۩۩ موسوعة صيانة الدفرنسات ووزن الكرونه بالصور ۩۩ ‏

[بدوي جنوبي]

الاخ تلسكوب 1 تحياتي الحاره لك ويا حياك الله ابي طال عمرك 97 جديد وبس مني طماع

اشكرك علي الرد

بالتوفيق

اخوي راعي المستوي الله يوفقك ومالله ما فهمت مشكلة الدبجة اللي في موترك وسامحني

ميحميد 2005

اذا حدد الميكانيكي الرمان سواء الايمين او الايسر طبعا اكيد يقصد رمان العكس وهذا زين وما يكلفك كثير

ان شاء الله

طريقة تغييره بسيطه فك غطاء الكرونه الخلفي واخراج تيله اللي تمسك العكس

بعدين بعد فك الكفر والاقمشة نسحب العكس برا..... ونغير الرمان والصوفه

نرجع نركب العكس وبعدها التيله ونقفل غطاءالكرونه وبكذا غيرنا الرمان

عاد التكاليف وشغل اليد ما اقدر افيدك ........والله يتقبل منك

بالتوفيق

[شامخ ألهيلا]

اخوي بدوي جنوبي
بيض الله وجهك ومشكور وماقصرت

[abo lafi]

السلام عليكم
بيض الله وجهك وما قصرت مجهود تشكر عليه
عندي سؤال
يقال ان دفرنس الشروكي اردى دفرنس ولو خرب عليك لازم تبدله لان الوضيب ما يظبط 100%لان الوزنيه ماحد يضبطها ؟
وش رايك......
وتقبل تحيتي

[مخايل سحاب]

الله يعطيك الف عافيه ويرزقك الجنة
موضوع متعوب عليه، وبينفع أصحاب الشروكيات خاصه

ونظراً لخبرتك بالدفرنسات يا بدوي جنوبي بغيت اسأل هذا السؤال
انا معي قراند شروكي 99 وفيه صوت متوسط الازعاج في الدفرنس الأمامي
طبعاً اخذته للورشات وكل واحد منهم يتفلسف من عنده
اللي يقولي كرونه واللي يقول فلنجه واللي يقول غيّر الدفرنس كله احسن لك
طبعاٌ انا عرفت ان ما عندهم سالفه لذلك خليته ولا زينته
قمت بفك عمود الدبل وثقلت الزيت حطيت 140 بدلا من 90
ولكن الصوت ماتغير تغيرٍ يسوى

وش تتوقع يكون الخراب منه يا بدوي جنوبي؟ علما ان الوصف الدقيق للصوت هو كالتالي:
ونه في الدفرنس الامامي
وتظهر بعد ما اتعدى سرعه ما بين 50-60 وتزيد كلما اسرعت
الونه تزيد اذا الدركسون مهوب معتدل 100%
يعني اذا كان الدركسون لاف يمين ولو درجه واحده ( من 360 )اسمع الصوت بإذني اليسار (يعني يظهر الصوت في الجهه اليسرى من الدفرنس)
اما اذا كان الدركسون لاف يسار ولو درجه واحده ( من 360 ) اسمع الصوت بإذني اليمين (يعني يظهر الصوت في الجهه اليمنى من الدفرنس)

وشاكر لك طرحك للموضوع

[safouane]

يعطيك العافيه اخوي safouane.2010@hotmail.com

[منتعش]

عز الله وفيت وكفيت
وما خليت شي
بارك الله فيك

[بدوي جنوبي]

الاخ شامخ ألهيلا ... يا هلا بك والله

ابو عزوز .. عليكم السلام ويا هلا ومسهلا
مشكلة دفرنس الشروكي اذا تعطل لان اصلاحه يكلف كثير ومثل ما قلت ما يضبط
كرونه الشروكي تحتوي علي كلتشات
تقريبا نفس هالصورة

بالتوفيق

الاخ مخايل سحاب
الفلنجه ما اعتقد تكون سبب في الصوت لانها تمسك عمود الدوران فقط ...

الصوت اللي شرحته والله يدل علي ان الدفرنس رايح فيها ههههههههههههههههههههههههههههه
المهم اغلب الصوت اللي يطلع مع اللفات يكون من رمانات العكوس غالبا وتسمع صوت خرفشه او احتكاك حديد

نصيحتي لك دور علي دفرنس مضبوط من التشليح مع الضمان والتجربه والقديم ياخذه رجيع وانت قارن بين الاصلاح مع قطع الغيار مع شغل اليد اتوقع تاخذ من التشليح افضل ... صح انا ذكرت في الموضوع مافي داعي للدفرنس يتغير
لكن الشروكي غير واتوقع يتعبك بعد التوضيب لازم يكون فيه مضاعفات اقلها صوت ونه
يا اخي الدفرنسات العاديه مثل هالنوع

ما يعرفوا يوضبوه فما بالك بدفرنس الشروكي الله ييسر امرك

الاخ safouane الله يعافيك نورت الموضوع

اخوي منتعش ........ تسلم يا غالي

[Abo Nader]

هلا أخوي بدوي جنوبي...

أنا معي باث2005...و رفعته من ورا و قدام..يعني تقربا من قدام كان نازل و الحين مرتفع عن شد البلد حول3سانتي..ومن ورا حول 6 سانتي...وش رايك هل يضر على المدى البعيد...مع العلم إني أسمع ونه بين ال80و ال100 إذا كان القير بالخامس..و الوكاله قالو سليم..وناوي أرفعه كم سانتي من ورا لأني أبي أشيل الدعاميه الي قدام..

ملاحظه بسيطه...من خلال رسماتك أشوف أنه النغير في العمود يصير عندما أرفع الموتر من قدام لأنه يرفع الوجه و المكينه...و المكينه مرتبطه بالقير و العمود فيصير الإختلاف...لكن من ورا..هل يصير شي...و الله يجزاك الخير...

[هويدي]

ماشاء الله عليك مبدع ومحترف

وذا عندك ورشه ياليت توصفها لنا نفيد ونستفيد

احسن من البنقاليه اللي يتعلمون بسياراتنا و لا على حسابنا بعد !!

[مخايل سحاب]

اشكرك من خالص قلبي على جهودك وعلى ردك
جعلها في موازين اعمالك الصالحه

[بدوي جنوبي]

حيالله ابو نادر

انت الحين ما شاء الله رافع موترك من ورا 6 سم وتبي ترفعه زيادة انا اشوف انه كثير ويضر بالسياره علي المدي القريب وانت الان تسمع صوت ونه فما بالك اذا رفعته زياده .... انا اتوقع لو ترجع الموتر شد بلد بتروح صوت الونه ..... طبعا انت عاف تختلف وزنية السياره في الخط مع الرفع
وانت امكن قرأت ردي لابو عبدالهادي رقم 38 ....
الدفرنس لا سمح الله اذا صار فيه عطل بسيط راح يتعبك ويكلفك

هذا وضع طبيعي
الفرق اذا رفعت

اذا رفعت السياره من ورا هل يأثر ؟ اعتقد يأثر لكن ما اقدر احدد المضاعفات ...
بالتوفيق

بقية الاخوان ارد عليكم في وقت ثاني لاني مستعجل

[رحال7]

الاخ بدوى جنوبى اذا تكرمت هل اليالى الاسترالى يضر اللاند كروزر 98 الشكل الجديد ؟ سألت احد الشباب وقال لى الرفع فقط للبدى وما تحت الياي من دفرنس وملحقاته يبقى فى مستواه الاصلى...نورنا اذا سمحت

[بدوي جنوبي]

الاخ هويدي

السلام عليكم وحياك الله .... يا اخي لو قلتلك مكان ورشتي كان كل اعضاء مكشات عندي وتمتلي الورشة
وزحمه وطلبات وتخفيضات واحراجات .... بعدين المنتدي يقعد فاضي من يشارك فيه ويلوموني المشرفين
ترا والله امزح ما عندي ورشة هههههههههههههههههههههههههههههههههههههههه
لو عندي ورشة والله لاعطيك الوصف والرزق علي الله
بالتوفيق اخي

الاخ مخايل سحاب يا هلا وغلا والله يسمع منك ...... بالتوفيق

اخوي رحال 7 اتوقع الكلام هذا غير صحيح .. لو رفعت الموتر بالياي الاسترالي تقدر

تتربع تحت السياره وهذا يدل علي ان القير ارتفع مع البدي واذا ارتفع القير يأثر علي العمود والدفرنس

والله اعلم

[هاوي الله]

مايجيك واحد من أهل الجنوب إلا متكتك ومحنك مشاءالله عليهم ههههههههههههه .

بس على فكره ترى أهل نجد جامعين المواصفات كلها ههههههه <<<<< يمدح نفسه هههه

تسلم عيونك يابو الهندسه كلها يابدوي جنوبي ,,

[s3ed]

شغل وفن احترافي درجة اولي


الله يجزيك خير ويفيد البلاد والعباد بعلمك