ماهـــــو افضـــــــــــــــل رز جـــــــربته

[الربع222]

احسن رز بالعالم جرب هو( بابطين باخيل) لكن وين تلقاه اخوكم الربع222

[السايس]

اقول عاد الرز هو:

اركوما وبس

بعده انسى اي رز

السبب انه كل حبه لحالها مهما غلطت بكمية الماء بس بالشئ المعقول.

التوقيع

تصور الحياه بدون رز

[برعوص]

هناك رز أبو سيوف أمريكي ( بس ما يوجد إلا في الغربية ) مكة والدينة
على اللحم الطازج شئ

وهناك رز بنجابي المهيدب

[واحد من البشر]

بالنشبة لي رز الوليمة جيد مرة
والبشاور رز خان تلقاه في بنده

[فوق الطعس]

مع العافية كل شي زيييين
وكل واحد له ذوقه

كل ما تشتهي ، والبس ما يبي الناس

[العاشق 2010]

احسن رز بعتقادي انة ارز بسمتي

[اهلا وسهلا]

اف أفضل رز عندي أبو كاس ثم الشعلان



ورز أبو بنت بس يكون كبسة مقلوبة

[roog]

احسن رز رزنا حلووووووو

[مشار حايل]

الغريبة ما حد جاب طاري لرز ( راوي ) العنبر الأبيض الخفيف على المعدة !!!!!!!

وهو مثل أبوشماغ بس يبي ماء أكثر وزيت عشان يتفلفل

[ابو تـركـي]

بالنسبه لي :

1 / رز ابو كاس .

2 / رز ابو خروف ** بشاور ** .

تقبلوا تحياتي / ابـــــو تـــــركــــــي

[ابرق الشيوخ]

احسن رز جربته ويصلح للطلعات وروحات البر

اعتقد مافيه زي باب الخير

سهل التحضير ولا فتشت غطى القدر ونت بساموده يشمه اللي برفحاء

عنبر على كيف كيفك يتلوى وينتفش يغدي تقل شعريه
بس اعلمك انقعه بمويه فاتره لاهي حاره ولاهي بارد لمدة 10 دقايق
ولا تكثر الماء عليه يعني اكلي شوفه من وراء المويه

وجرب وراح تدعي لي
ولك تحياتي

[نبوت سيف]

بيض الله وجيهكم كلكم وبيض الله وجه من فتح هالمويضيع الزوين

بصراحة انا جربت انواع واجد من الرز وعلى فكرة تراني راعي صنف في الذوق والطبخ و ما لقيت احسن من باب الهند بالنسبة للعنبر ولا احسن من الوليمة بالنسبة للمزة .. طبعا باب الهند ما يجي مثل البشاوري الأول او مثل نكهة التمن ولكنه قريب لهم وتراه على فكرة مخلوط .. لين غمطت لك ملي يدك رز ني وناظرت فيه زين شفت انه مخلوط بنوعين .. نوع ابيض فاتح والثاني ابيض حليبي وطبعا الفاتح ارد في السعر.

اتمنى من الأخوان في الرياض ولا عليهم امر يوصفون لنا محلات تبيع رز التمن والرز الحساوي ونكون شاكرين بارك الله فيهم

الشكر موصول لكل من شارك في هالموضوع الزوين.. تحياتي يالرجاجيل

[نبوت سيف]

احسن رز جربته ويصلح للطلعات وروحات البر

اعتقد مافيه زي باب الخير

سهل التحضير ولا فتشت غطى القدر ونت بساموده يشمه اللي برفحاء

عنبر على كيف كيفك يتلوى وينتفش يغدي تقل شعريه
بس اعلمك انقعه بمويه فاتره لاهي حاره ولاهي بارد لمدة 10 دقايق
ولا تكثر الماء عليه يعني اكلي شوفه من وراء المويه

وجرب وراح تدعي لي
ولك تحياتي

عقب وصفك هذا والله ما اتعشى اليوم إلا على باب الخير عساني القاه ولا يحنث حلفي

[الرهدن]

الله لايغير علينا ياجماعة الخير00

لكن تصوروا لو إنقطع الرز والشاي وش يبي يصير

.

[نبوت سيف]

الغالي ابرق الشيوخ .. يا جعل والدي ووالديك في الجنة .. اخذت لي قطيمة ام عشرة كيلو من رز باب الخير .. والرز طيب وكل النعم طيبة الله يديمها .. بس بصراحة ما يوصل إلى مستوى الوليمة

انا فهمت ما ادري من كلامك او من كلام بعض الأخوة ان باب الخير ارز عنبر وهذا غير صحيح .. هو في الحقيقة ارز مزة


انا ناوي ان شاء الله اجرب كل الارزاز اللي جربوها الشباب واشوف الأفضل ولكن مازلت مصر ان باب الهند افضل بالنسبة للعنبر والوليمة بالنسبة للمزة

على فكرة يا شباب .. ترى مافيه ارز ثابت .. يعني التجار يشترون مثلا الفين طن من نوع نقول مثلاُ ارز باب الهند .. ولكن الموسم الجاي مايضن الوكيل انه يجيه نفس المحصول .. علشان كذا انس الموضوع ان نوع معين من الأرز يستمر في نكهته لمدة طويلة ..
طبعاً بالنسبة للبشاوري الأصلي والتمن هذا قصة ثانية لان البشاوري ماهو ماركة محددة وكذلك التمن .. يعني هو ارز يتميز بكونه مزروع في منطقة معينة .. بس حبيت اضيف المعلومة هذي علشان لا تقولون وشفي رزنا تغير علينا

يا ليت ياشباب احد يوصف لنا محل يبيع التمن في الرياض