سؤال : وش يتغذى القنفذ (( اتمنى الأفاده ))

[ابـ معزي ـو]

السلام عليكم ورحمة الله وبركاته

اخواني .. عندي سؤال عن القنفذ

ودي اعرف على وشو يتغذى لاني لقيته ومسكته وحطيته عندي ومامسكته الا اليوم

واتمنى انكم تفيدوني

[باثفندر]

الديبان والحشرات

وقبل فترة كان عندي واحد بالبيت كنت اعطية بيض ني ولحم وخبز

[gasomi]

يأكل كل شيء (خنافس صراصير الخشاش كله ) طبعا يكيف عليها إذا لم يجد فيتصبر بما يتوفر

[ابـ معزي ـو]

باثفندر : الله يعطيك الف عافيه لكن هل اللحم يكون (( ني )) او مطبوووخ .؟

اخوي

gasomi vbmenu_register("postmenu_889892", true); : الله يعطيك العافيه

[نديم السهر]

يعطيك العافيه

القنفذ الجندي المجهول لاصحاب المزارع

ياكل حشرات ديدان زواحف فيران بيض طيور وبعض النبات والثمار

هذا اذا عندك حوش كبير فيه شجر يدبر حاله اكله كله يفشل ما تقدر تصيد له وهقه

شرايك بالقنفذ المدلع

[ابـ معزي ـو]

الله يعطيك العافيه

وش هالدلع

لكن انا حاطه بقفص صغير من منتجات السنيدي
الله يعطيك العافيه على المعلومات
تحياتي لك اخوي

[باثفندر]

هلابك ابومعزي

اللحم كنت اعطية من فترة لفترة ني بس تراه ياكل اي شي ويمكن يموت عليك اذا ما نوعت غذاءة انتبة

وبعدين خلة يسرح لو بالحوش يوالف مع الكل ولا ينحاش ولاتخاف علية من البساس او اي شي

بس انتبة زين مازين من الشمس تراه يموت من الشمس اذا ما لقى ظل

يعني طلعة بره وسوله بيت من كرتون او اي شي .

[اشهب الزلفي]

السلام عليكم
يابو معزي اللي أعرفه انه حيوان مفيد ياكل العقارب والحشرات والديبان .
مثلا الحيه......يمسكها مع ذنبها ويلم روحه ويقعد ياكل الين يوصل راسها يقطعه ويمشي طبعا اذا لم نفسه الحيه تقعد تخبط وماتشوف الاهالشوك تبلش بعمرها....
يعني تبي توكله صدله سحالي عقارب ولو تصوره وهو ياكل وتنزله موضوع تفيد غيرك.

[الضيغم]

مثلا الحيه......يمسكها مع ذنبها ويلم روحه ويقعد ياكل الين يوصل راسها يقطعه ويمشي طبعا اذا لم نفسه الحيه تقعد تخبط وماتشوف الاهالشوك تبلش بعمرها....

100% صح عليك يا أشهب الزلفي ..!!

والله يعينك يابو معزي عليه ..

[ابـ معزي ـو]

باثفندر :

هلابك ابومعزي

اللحم كنت اعطية من فترة لفترة ني بس تراه ياكل اي شي ويمكن يموت عليك اذا ما نوعت غذاءة انتبة

وبعدين خلة يسرح لو بالحوش يوالف مع الكل ولا ينحاش ولاتخاف علية من البساس او اي شي

بس انتبة زين مازين من الشمس تراه يموت من الشمس اذا ما لقى ظل

يعني طلعة بره وسوله بيت من كرتون او اي شي .

الله يعطيك العافيه (( ماقصرت )) كفيت ووفيت


____


اشهب الزلفي :

السلام عليكم
يابو معزي اللي أعرفه انه حيوان مفيد ياكل العقارب والحشرات والديبان .
مثلا الحيه......يمسكها مع ذنبها ويلم روحه ويقعد ياكل الين يوصل راسها يقطعه ويمشي طبعا اذا لم نفسه الحيه تقعد تخبط وماتشوف الاهالشوك تبلش بعمرها....
يعني تبي توكله صدله سحالي عقارب ولو تصوره وهو ياكل وتنزله موضوع تفيد غيرك.

الله يعطيك الف عافيه ماقصرت




______________


الضيغم :

100% صح عليك يا أشهب الزلفي ..!!

والله يعينك يابو معزي عليه ..

الله يعين الجميع (( يعطيك الف عافيه على مرورك ومشاركتك ))

تحياتي

[واقعي]

بالنسبة للغذاء يتغذا القنفذ على الحشرات والخنافس والديدان و البيض وأيضاً يأكل السحالي والثعابين الصغيرة والعقارب .

ولكن بالنسبة لك ممكن تعطية طعام القطط ويفضل الطعام المخصص لصغار القطط و البيض النيئ ممكن تكسرها في صحن وممكن تعطية فار صغير حي يباع في المحلات وقطع من الفواكة واذا حصلت حشرات من دود او خنافس مهم تعطيه

ولاتنسى الماء يكون عندة باستمرار

واي استفسار انا بالخدمة

[بدوي جنوبي]

دام طريتو القنافذ بعطيك هالصور



خخخخخ راح فيها والله محد قالك تتحرش

[دغيم1]

السلام عليكم

يعطيك العافية أخوي : ابو معزي
بالنسبة للقنفذ - أو - الدعلج
فهو حيوان ليلي المعبشة ويتغذى على الحشرات والسحالي الصغيرة والفئران وهو يقتل ويأكل العقارب والثعابين وهو حيوان صالح للتربية ويألف الإنسان .
ولكن وضعه في قفص صغير يقتل طموحة - فهو حيوان يحب العيش في الصحراء أو المزارع .
فتركه في مزرعة أو في حديقة البيت أفضل .
تقبل تحياتي - دغيم 1

[ابو جمانا]

يا اخواني والله الحيوانات مو متوحشه بس تلعب بقوه احيانا اشوف حيوان جيعان ابكي عشانه واحاول ارعايتها
في البيت

[Oryx]

أطلقه بارك الله فيك.
لا تحبس حيوان دون حاجة لذلك.
وايضا يجب ان تنتبه أن هذه الحيوانات تحمل طفيليات خارجية (قراد) وداخليه (ديدان) قد تكون ضاره بك او من حولك.

واما من ناحية التغذية في الأسر فطعام القطط مناسب لها ولكن بكمية قليلة فهو يأكل بشره ولايشبع، ثم يموت
ايضا يمكن ان تعطيه قطعة صغيرة جدا من الدجاج المسلوق.

موفق