الردية بين ناصر القحطاني و خالد عبد الرحمن

[ذيب القوافي]

مشكور على الموضوع

[مغلي الوضح]

السلام عليكم

أنا كتبت هذا الموضوع في خيمة المكشاتية المتنوعة لعدم السماح لي الكتابة في خيمة سمر مكشات

نبدأ:
ناصر

سلام و المركب عليـه اثنيـن و الساعـة تـدور
و الموج هادي و الوعد قـدام و الرحلـة ذهـاب
أن غابوا الأجواد ما غابوا من أقفـاص الصـدور
دق الجرس و العلم عجل به بعـد طـول الغيـاب

خالد

يا مرحبا يا صاحبي وأعبـر بنـا سبـع البحـور
علّي أديـر البوصلـة و أنـت الله الله فالذهاب
أنـا سمعـت أنـك تحديـت الذيابـة و النمـور
و العام لك قلب خضر و اليوم مـا كنـك شبـاب

ناصر

الوقت قاسي و الفتى يبقى علـى الشـدة صبـور
و أن ما غدا الرجال ذيب يطيـح بأنيـاب الذيـاب
حتى الصديق الله وكيلك صـار دمـه مـا يفـور
و أنا لقيت الأصدقاء معظمهـم أشبـه بالسـراب

خالد

لا تأمـن الدنيـا و لكـن لا يجـي قلبـك فتـور
أحد يشوف أحلى البنات و لا يجـي فيـه انجـذاب
ما للحباري في القنص يا كـود هـدّات الصقـور
و أن ما كفخ طير الفضا معناته أن الراس شـاب

ناصر

كلش و لا قطع الرجا في الطيبـات مـن العطـور
لكن علـى شـرع الله و سنـة نبيـه و الكتـاب
بيض العذارى عسجديات الجسد ضمـر الخصـور
سود العيون مجـدلات الـروس تلعـات الرقـاب



خالد

بالله قلي مـا بـرى جرحـك بعـد بـدر البـدور
ما عوضوك الفاتنـات الذاهبـة و الجـرح طـاب
كم واحـد لـو مرتـه مزيونـه بعمـر الزهـور
ضاعت علومه و الصواب الله يجيبـك يالصـواب

ناصر

أحد على الدنيا وهو كنـه مـن أصحـاب القبـور
و احد يجي و يروح مع خله وهو تحـت التـراب
ياللي نسيت أن الهوى يبقى علـى مـر العصـور
بنشدك عن برقٍ سرابك و أنت من فوق السحـاب

خالد

معلّمـك يـا صاحبـي بالسالفـة و العلـم نـور
وش بك تقول الشمع ذاب الشمع مـا يمديـه ذاب
و البارق اللي مرني و أنا أدعـي بقلـب شكـور
هذاك خير طاح بأرض الغيـر و الـرب أستجـاب

ناصر

وش بينك و بين المدينة و الشـوارع و القصـور
ما قد شبعت من الخلا الخالي و من روس الهضاب
الناس ما تبطي ولـو راحـت مراويـح الطيـور
ترمي تعبها في البيوت و تستريـح مـن العـذاب

خالد

البر يشرح كل صـدر و يقلـب الضيقـة سـرور
و أنا إلى جيته يمر الوقت ما أحسب لـه حسـاب
يا ما حلا طوي الخبوت و سجة الخاطـر شهـور
ولا معك غير النشامـي اللـي يعـزون الجنـاب




والسلام عليكم

وعليكم السلام ورحمة الله وبركاته
تسلم اخوي الكريم على هذه القصيدة الجزلة ,
القصيدة كانت رائعة بكل المقاييس >>>
وهذا رابط صوتي للقصيدة

للحفظ من هنا بالزر اليمين وحفظ باسم
http://www.5alid.com/alhwawai423/ardink2.rm


تقبل

تحياتي

مغلي الوضح

[((الخالدي))]

مشكووووووووووووووووور يامغلي الوضاح

بس اذا كان عندك مرئية نزلها على امنتدى

[مصيول]

أحد على الدنيا وهو كنـه مـن أصحـاب القبـور
و احد يجي و يروح مع خله وهو تحـت التـراب
ياللي نسيت أن الهوى يبقى علـى مـر العصـور
بنشدك عن برقٍ سرابك و أنت من فوق السحـاب


ناصر القحطاني

شاعر شاعر شاعر


ومشكووووووور
اخوي يعطيك العافية

[العميد ابواروى]

للحفظ من هنا بالزر اليمين وحفظ باسم
http://www.5alid.com/alhwawai423/ardink2.rm


تقبل

تحياتي

مغلي الوضح[/QUOTE]

الله يهديك ما تدري انه حرام

[فزاااع]

خالد قبل ان يكون فنان فهو شاعر ولكن عيبه في انه فنان يعزف العود ويغني ولكنه انسان اجودي ومحترم وشهم وراع بل ومقناص وعلمه غانم لكن مشكلته الفن الله يهديه ان شاء الله

اما ناصر القحطاني فهو شاعر ومن الدرجة الاولى

الله يهدي الجميع

كلام منطقي وجميل منك اخوي عبدالله الحربي ونا بعد اقول مثلك الله يهديه

[ديباج الصبار]

احبتي الرديه روعه ولكن خذوها مني والا اتركوها هالرديه من ابداع الشاعر القحطاني وخالد ماكتب فيها حرف مجرد يلحن ويرد والا وش معنى هو اللي يلحنها وترى خالد وغيره مثل الوافي والمليحي وحتى بعض الاسماء المشهوره تشتري القصايد كانهم اذا ماصاروا شعراء مالهم قيمه ياسبحان الله هذا اذا سمي مايقال هالايام شعر

وهنا ابقول لخالد عبد الرحمن الله يهديه الشمع ذايب من مبطي ياولدم عبدالرحمن ادم

لكم تحياتي

[abodhem]

مشكور يـ((الخالدي))
قصيدة جميلة فيها من الحكم

الوقت قاسي والفتى يبقى علـى الشـدة صبـور=وأن ماغدا الرجال ذيب يطيـح بأنيـاب الذيـاب

حتى الصديق الله وكيلك صـار دمـه مـا يفـور=وأنا لقيت الأصدقاء معظمهـم أشبـه بالسـراب

[باترول للأبد]

يعطيك العافية أخوي على القصيدة الحلوة

وخالد عبدالرحمن فناني المفضل وما اسمع غيرة

وصراحة أبدع في الردية هو وناصر القحطاني

وخالد غنى الردية بشكلين لأجل ارضاء أذواق الناس

وصحيح أنا اسمع خالد بس اتمنى له الهداية لأني أحبة محبة أخوية

[بحار99]

مشكور اخوي على المشاركة الرائعة والى الامام