ماهي أفضل طريقة لتفادي التغريز بالبر

[مخرب طلعات]

السلام عليكم ورحمة الله وبركاته أما بعد:

يا أخوان لدي 3 أسئله لوتكرمتوا

الأول \ ماهي أفضل طريقة لتفادي التغريز

الثاني \ إذا غرزت سيارتي وش افضل طريقة لإخراجها

الثالث \ أبغى إذا مشيت بالطين والرمل <<< فيه طريقة كم مرة أشوفها أنه يسوي حركات بالدركسون

ويطلع بدون أي تغريزة واللي يزيد الطين بله أنه بالطين وماغرز فماهي هالحركات اللي بالدركسون
=
=
=
جزاكم الله خيرا ً وبإنتظار المعلومات

[ضغط سحاب]

بسم الله الرحمن الرحيم


انا ابعطيك اجابة واحدة لهذه الاسئلة وهي::


العامل النفسي(اي اذا صار عليك منها شئ فلا تجزع واعتبر هذا امر عادي وان شاء الله تخرج منها مع اشوية خبرة)

[مخرب طلعات]

جزاك الله خير

بس وشوا الشوية خبره

[ضغط سحاب]

شوية خبرة تعني تكثيف الطلعات للبر وخاصة الطعوس او الشعبان وباذن الله مرة بعد مرة تطلع مية مية.....

[الرحال050]

حياك الله مخرب الطلعات انا بعطيك اشياء سهله اذا مشيت عليها انشاء الله ماتغرز
اول شيء الرمل لاتدخله الابعد ماتخفف على الكفرات اذى في الشتاء وبعد المطر خل الضغط 20 واذى في الصيف خل الضغط 15 واقل
لاتصعد ولا تنزل الى بعد ما تتئكد من الطريق الى تسلكه
لاتوقف السيارة الى في منطقه مرتفعه مشان تصير حركت السياره اسهل في المشي
بنسبه للوحل (الطين)
لاتمشي في مستنقعات الماء
لاتنزل في الوديان الا اذا شفت الطريق سالك يعني في اثر سيارات كثيرة مرت فبلك
اذى غرزت في طينه او رمل لاتزر على الموتر لانه بيعلق
تأكد من ضغط الكفرات في التغريز لانه كل ماكان الضغط اعلى صارصعب على الموتر انه يطلع
يفضل اخذ الشرايح الحديديه التي توضع تحت الكفرات وهاذي افضل حل لخروج السياره من الطين

حاول انك دائما تنزل من السياره مشان تتئكد من الطريق خاصتا اذاكنت لحالك في البر لاتضحي بسيارتك لانها وسيلتك للتنقل
وعساني افدتك

[safouane]

شوية خبرة تعني تكثيف الطلعات للبر وخاصة الطعوس

[عاشق السيل]

أخوي ،،،

اعتمد بعد الله على تنسيم الكفرات بس بشرط قبل تدخل البر وحط الضغط من 15 إلى 20 بالكثير وتشوف إن سيارتك مافيه أمل تغرز مهما كان نوع السيارة ..

أما إذا قلت معي جيب مافيه أمل أغرز !!
اعتقادك هذا خطأ ،،
وبدون تنسيم الكفرات راح ترفع حرارة السيارة وتتعب الموتر وتستهلك البنزين بكثرة وتكون معرض للتغريز بأي وقت ..
( واسأل به خبيرا )

تقبل مروري ....

عاشـقالسيل

[safouane]

ممكن امايلك يا الا يب سرحان

[أبو محمد2010]

اذا كنت برمل عادي حط الهواء 20
اذا كنت برمل أقشر يعني قوي شوي حط الهواء 15-12

اذا كنت في شعيب عادي إن شاء الله ماعليك بس عشق الدبل
اذا كنت في شعيب أقشر عشق الدبل الثقيل وخله يمشي على راحتة لا تدوس بنزين واجد شوي شوي

الطين تجنبة وإن طحت فيه خلك على الدعسه لا تشيل رجلك

أذا غرزت وحسيت إنك ماراح تطلع فعليك بالتالي:
1-هواء الكفرات 10
2-الدبل الثقيل
3-شوي قدام وشوي ورى
4-استعمل الدفلك إن وجد
5-إن شاء الله إنك تطلع وما تحتاج أحد

[mans]

ومنكم نستفيد