((قصيدة الوسمي ))

[السبيعي]

صح لسانك

أخوي ارجو مزيد من التقدم


مع السلااااااااااااااااااااااااامة

صح بدنك يابو مناحي ولاهنت

[عاشق]

انشهد انك جبته على كيف كيفي ... ولا ضني بيكتب على القيفان فيفي
شاعر حكيمن ولا يلحك زيفــــي ... ذي طـروقن يا السبيعي مخـــــلات

[أبن فليج]

أبو سعود صح لسانك وانت علم من أعلام الشعر ولاهي غريبه عليك القصائد

القويه وأهني منتديات مكشات بوجودك بينهم والله يحفظك

[أم عبدالرحمن]

صح لسانك وماشاء الله عليك

سمـيـت بـسـم الله عظـيـم الجـلالـي

رب الفـلـك محـيـي العـظـام البـوالـي

انتبه للاخطاء الاملائية

ماقرأتها كلها ترى لي عودة

[نجام]

لاهنت يالسبيعي وافي

[السبيعي]

صح لسانك الله لا يهينك

صح بدنك ولاهنت يالنشمي
والله يبيض وجهك على مرورك

[(الهدد)]

الله يعطيك العافيه اخوي ( السبيعي )

[السبيعي]

صـــــــح لسانك شاعرنا المبدع أبو سعود

ولاهانت يمناك

هلا والله يابنت ديرتنا وصح بدنك اختي الكريمة
وشرفني مرورك واسعدني تواجدك هنا
تحياتي وتقديري لك

[مداوي]

صح لسانك ماقصرت
يعطيك ربي الف عافيه

[السبيعي]

القصيدة بعد تعديل بعض الاخطاء الاملائية

](((بسم الله الرحمن الرحيم)))

هذه القصيده اسميتها قصيدة الوسمي وحيث ان الوسمي قد دخل وقته
فقد رايت ان انزل هذه القصيده في المنتدى وارجو ان تكون
في موازين اعمالي وكذلك ارجو منكم اخواني الدعاء ان ينزل الله علينا الغيث
وان لايجعلنا من القانطين وكذلك هذه القصيده نزلتها لطلب بعض الاخوه
مني انزالها في المنتدى وذلك على ماوردني عن طريق البريد الخاص والبريد الاكتروني
حيث ان هذه القصيده قد سجلت في الكثير من الاشرطه وقد قمت بأيرادها
عن طريق اجهزة البث الاسلاكي ((الكنود)) ولقد قمت بإلقاها في برنامج
الخيمة الشعبية مع الراوية ابن شرهان عند استضافتي في احد الحلقات
وهيا مشهوره في المناطق المحيطه بنا وهي موجودة في شريط اسمه ((عناق القبائل))
سوف يصدر في الايام القادمة ان شاء الله بعد شهر رمضان هذه السنة 1426

وكذلك لمحاولت بعض ضعاف النفوس نسبتها الى انفسهم .
رايت من الفائده
ايردها في هذا المنتدى ارجو من الله ان يستجيب مادعونا وارجو ان تنال على رضاكم واستحسانكم .
اخوكم عبدالعزيز ال حمد العريني

سميت بسم الله عضيم الجـلالـــي = رب الفلـك محيـي العظـام الـبوالي
الواحد المعبـود منـش الخيـالـي = عـلام كـل الـغيب والي لنا فــات


سامع دبيب النمل في ظلمـة الليـل = رب الـفـلك ورب طــه وجــبـريل
نرجيك باسمك والدعـى والتـباهـيل = نشكي عليك ولاعـلى الـناس مشكات


ياخالق خلقه ومحـصـي عـددهـا = ويامحصيٍ اشعـوبـهـا مـع بـددهـا
وبمحكم التنزيل عنـده وعـدهــا = لهل الكفر نار وهـل الخـير جـنـات


انت الذي امرك مـن الكاف والـنون =ومجرى السفن فالبحر ومدبـر الـكـون
وعالم خفايا النفس وماكان مـكنـون = ابرحمتك مـجـزل عـليـنا الـعطيات


ويامحصـى أيـامـهـا والـثوانـي = بك نستعيتن وحيـثك الـمـستـعانـي
ونشكي عليك اظروف هذا الزمـانـي = وقتً كثر فيـه الـفتـن والمــلذات

بسمـك الاهـي يالعـظـيم الـتجينا = ولاغـيرك احدن يالعظـيم ارتـجـيـنا
ان كان تـرحمـنا تـرانـا نـجـينا= وان كـان تـهلكنا فلافـيـه منـجـات


ومـن بعـد هاذي نـشتكيلك ونرجيك = انـت الـمـلك واحـنابـحكمك مماليك
نـومـن بـذالـك دون ريبً وتشكيك = ولانـعبـد الـطـاغوت وابليس والات


نطلبك وسميٍ علــى نجـد همـال = مـاعـاد يـبـقـا واديٍ فيــه مـاسال
سيله يذكر من علـى كـل مـدهـال= تـناقلـونـه بـينـهـم بـالبـشـارات

وسيلـه يسـيل للـعرب كـل ديـرة = يـعــم الــوطــن وديــار شـــبـه الــــجزيرة
دار القروم امـكـملـين القصــيرة =مـن فـوق نـجران الى اقصى القريات

من الـشرق حتـى الـغرب مستـم غـيمـه = ســـبــع ليالي والـمـطــــر منـه ديـمـه
ومنه المطر يسقي العروق القديـمه= ويـحـي هميد الارض من بعد مامات


ولاسـحابٍ مـستـتـمً اخـيـالـه = بـرقـه حـقـوق وسـاريٍ بشتعاله
كنه عسـير الـي طـوال اجـبـالـه = حقيـقـتـهٍ يـطــفـي عـن الـكـبـد حـرات


سحايـبـه وبـهـا الطهى مثل الاذواد = لاجـن مـع الـقبله مع الصبح تنقاد
لجن على حيرانهـن عـنـد مـيـراد = تـسـمع لهن في واسع الخد لاجات


تسمع رعوده في سـحـابـه لهـا لاج = قـصـاف بـرقه يدعي الارض ترتج
لاجا بـودي سـيلـه واركـد الـعـج =اديــارنــا تــصبــح بـعدهــــــا امـريـفـات


في بادي السماك بالـخيـر نـاشـي = نصبه من الماء انـهصـرثم طـاشي
ومن السدا تقول غاشـيـه غـاشـي = ولارغـى درالـبـكـار العريـبـات


ومـن بـعـد سيلة لامضى حـول شـهـريـن = تصــبح اريـاضـه كـنـهـن الـبـسـاتـيـن
شـــيــن يــزيــل الـهــم والـسعــد لـلـعـين = هـذا الـفـرح لـنـفـوسـنـا والـمسـرات

تـلـقـا الـطــيـور يـغــردن زيــن اللـحـان = مـن فـوق غصن ابزاهي الون قد زان
وشـكـل ابـلـون الــورد مـن كـــل الــوان = يضفي على رسم المصور ابلوحـــات


تـلـقـا الـزبـيــدي بـيــنـن مــن بـيـاضــه = يـلـمـع عـلـى الـخـد الـوسـيـعه نياضه
نـجـنـيـه مـاجـا امـصـدر فـــي حـيـاضــه = ا ن اشـهـد لــجـنـيـه مـع الـقـاع لذات


ويـمـا حـلا شــبت مـن الرمـث حـزمه = فـي مـدهـلـن صـابـه امن الوبل رزمه
عـشـبـه تـمـايـل فـوق روضـه وحـزمـه = مـابـايــن كـود الـخـطـوط الـعـزيـرات


يـفـرح بـه الـمسـلـم ويـفـرح بـه الـطـير = ويـفـرح بـهـا راعـى الـنـيـاق المعاشير
ويـفـرح بـه الـي مـرزقـه جـمـت الـبـيـر = يـروي ابـها غرس اغصونه هزيلات


ويـفرح بـه الي امن دهــر صابه الضـيـر = مـن كـثـرة الـتـعـلـيـف شاف المخاسير
مـابـيـن مـنــخــول وبــرســيـم وشـعـيـر = يـقـعـد مـع اهــله مـاشـري فـالتـريـلات


منيت كواشيت الخلا والعـسـاسـه = يـرتـاح قـلبه عقب ما دار راسه
ويجلي عن الراس المصدع اعماسـه = عـقب ضجيج العاصمه والدوامات


برفقت رجالٍ من هل الطـيب والكـار = اهل الـكرم والدين مع شبت النار
والدله الي بين هـيـلٍ ومسـمـار = اهـل الـهروج الوافيه والجميلات


ماهمهم فالصـيف روحـه لـغـاديـر = ولاهـم من الشرق المسمى محادير
ولاهم على الغرب المسيحي مصاديـر = بـنـو بـفعل الطيب دور وبنايات


وبين الحصان وبين خشم الـغرابـه = نـبـته يـسلي يـاعرب من مشابه
(رغبه) هـوا قلبي ومرتـع شبابه = يـمـا لـنا فيها من العمر سجات


وبين السباعه والكثير وام الشــــقـوق= فيهــا النـبات الغـض مـن كـل زمــلـوق
ديــرة رجالٍ تحـمي الدار والنوق = حقـايق مـاهيب هروج وحكـايات


يـاما حـموهـا قـبل حكم الجزيرة = يـوم انـهـا قـوم وخـيل امغيرة
وكـم قـصةٍ تـبقا مع الناس سيرة = عـندي علـى ذلـك براهين واثبات


هـذا الـكـلام الـي يقـول العريـني = كـلام حـق ونـابـع مـن كـنيني
متخـيرٍ مـن جــزلـهـا والسميني = يـعـجـب رجالٍ ينطحون المهمات


ويـناس تـرا الـي مـانـع الغيث عنى = مـنـع الـزكـاوي والرباء في وطنى
وتقـلـيدنا الـكفـار راحـت اشـيمنى =اهـل الـعـلوم الخايـبه والخبيثات


وينـاس تـوبـو لـربكم وارجـعوله = بـزيـن العمل وادعو امن الله قبوله
من قبل ما يومٍ تسـكـر اقـفولـه = رفــع الكتاب وطـويٍ السـجلات


ويـالله يـالله لاتـخـيـب رجــانـا = ابـرحـمـتـك يـاربنـا مـلـتجانا
يـاربـنـا الـرحـمـن تـقبل دعانا = يـاخـالـق سـبع الثراء والمجرات


واختـامـهـا صـلوا وهو خـير ماقول = عـلـى الـذي للخلق مبعث ومرسول
نبيـنا الـشـفـاع في سـاعة الهول = عـد الـحـجـيج وعـد مانزل ايات

مع تحيات

الشاعر
عبدالعزيز ال حمد

الرفع لعدم التنسيق في الصفحة الاولى

[الضارم]

ياسلام عليك يالسبيعي شاعررررررررر كبير وجزل
صح لسانك مليون ولا تكفي

[الضارم]

ياسلام عليك يالسبيعي شاعررررررررر كبير وجزل
صح لسانك مليون ولا تكفي ,وجبتها على الكيف

[السبيعي]

ماشاء الله

جزاك الله خير ام عبدالرحمن وشرفني مرورك

[rjrenjian]

Approves one ! Just passing throughaaa travel-----------------------------------------------------------------------------------------------------------------------------------------replica handbagsreplica handbagboto pink dolphin

[السبيعي]

صح لسانك وسلمت يمناك

لاهنت بعد حيي

صح بدنك دحوم وسلم راسك وياهلا بك والله اسعدني مرورك