كنت متواجد في دبي ورحت لم الخطوط العربيه للحجز على الرياض وبعد وصولي لمكتبهم المتواجد قبال
دوار الساعه وبعد سؤال الموظف افادني ان اقرب رحله على الرياض بعد3ايام ولفت انتباهي لوحه معلقه
على الجدار مكتوب عليها اجازات العربيه المخفضه لكولمبو مع الحجز في الفنادق قلت في نفسي كم بتكون
قيمه التذكره مع الاقامه في الفنادق وبعدين كولمبو عاصمه سيرلانكا او كما يسمونها فردوس الدنيا وسألته
قالي اختر اسم الفندق وبعد 3ايام يجينا الرد قلت طيب كم قيمه التذكره بدون فنادق قالي ب1000درهم قلت
في نفسي رخيصه ولايبيلها شور هاه اروح ولا ماروح لحالي ولا معي خوي صعبه شوي يارجال روح
وشفيها وبعد محاولات عديده مع نفسي ظهرت غريزه السفر الموجوده في الجينيات الوراثيه عندي ..!!
وانتشرت في جميع انحاء جسدي وحسيت بأنتعاش مصاحب بقشعريره بداء من راسي إلى طرف اصبع
قدمي وارتجلت للموظف قائلآ احجز لي على رحلت الليله بصوت عالي..!!!
ضحك الموظف قال متا تبي العوده قلت متا اقرب عوده قال كل يوم رحله قلت بعد خمسه ايام بس الحجز خله كولمبو الشارقه الرياض
قال كولمبو الشارقه الرياض بسعر ب1355 درهم ومايمديه يكمل كلامه الا انا مزنده الدراهم
وبعد ماقصيت التذكره توجهت لأقرب كافيه انترنت واخذت ربع ساعه لأن الوقت ضيق مامعي وقت الساعه
لأن تشير الى الخامسه مساء والرحله الساعه التاسعه والنصف مسئآ ولازم تكون قبلها في المطار الساعه
السابعه ومالقيت الا شويت معلومات عن الفنادق واسجلها في الجوال لأن محل الانترنت ماعند طباعه وعلى
الفندق وارتب الشنطه واودع صاحبي اللي تعرفت عليه في الطياره وانا رايح دبي وسكنت انا وياه يومين
وامشي وعلى المطار مطار الشارقه وبعد مانزلني صاحب التاكسي ومشاء ادور على الجوال في جيبي اللي
يمين واللي يسار
ومره ومرتين اوثلاث الين بغيت اقطع البنطلون!!
ياولد مهوب صدق الاصدق وانحااااس من فوق الاتحت واحس بنفس الشعور السابق لاكن بدون انتعاش
الجوال نسيته مع صاحب التاكسي والمعلومات فيه ولارقام المهمه اللي ممكن احتاجها في أي لحظه وتقلب
المزاج ويجي هندي يقولي تبي عربيه واطالعه وانا اقول في نفسي هاه ياولد اكنسل ولا امشيء كلها جوال
جت العافيه لا لامايصير تروح والجوال فيه ارقام من تحتاجهم في أي وقت سبحان الله طيب وفي
نفساللحظه مرت علي فكره مرور الحمير اني اتصل وفي نفس الوقت اقول اكيد لاتصلت بيطلع الجوال مغلق
ماهي غريبه سواق تاكسي باكستاني قيمه الجوال مكده اسبوعين يارجال الدنيا فيها خير وانشاء الله بتلقاه
برا ولابيرد عليك ويرجع جوالك هونها وتهون المهم واطلع برا بسرعه البرق والقى صاحب تاكسي قلت لو
سمحت جوالي نسيته مع صاحب تاكسي وابي جوالك اكلمه ويعطيني الجوال واكلم ويدق اول دقه ويدق قلبي
معها عشر وثاني دقه ويدق قلبي معها عشرين وثالث ورابع والخامسه ويرد الو قلت ويييينك انا عند المطار
ابي جوالي بسرعه تعال قال 5دقايق وانا عندك خلك في نفس المحل وانتظر 5دقايق الا هذا هو موقف
تصدقون بغيت اسلم على خشمه بصراحه انه امين الله يجزاه خير ولا الجوال يمكن يجيبله 1400درهم واخذ
الجوال وامد له مئه درهم ويعيي عنها واحلف انها ماترجع وقلت والله انها قليله في حقك الله يوفقك
تقرير مفصل عن رحلتي القصيره في سيرلانكا ...!!!!
رد مع اقتباس