الردية بين ناصر القحطاني و خالد عبد الرحمن

[((الخالدي))]

السلام عليكم

أنا كتبت هذا الموضوع في خيمة المكشاتية المتنوعة لعدم السماح لي الكتابة في خيمة سمر مكشات

نبدأ:
ناصر

سلام و المركب عليـه اثنيـن و الساعـة تـدور
و الموج هادي و الوعد قـدام و الرحلـة ذهـاب
أن غابوا الأجواد ما غابوا من أقفـاص الصـدور
دق الجرس و العلم عجل به بعـد طـول الغيـاب

خالد

يا مرحبا يا صاحبي وأعبـر بنـا سبـع البحـور
علّي أديـر البوصلـة و أنـت الله الله فالذهاب
أنـا سمعـت أنـك تحديـت الذيابـة و النمـور
و العام لك قلب خضر و اليوم مـا كنـك شبـاب

ناصر

الوقت قاسي و الفتى يبقى علـى الشـدة صبـور
و أن ما غدا الرجال ذيب يطيـح بأنيـاب الذيـاب
حتى الصديق الله وكيلك صـار دمـه مـا يفـور
و أنا لقيت الأصدقاء معظمهـم أشبـه بالسـراب

خالد

لا تأمـن الدنيـا و لكـن لا يجـي قلبـك فتـور
أحد يشوف أحلى البنات و لا يجـي فيـه انجـذاب
ما للحباري في القنص يا كـود هـدّات الصقـور
و أن ما كفخ طير الفضا معناته أن الراس شـاب

ناصر

كلش و لا قطع الرجا في الطيبـات مـن العطـور
لكن علـى شـرع الله و سنـة نبيـه و الكتـاب
بيض العذارى عسجديات الجسد ضمـر الخصـور
سود العيون مجـدلات الـروس تلعـات الرقـاب



خالد

بالله قلي مـا بـرى جرحـك بعـد بـدر البـدور
ما عوضوك الفاتنـات الذاهبـة و الجـرح طـاب
كم واحـد لـو مرتـه مزيونـه بعمـر الزهـور
ضاعت علومه و الصواب الله يجيبـك يالصـواب

ناصر

أحد على الدنيا وهو كنـه مـن أصحـاب القبـور
و احد يجي و يروح مع خله وهو تحـت التـراب
ياللي نسيت أن الهوى يبقى علـى مـر العصـور
بنشدك عن برقٍ سرابك و أنت من فوق السحـاب

خالد

معلّمـك يـا صاحبـي بالسالفـة و العلـم نـور
وش بك تقول الشمع ذاب الشمع مـا يمديـه ذاب
و البارق اللي مرني و أنا أدعـي بقلـب شكـور
هذاك خير طاح بأرض الغيـر و الـرب أستجـاب

ناصر

وش بينك و بين المدينة و الشـوارع و القصـور
ما قد شبعت من الخلا الخالي و من روس الهضاب
الناس ما تبطي ولـو راحـت مراويـح الطيـور
ترمي تعبها في البيوت و تستريـح مـن العـذاب

خالد

البر يشرح كل صـدر و يقلـب الضيقـة سـرور
و أنا إلى جيته يمر الوقت ما أحسب لـه حسـاب
يا ما حلا طوي الخبوت و سجة الخاطـر شهـور
ولا معك غير النشامـي اللـي يعـزون الجنـاب




والسلام عليكم

[سلطان العوني]

الله يعطيك العافيه
ما قصرت يالغالي



تحياتي

[ناوي نيه]

يعطيك العافيه

[طلقان7]

يعطيك العافيه

[عاشق خلاوي]

يعطيك العافيه .. وتسلم يمينك ,

[عاشق خلاوي]

بس على فكره كلمات القصيده كامله من الشاعر: ناصر القحطاني...

وشكراااا........

[شامخ ألهيلا]

اي رديه واي محاوره والله انها مهزله من مهازل خالد عبدالرحمن

[قمة الثلبوت]

اي رديه واي محاوره والله انها مهزله من مهازل خالد عبدالرحمن

صدقتك اخي وصار خالد عبدالرحمن ريموت بيد الشاعر ناصر القحطاني ولعب ناصر لعبته لدرجة من خلال الفديوا يقوم خالد من اجل وصول الشاعر ناصر وهي من اعداد ناصر

[((الخالدي))]

مشكورين كلكم الا محيميد 2005وسام9وين المهزلة الى تقلون عنها ةويش الريموت ويش لعب ناصر لعبتة والله أنكم ما تعرفون شي أبد انتم الي تجسلون على الكمبيوتر وتعرفون كل شي بس أقولك البيت هذا من الشاعر منصور البطي:

ماهوب كل من كتب بيتين صار شاعر"""""""""""""""""""""""""" وماهوب كل من طلع في الفضائيات صار فنان



هذا البيت لكم أنتم يا محيميد1000وسام 0

[((( الحر)))]

شكر لك اخي نمر

وهذا بيت القصيده

او بيت القصيد

البر يشرح كل صـدر و يقلـب الضيقـة سـرور

و أنا إلى جيته يمر الوقت ما أحسب لـه حسـاب

[الوافي عزام]

تكفون يارجاجيل ارفعوها لا تطمنوها تحت

الرجال كتب له قصيده لشاعر مع فنان اللي اعجبته رد وشكر الرجال واللي ما اعجبته القصيده والا الشاعر والفنان مادخل مزاجه هذي وجهة نظره ومافيها شي لاكن الجدال الحاد ماله داعي دائما يخرجنا من صلب الموضوع ويخرب علينا

وشكرا

[ozfe]

ماني معكمفي رايكم خالد العبدالرحمن غصب على الكل شاعر وفنان رائع

[maxima20009]

مشكور على الموضوع الذي زي وحهك ياقمر المنتدى ويازينهم كلهم
هههههههههههههه

[ولد الدواسر]

مشكور على الموضوع

[جبل راف]

خالد قبل ان يكون فنان فهو شاعر ولكن عيبه في انه فنان يعزف العود ويغني ولكنه انسان اجودي ومحترم وشهم وراع بل ومقناص وعلمه غانم لكن مشكلته الفن الله يهديه ان شاء الله

اما ناصر القحطاني فهو شاعر ومن الدرجة الاولى

الله يهدي الجميع