صور من شعيب السهل في اليوم الخميس 19\10\1422

[راعي عنيزة]

السلام عليكم

الصور هذي طازه وتوها ملتقطه اليوم وصراحة المنطقه خياااااااال ولا تفوتكم

[ابوسكسوكه]

اخي العزيز راعي عنيزة
السلام عليكم ورحمة الله وبركااته

بيض الله وجهك وما قصرت فعلا معلومة طازة وتفاعلك وارسالك لهذه المعلومات بهذه السرعة يدل على حبك لهذا المنتدى واعضاءه الله يعطيك العافية وجزاك الله خيرا

[أيمن]

صور جمييييلة بالفعل ..
واللي زاد جمالها كونها طازجة ..
الله يعطيك العافية يا راعي عنيزة .. ياليت تعلمنا مكانها بالضبط، أو غحداثياتها .. لا هِنت ..

تحيتي

[نجم سهيل]

يعطيك العافية اخوي راعي عنيزة على هالصور المميزة بأنها طازجة على قول اخوي ايمن.

اخوي راعي عنيزة ممكن تزودنا ببعض المعلومات عن شعيب السهل مثل الموقع والأحداثيات الله لا يهينك.

وسلامي للجميع.

[أبوسليمان]

تسلم أخوي راعي عنيزه
على هالصور الزينه
ومثل ماقالو الأخوان أيمن ونجم سهيل
لاتبخل علينا بأحداثيات الشعيب وبعض المعلومات


أبوسليمان

[سنجار10]

السلام عليكم :
راعي عنيزه الله يبيض وجهك على هالصور الزينة ومثل ماقالوا الاخوان ......
نبي احداثياتها او وين مكانها بالضبط الله يعطيك العافيه ولايهينك..

اخوك سنجار10

[السمح]

ما قصرت ياراعي عنيزة ..

وزدنا من هالصور الحلوة ..

شكراُ ..

تقبل تحياتي ..

[هواوي]

راعي عنيزه بيض الله وجهك على هالصور صراحه شي مميز وخاصه انها طازه يعني يمدينا نسير عليها

اذا ما تعرف الاحداثيات عطنا العنوان ولك تحياتي

[راعي عنيزة]

ابو سكسوكه ايمن نجم سهيل سنجار10 ابو سليمان (خالي السمح) هواوي

مشكورين ولا قصرتو على التشجيع الحلو وابشرو بسعدكم

شعيب السهل
الموقع : شرق قبه بحوالي 12 كيلو
المنطقه كلها شعبان صغيره تتفرع من السهل وتستاهل الدوران فيها لانك تحصل مناطق ممتازه بس انتبهو من الطين والزمو الطرق المسلوكه (ترا الا غرزتو ما اعرفكم ولا تعرفونن )

احداثيات الشعيب
n 27 31 090
e 044 23 340

وقريبه من شعيب ابو مراكي وامغط شوي توصل شعيب الحسكي بس الصراحه السهل ازين ربيع منهن واقل زحمه

[الوراد]

وعليكم السلام اخوي راعي عنيزه

اشهد انك جبتها يا خوي

ماشاء الله عليك شغلك حار بحار

رحت للبر وصورت وحطيتها لنا هنا

ابسميك مراسل مكشات لشؤون الربيع في منطقة لينه وماجاورها

راعي عنيزه

ابنشدك عن بعد شعيب السهل عن الحسكي كم المسافه بينهم

ومن وين احسن طريق

لأني العام رحت للحسكي من شمال وكانت المسافه من المسفلت للشعيب 54 كلم وقطعناها باربع ساعات تقريبآ لوعورة المنطقه

وعرفت من ناس كثيرين ان الوصول لهالمنطقه من الجهه الجنوبيه ((القصيم ))افض واسهل

اذا ممكن تعطينا رايك الله يكثر خيرك

[أيمن]

عافاك الله يالوراد ..
سؤال بالفعل جميل، نحتاج إليه عزيزي "راعي عنيزة" ..

تحيتي

[راعي عنيزة]

اخوي الوارد ولا يهون مشرفنا ايمن

بعد السهل عن الحكسي حوالي 100 كيلو والطريق وعر

لكن الافضل انك تروح للحسكي عن طريق قبه
شف يا طويل العمر
اذا صرت جاي لقبه من القصيم قبل ما تدخل قبه ب 5 كيلو الخط يمشي على نفود اسمه
عرق المظهور وبعد ما ينتهي العرق بتشوف الارض منبسطه وقبه تشوفها قدامك
هناك فيه محطتين بنزين وقف وعب منهم ترا الطريق طويل
همين يا طويل العمر ادخل يسار الخط وانحر عرق المظهور وامش بموازاته لان
الطريق هناك سهل ورمل ممهد وتقدر تسرع
بعد تقريبا 40 كيلو تجيك هجرة البعيثه وبعدها ب 60 كيلو تجيك هجرة الزبيره
وبعد الزبيره ب 15 كيلو الحسكي يعني الحكسي عن الخط تقريبا 115 كيلو
لكن شوري عليك وانا اخوك خلك مباري العرق طول الطريق تراه رمل وزين
ولا تروح شرق ترا الارض هناك حصا وفروش تقطع الكفرات
<<<<< تقطع عليه كفرين

ولمزيد من التفاصيل دخلت لكم خريطة المنطقه بالسنكر

[سنجار10]

السلام عليكم:
اخوي راعي عنيزة اشهد انك كفيت ووفيت الله يبيض وجهك ويكثر من امثالك ..وخوه شرواك لشعيب السهل وغيره تنشرا..الله لايهينك على الصور والتوضيح الزين يالغالي ...

سنجار10

[أيمن]

ماقصرت يا خلفهم ..
بس يا ليت تعلمنا عن الطريق الترابي الرملي، هل هو وعر بمعنى أنه لا يمكن أن يمشي معه إلا الجيوب فقط، أم أنه بالإمكان وصوله عبر غيره من السيارات ..

تحيتي

[راعي عنيزة]

سنجار تسلم اخوي من طيبك وهاه متى تبي نتخاوى

مشرفنا ايمن ما قصرت يا بعدهم والطريق سهل بالحيل ومندك وتمشيه الهيلوكس الغمارتين بالراحه واوله تقدر تسرع به وتمشي 120 بالراحه