى القريات

من الـشرق حتـى الـغرب مستـم غـيمـه = ســـبــع ليالي والـمـطــــر منـه ديـمـه

ومنه المطر يسقي العروق القديـمه= ويـحـي هميد الارض من بعد مامات

ولاسـحابٍ مـستـتـمً اخـيـالـه = بـرقـه حـقـوق وسـاريٍ بشتعاله

كنه عسـير الـي طـوال اجـبـالـه = حقيـقـتـهٍ يـطــفـي عـن الـكـبـد حـرات

سحايـبـه وبـهـا الطهاء مثل الاذواد = لاجـن مـع الـقبله مع الصبح تنقاد

لجن على حيرانهـن عـنـد مـيـراد = تـسـمع لهن في واسع الخد لاجات

تسمع رعوده في سـحـابـه لهـا لاج = قـصـاف بـرقه يدعي الارض ترتج

لاجا بـودي سـيلـه واركـد الـعـج =اديــارنــا تــصبــح بـعدهــــــا امـريـفـات

في بادي السماك بالـخيـر نـاشـي = نصبه من الماء انـهصـرثم طـاشي

ومن السدا تقول غاشـيـه غـاشـي = ولارغـى درالـبـكـار العريـبـات

ومـن بـعـد سيلة لامضى حـول شـهـريـن = تصــبح اريـاضـه كـنـهـن الـبـسـاتـيـن

شـــيــن يــزيــل الـهــم والـسعــد لـلـعـين = هـذا الـفـرح لـنـفـوسـنـا والـمسـرات

تـلـقـا الـطــيـور يـغــردن زيــن اللـحـان = مـن فـوق غصن ابزاهي الون قد زان

وشـكـل ابـلـون الــورد مـن كـــل الــوان = يضفي على رسم المصور ابلوحـــات

تـلـقـا الـزبـيــدي بـيــنـن مــن بـيـاضــه = يـلـمـع عـلـى الـخـد الـوسـيـعه نياضه

نـجـنـيـه مـاجـا امـصـدر فـــي حـيـاضــه = ا ن اشـهـد لــجـنـيـه مـع الـقـاع لذات

ويـمـا حـلا شــبت امـن الرمـث حـزمه = فـي مـدهـلـن صـابـه امن الوبل رزمه

عـشـبـه تـمـايـل فـوق روضـه وحـزمـه = مـابـايــن كـود الـخـطـوط الـعـزيـرات

يـفـرح بـه الـمسـلـم ويـفـرح بـه الـطـير = ويـفـرح بـهـا راعـى الـنـيـاق المعاشير

ويـفـرح بـه الـي مـرزقـه جـمـت الـبـيـر = يـروي ابـها غرس اغصونه هزيلات

ويـفرح بـه الي امن دهــر صابه الضـيـر = مـن كـثـرة الـتـعـلـيـف شاف المخاسير

مـابـيـن مـنــخــول وبــرســيـم وشـعـيـر = يـقـعـد مـع اهــله مـاشـري فـالتـريـلات

منيت كواشيت الخلا والعـسـاسـه = يـرتـاح قـلبه عقب مادار راسه

ويجلي عن الراس المصدع اعماسـه = عـقب ضجيج العاصمه والدوامات

برفقت رجالٍ من هل الطـيب والكـار = اهل الـكرم والدين مع شبت النار

والدله الي بين هـيـلٍ ومسـمـار = اهـل الـهروج الوافيه والجميلات

ماهمهم فالصـيف روحـه لـغـاديـر = ولاهـم من الشرق المسمى محادير

ولاهم على الغرب المسيحي مصاديـر = بـنـو بـفعل الطيب دور وبنايات

وبين الحصان وبين خشم الـغرابـه = نـبـته يـسلي يـاعرب من مشابه

(رغبه) هـوا قلبي ومرتـع شبابه = يـمـا لـنا فيها من العمر سجات

وبين السباعه والكثير وام الشــــقـوق= فيهــا النـبات الغـض مـن كـل زمــلـوق

ديــرة رجالٍ تحـمي الدار والنوق = حقـايق مـاهيب هرج وحكـايات

يـاما حـموهـا قـبل حكم الجزيرة = يـوم انـهـا قـوم وخـيل امغيرة

وكـم قـصةٍ تـبقا مع الناس سيرة = عـندي علـى ذلـك براهين واثبات

هـذا الـكـلام الـي يقـول العريـني = كـلام حـق ونـابـع مـن كـنيني

متخـيرٍ مـن جــزلـهـا والسميني = يـعـجـب رجالٍ ينطحون المهمات

ويـناس تـرا الـي مـانـع الغيث عنا = مـنـع الـزكـاوي والرباء في وطنا

وتقـلـيدنا الـكفـار راحـت اشـيمنا =اهـل الـعـلوم الخايـبه والخبيثات

وينـاس تـوبـو لـربكم وارجـعوله = بـزيـن العمل وادعو امن الله قبوله

من قبل ما يومٍ تسـكـر اقـفولـه = رفــع الكتاب وطـويٍ السـجلات

ويـالله يـالله لاتـخـيـب رجــانـا = ابـرحـمـتـك يـاربنـا مـلـتجانا

يـاربـنـا الـرحـمـن تـقبل دعانا = يـاخـالـق سـبع الثراء والمجرات

واختـامـهـا صـلوا وهو خـير ماقول = عـلـى الـذي للخلق مبعث ومرسول

نبيـنا الـشـفـاع في سـاعة الهول = عـد الـحـجـيج وعـد مانزل ايات

مع تحيات

الشاعر

عبدالعزيز ال حمد

[ابن شارخ]

كفو يابوسعود

الله يصبحك بالخير
حياك الله من مشيت لين لفيت في مكانك ومحلك وبين اخوانك وربعك
سجل اعجابي بهالقصيدة الرائعه ، رسمت لنا لوحة في منتها الجمال
وانا اسميها (( الوافيه ))
لانك بديتها بذكر الله ودعاء استسقاء ودخلت في الموضوع الشيق
وعيشتنا في جو ربيعي وختمتها بالتذكير والوعيد والنصيحه

والله انها قصيدة لا تكفيها القراءة مرة واحدة

الله يجعلها في ميزان اعمالك

تقبل تحياتي

اخوك

ابن شارخ

[al-nashmi]

ياهلا فيك يا بو سعود بين ربعك واخوانك وهذي والله الساعه المباركه اللي انضميت فيها الى مكشات.

وصح لسانك على هالقصيده اللي سماها اخونا ابن شارخ (الوافبه) وفعلا هي وافيه وجت من رجل وافي مثلك

وتقبل تحيات اخوك

النشمي

[تالي الاولين*]

.


حياك الله بيننا يابو سعود

وهذي الساعة المباركة

وسلمت يمينك على هالقصيدة الجزلة


اخوك/ تالي الاولين

.

[السبيعي]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الله لايهينك يابن شارخ وانا تشرفت بمرورك والله لايهينك على الاطراء
وتسجيل الاعجاب والله يعيني واجيب الي يرظيكم
ودمت بخيير وعافيه
وتقبل تحياتي

[/poet]

[السبيعي]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الله لايهينك والوافي انت وابن شارخ
والي شرواك وبيض الله وجهك
واشكرك على المرورو وتسجيل
الاعجاب
وبيض الله وجهك
ولاهنت
[/poet]

[السبيعي]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الله واكبر ياتالي الاولين
والله انك على هلمطيه تذكرنا
بالاولين بحق ههههههههه
ماودك تعطيني دورة
الله لايهينك ياتالي الاولين
ولاهنت وبيض الله وجهك
وتقبل تحياتي
[/poet]

[شَعَّـاااال]

.....................

[شَعَّـاااال]

الترحيب موصول أيضا من برد الحمـــــاد


الى الاخ عبد العزيز السبيعي وحياك الله .


ونقول صح لسانك قصيده رائعه

[ابو عـوض]

صحححححححح لساااااااانك


ويالله انك تحييه

[معقد الشوش]

ياهلا وغلا بأبو سعود راعي رغبه ...

والقصيده مالي عليها أي تعليق

تصدق عاد أني غبطتك عليها وشهادة حق مع أنك غني عن شهادتي

أنك شااااااااااااعر منت بحر لا محيط ...

تسلم وصح لسانك ياحكيم ومن القصيده تعرف مكنون عقل شاعرها !!

[السبيعي]

[poet font="Simplified Arabic,4,orange,normal,normal" bkcolor="blue" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=orange,direction=135)"]
اول شي اقول الله يجزاك خير على تذكيرنا
بالله وهذه الكلمات الخفيفه على الاسان
الثقيله في الميزان جزاك الله خير
واقول بعد ذلك انا اسف على التاخر
في الرد حقيقه لبعض الظروف
لكن مثلكم يعذر وكذلك
اشكرك من قلبي على
مرورك وتسجيل اعجابك ومرورك شرف لي
يالطيب وبيض الله وجهك وصح بدنك يالغالي
وتقبل تحياتي
[/poet]

[هبوب]

شكلي بروح انا وياك نصيد دخل باقي اسبوع

[السبيعي]

[poet font="Simplified Arabic,4,orange,bold,normal" bkcolor="blue" bkimage="" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=blue,offx=4,offy=4) shadow(color=orange,direction=135)"]
صح بدنك يابو عوض ومن قال يحيا
ومرورك شرف كبير لي
الله لايهينك على مرورك وتعليقك على هذه
القصيده المتواضعه
بيض الله وجهك
وتقبل تحياتي
وتقديري
[/poet]

[المولع]

الله يعافيك اخوي على المشاركة