كيف تتعلم السباحة

[تالي الاولين*]

.


موضوع بسيط ومهم في نفس الوقت

كيف تعلمت او تتعلم السباحة:

البعض يرى ان تعلم السباحة يكون تحت اشراف خبراء من حاملي شهادات تعليم السباحة.

والبعض الاخر يرى ان تعلم السباحة مايجي الى بالعباطة زي ماتعلم اغلبنا مطافش على عماها الى ان تتعلم تسبح


وانتم وش رايكم عن كيفية تعلم السباحة


ودمتم سالمين
تالي الاولين


.

[القماري]

إذا كنت مبتدىء (يعني معلوماتك صفر ) فالأفضل التعليم بالمشاهدة مع أحد العارفين بالسباحة إذا لم تتمكن من وجود مدرب ويفضل أن تبدأ في برك سباحة ليست عميقة . البحر السباحة فيه أصعب نظرا لملوحة المياه والأمواج والريح وعمق البحر وقد تكون هناك رهبة أو خوف من البحر أو من الأسماك الخطرة .
بحر هافمون لا يصلح للتدريب على السباحة ولا يصلح للمبتدئين ( فيه عمق مفاجىء - ووجود قنديل البحر يسبب حساسية أحيانا والماء فيه مالح أكثر من غيره مع وجزد الكثير من المرتادين ) جرب الجبيل الصناعية أو بعض من مناطق كورنيش الخبر أو الدمام (إذا كنت قريب من الشرقية ) وبالتوفيق

[تالي الاولين*]

.


انا تعلمت السباحة في بركة مغربة وبعدها ترقيت الى قليب والان معي شهاده من

الشايب بأني مؤهل لسباحة في جميع قلبان مزرعتنا والشعبان المجاوره وفي البحار والمحيطات

والانهار الى قريبة من مزرعتنا



حياك الله اخوي القماري

استشف من كلامك ان تعلم السباحة يجب انها تصير على

يد مدربين .



.

[راعي النحل]

تالي الاوليين وش لك بالتعب والتطفيش
عليك بدورة سباحه علي يد مختصين احسن لك
علشان ماتروح لقاع الحوض مثل اللى انا خابره
اخذ تدريب شهر... وفك حالك.

[تالي الاولين*]

.


هلا براعي النحل

حياك الله

انا اعرف اسبح بس اتكلم عن الموضوع للعموم

والله يفكنا من قيعان الاحواض


وانت مثل ما ذكرت تأيد ان الواحد يتعلم على يد مدربين

اشكرك على المشاركة



.

[شبوب]

السلام عليكم ورحمة الله وبركاته
من يوم اني زغينون ونا عندي عقده من السباحه وهي.....ماعرف اسبح الا وراسي تحت يعني بالعربي الفصيح اذا بغية اخذ نفس وطلعة راسي مثل الناس اغرق على طول. على فكره معي هالعقده الى الحين. ابغا الخبراء يحلون هالعقده الي عندي.

[تالي الاولين*]

.


هلا بشبوب

الله يعينك على مشكلتك

وياليت احد من الشباب يفيدك في حلها عن نفسي ماني راعي خبرة


تحياتي

.

[الفضلي]

صباح الخير ياتالي الأولين
عزالله أن موضوعك مهم جداٌ وبالنسبة لتعليم السباحة أول شي لازم الي بيسبح يكون قلبه قوي مايخاف من الماء بس ما يغامر علشان يقدر يتغلب على الأشياء الثانية وأحسن يسبح في مكان ما يكون عميق وإنشاء الله بيكون سباح

[كحيـــــــلان]

هههههههه أجل تسبح بالنهر اللي عند مزرعتكم ياتالي الأولين.
شبوب: أظنك اننت تطبق سباحة الفراشة

أما أنا فصراحة ماذكر كيف تعلمت السباحة، لكن اهم شي يكون الواحد مايخاف من الماء ولا يتهور، ترى الدعوه حبه حبه.

اي واحد يبي يتعلم السباحة يجيب له جكيت أو طفاحة ويتعلم عليها علشان ياخذ على المويه وعلى الحركة. وبعدين ينسمها شوي شوي.و لابد من وجود شخص يعرف يسبح معه بحيث يوجهه ويكون موجود لاسمح الله صار شي.

[آل مهنا]

تعليم السباحه من وجهة نظري انه يجي اسهل مع الشباب ... انا شخصيا تعلمت السباحه في البحر من الصغر كنا نطلع تقريبا في الاسبوع مرتين وكلنا عليمي والحمد لله تعلمنا.

في الجامعه اخذت لي كورس (دورة) سباحه والله ياشباب ما استفدت كثير والشباب الي معي كانو مايسبحون ما شفت احد منهم تعلم.... اعتقد اذا تبغى مختص لزوم يكون واحد جيد و مخلص مو زي الي علمنا.

عندي حادثتين من الحوادث الطريفه الي اذكرها عن السباحه:
الاولي :
مع اخوي الي اصغر مني.... كنت وقتها في الصف الثالث متوسط على ما اذكر... واخوي هذا في خامس ابتدائي. بلشني كل ماطلعت البحر متولجني والا اعلمه. والولد جرئ في كل شي بس البحر متعقد منه.

المهم اخذت لي من على الشاطي عود سقف من الي يسقفون به البيوت الشعبيه زمان. اخوي كان يستعمله عشان يطفوا به لين اخذته للمنطقه العميقه في البحر, بعدين سرت ادف العود شوي عنه واخليه يلحقه. بعد عدة محاولات ناجحه له صدقت نفسي ودفيت العمود لمسافه بعيده جدا. الولد يسبح وراه لكن حيله انقطع وشوي الا هو نازل للقاع وبستر الله سبحانه وتعالى وخف وزنه قدرت الحقه واطلعه من البحر. طبعا ما تبت وكررت نفس الحركه معه لفتره حتى قدر يعتمد على حاله ويسبح.

اخوي هذا الحين يسبح و ينسب لي الفضل في تعليمه بعد توفيق الله سبحانه وتعالى ودايم يذكر الحادثه ونضحك عليها كثير. المشكله انه وده يرد لي الجميل ويعلم عيالي ( )

الحادثه الثانيه:
سارت لي وانا في الصف الثاني ثانوي.... واحد من اخوياي ماشاءالله عليه من اهل القرى جثه وعافيه بس ما يعرف يسبح بالمره. المهم المنطقه الي نسبح فيها حاطين على مسافه بعيده شوي براميل (عمق 3 متر) رحت انا لعند البرميل وقالي انه يبغى يوصل عندي ويوقف على البرميل. انا حذرته لاني اعرف نفسى ماعندي قدره اطلع واحد مثله. المهم انه ما سمع الكلام ونزل يخابط في البحر. الا شوي ضيع مكان البرميل وتعداه مدري ارتبك ونزل تحت. والله مصيبه (كنت وقتها نحيل بشكل مو معقول والرجال ماشاء الله متعافي) وحس بالموت. المهم قلت في نفسى لو قربت منه بيشبط في ونروح كلنا ملح. الفكره الي جاتني اني اجيله من خلف وادفه بدون ما يحس بي والشاطئ مو بعيد. نزلت ومسكته من رجوله ورفعته فوق شوي لين قدر يأخذ نفس يوم حس بالحياه رفسني برجوله على كتوفي(ربي سلم الوجه والرأس) وبقوة الدفع هذي قدر يكمل ويطلع للشاطي. وانا وصلت للقاع طيب وماني طيب وبيسر الله قدرت اطلع واخرج من البحر.

احذروا البحر ياشباب والله ان اكثر الي يغرقون فيه هم السباحين.... وعلى قولهم البحر غدار.
مع خالص تحياتي.

[تالي الاولين*]

.

اخوي الفضلي حياك ربي

واشكرك على ردك

------------------------

هلابك اخوي كحيـــــــلان

شكل منت مصدق انه المحيط جنب مزرعتنا وانه فيه انهر تحد المزرعة وتقطعها

وبصراحة الجكيت الى تقول انه نعمة وانا اشوف انه سهل تعليم السباحة على الصغار خاصة

تحياتي لك
---------------------------

اخوي عنيد حياك الله

شف انا مانصحك تخلي اخوك يعلم عيالك خاصة بطريقتك الى تقول



تحياتي وتقديري للجميع



.

[الهجري]

عندي احد أخوتي الصغار أريد أن أقنعة

لكن يقول عندي مشكلة أني لا أستطيع أن أطفوا فوق الماء

فقلت له بسيطة أعتبر نفسك لووووووح

المشكلة الحقيقية أنه جبان

[غدرني زماني]

السلام عليكم ورحمة الله وبركاته
من يوم اني زغينون ونا عندي عقده من السباحه وهي.....ماعرف اسبح الا وراسي تحت يعني بالعربي الفصيح اذا بغية اخذ نفس وطلعة راسي مثل الناس اغرق على طول. على فكره معي هالعقده الى الحين. ابغا الخبراء يحلون هالعقده الي عندي.

من اي مدينه ياشبوب؟
/
\
/
وافر الود للجميع

[الجماجمي]

اقول لكم معلومة غريبة عني عندي شهادة غوص بس سباحتى مش ولا بد (( تمشي الحال ))

[DRAKOLA]

اخوي الجماجمي ولايهونون الشباب
انا مثلك عندي دورة غوص ادفانس وعلى طول غوص لكن سباحتي بدون زعانف ومعدات ما اقدر اوقف في المويه لكن عندي بعض المبادى اللي نكبني اني لقيت صاله عندهم مدرب سباحة وجيناهم وقالو شهر وانتم دلافين ويوم خذو الفلوس مقدم طبعا صار المدرب يجي بالاسبوع ثلاثه ايام ولااحد تعلم وضاعت فلوسنا انا واللي معي الآن ندور طبيب نفسي بس يكون شاطر عشان يطلعنا من رهاب الماء اللي زرعه فينا مدرب السباحه ودنا نرجع مثل اول وبس