<عاشق الصمان> أنسرررررق الفزعة

[<عاشق الصمان>]

	السلام عليكم ورحمة الله وبركاتة... اليوم أنسرقت الأستراحة بما فيها السلق أنسرق ذيخين سود وذيخ أبيض وسلقة بيضه.... ألي يبشرنا بهن له البشارة. راح أنزل الصور بأقرب وقت ((( نبي الفزعة )))

[القـــناص]

حسـبي الله ونعم الوكيل

اخوي : عاشق الصمان

ان شاء الله تلقا كل المسروق...

وانا الاحظ ان هذي الايام كاثره السرقات...

فأتمنى من اخواني في مكشات التنبه للسلق اللي عندهم...

ولاكن يااخوي :عاشق الصمان ياليت توضح من اي ديره انسرقن ...

[سندهم]

الله يخلف عليك يعاشق الصمان


اللي سرق السلق اكيد عارفهن وشرط له علاقه معك وكد شاف صيدهن


والله أعلم

[<عاشق الصمان>]

	مشكور أخوي القناص على سرعة الرد. أنا من الدمام والسرقة صارت في حي الفيصلية. ------------------------------ ابو سند يعطيك العافية على سرعة الرد. الله أعلم ماودك الواحد يسؤ الضن.

[عزوتي ياسلقي]

لا حول ولاقوه الا بالله العلي العظيم
ياأخوان ماتلاحضوون السرقـات كل مالها تـزيد؟؟
بس شنو سببها ؟؟؟ هنا مربط الفرس
____________________
أخوي عاشق انت رجال وابشر باللي تبيه ان الله اراد بتلقاها
والله يعقلها لك
لكن انا توقعي على قوله اخوي ابو سند
الظاهر ولا اسوء الضن ولا احدد احد بعينه
انه لاشخاص من ربعك
يعني بالعربي أخويـاك
او من طرفهم
وهم يعرفون طلوعك من الاستراحه ووجودك فيها
ونفذو السرقه
هذا توقع خاص مني
والله العالم

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تقبل مروري
عزوتي ياسلقي

[سلطان العوني]

اخوي ابو جراح
لا حول ولا قوة الا بالله
الله يكسر يد من خذاها
وابشر ان جانا علم عنها بالرياض منا ولا منا ما لك هم >>>>>> هي اللي شفناها ذاك الليل
وابشر بالعوض يا ابو جراح

[<عاشق الصمان>]

	يعطيك العافية أخوي ( عزوتي ياسلقي ) ماأضن لإن السرقة بالدمام هاذي الأيام بالهبل الله يستر. -------------------------------- هلابك أخوي سلطان العوني. آمين ورجوله بعد -ماقصرت والي أنسرقوا بنزل لهم صور قريب . -------------------------------- مشكورين على المرور

.

[طيرشلوئ]

الله يعقلهم ويرد الحلال الرعيه وصدقني الي سارقهم ماراح يتوفق فيهم

وانا ان شاء الله راح ابلغ كل اهل السلق الي فيهم خير وماراح يقصرون

[ولد ال زايد]

حسبي الله ونعم الوكيل
إن شاء الله بتلقاها
وبالنسبه لسوق الحمام عندي محلات هناك واول ماتجي سلق في السوق بأحجرها واكلمك بس ارسل رقمك

[عروق الدهنا]

ابوجراح
والله يوم جان الخبر كن سلقي هن المسروقات
لكن ابشر باللي يبي يدور بكل جخر
وازهل كل شي وانا اخوك


والسلام ختام

[ابوالجازي]

السلام عليكم
الله يعقلهن عليكم
وحسبنا الله ونعم الوكيل على السارق ان لم يردها

[BeLoveLy]

السلام عليكم و رحمة الله و بركاته ,,,,
اخوي ابو جراح لا تضيق صدرك و انا اخوك ترا راس مالها كلاب الله يعز من عندي ,,,
و ابشر بالعوض و انا اخوك ,,,
و مال الحلال ما يضيغ ,,,,
و ياليت تنزل صورهم عشان الي بيشوفهم يعرفهم ,,, مع ان الي سارقهم مو مخلي احد يشوفهم انا عارف هذا الشي بس ما تدري يمكن الي سرقهم يطلع واحد غبي شوي
على العموم ابشر بالعوض و انا جيت شفت المكان اليوم العصر كنت متوقع اول ما جاني الخبر انهم طامرات من السور بس يوم وصلني خبر عن الاغراض الثانيه المسروقه قلت هذي فعلت فاعل,,, و انا اخوك متى ما بغيت تقنص ولا شي ترا ما عندنا الا حلالك و انا راعي النيسان الاسود راعي الجير على العموم ترا ما يحتاج يا بو جراح بدون كلام و انا اخوك تامر على الروح ولا تضيق صدرك ابد متى ما بغيت رح مكانا هناك و تنق الي تبي و الله يعقلهم انشاء الله

و الشباب هنا انشاء الله ما راح يقصرون بس حبيت اذكرك لا تنسى تنزل الصور

[عاشق الريان]

الواحد ما يقول إلا الله يعينك .... او ترى عندنا في قطر او عندكم خير من السرقات اللي ما يقوم بها إلا واحد ما ينعد رجال

[عبدالرحمن السالم]

تدري وش الغلط ان الواحد يطلع السلق من الاستراحه قدام الناس وكلن يشوفه وحتى لو يرجع
صح ان ماهو ملزوم الواحد انه يدخل ويطلع بالخفيه عشان كلاب اعزك الله بس ولو عشان ياخذ الحذر
وينتبه لحلاله .. والله يعوضك ان شاء الله

[سعدون جابر]

	حسبي الله ونعم الوكيل ,,, // .. .. الله يعيننا وإياكم على رديين الأنفس ,, (( )) يعقلهن الله يالخوي .