15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


المنتدى لازال قيد التطوير ، وسيتم حل المشاكل وإكمال النواقص قريبا إن شاء الله

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 2 12 الأخيرةالأخيرة
النتائج 1 إلى 15 من 21

الموضوع: تركيب مساعدات استراليه

  1. #1
    تاريخ التسجيل
    Nov 2001
    الدولة
    الرياض
    المشاركات
    99

    تركيب مساعدات استراليه

    السلام عليكم ورحمة الله وبركاته

    اخواني راعين الكيف والمطامر في البران على ظهور ( فور ويل درايف )4x4
    عندي سؤال وهو ....
    المساعدات الاسترالية ابي معلومات كاملة يعني تنصحون احد يركبها على النيسان الصالون والمجرب مهوب مثل اللي يسمع
    وبعدين في اليايات على حد علمي يقولون فيه ثلاث اوزان مختلفة وش الافضل والانسب
    ومشكورين مقدما .نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  2. #2
    تاريخ التسجيل
    Oct 2001
    الدولة
    نجد
    المشاركات
    127
    هلا وغلا بالهاوي

    المساعدات الاسترالية والله مدري عنها
    وفية السست الاسترالية يقولون انها اطول بنص لفه عن السست العادية الى موجوده في السوق واظن مالها لزوم على الجيب الصالون الى عندك لانها بترفعه زود وماله داعي الرفع الزايد
    ((((((((((((((مجرد معلومات بسيطة واامل التاكد من الاخوان في المنتدى)))))))))))
    من خصائص عنود الصيد كثر الطواري *** وعادة الظبي يجفل لاتحرك ظلالة

  3. #3
    تاريخ التسجيل
    Jul 2001
    الدولة
    الرياض
    المشاركات
    40

    المساعدات الأسترالية (OLD MAN EMU)

    هلا باخوي الهاوي.

    انا معي لاندكروزر 2001 GX وقبل اسبوعين ركبت طقم كامل مساعدات ويايات خلفية وامامية, ليش ركبتها؟ لان المساعدات واليايات شد البلد ماتصلح للبران والمطارد, مع التحميل يضرب الربل الخلفي اللي داخل الياي في الدفرنس عند ادنى مطب.

    المهم ركبت يايات ومساعدات خلفية استرالية حمولة 200 كيلو وارتفاع اضافي 4 سم وركبت مساعدات امامية (الاند من 98 وفوق مايجي يايات قدام لكن فية TORSION ARM ) ماشاء الله الموتر صار مثل السلوقي وماتغير علي قساوة المطب لكن فية حمولة 400 و 500 كيلو وهذة على ماسمعت مطبها قاسي وفية حمولة 200 كيلو بس ارتفاع 2 سم للي ماعندة نية يركب كفرات حجم كبير مثل البالون 900 او اليوكوهاما 8.25.

    حسب الارشادات في الكتالوج لليايات والمساعدات الاسترالية يفضل تركب طقم كامل ويمكن تحتاج ترفع او تنزل وجه الموتر.

    المشكلة اني حسيت ان الموتر عزمة ضعف شي بسيط واعتقد ان هذا بسبب تغير زاوية عمود الكردان شي بسيط.

    والموقع الخاص بالشركة على الأنترنت هو:

    http://www.arb.com.au/

    ارجوا اني افدتك بشي وانا بشورك طال عمرك.

    سلامي لك وللجميع.
    ستل جناحة ثم حام يرقى على متن الهوى
    يزفة بعيد وانـــــــا محدود فية حد النظــرا

  4. #4
    تاريخ التسجيل
    Nov 2001
    الدولة
    الرياض
    المشاركات
    99
    اقول ما شاء الله عليك يانجم سهيل
    عز الله اللي كفيت و وفيت ما يحتاج وآمر تحت امرك باللي نقدر نفيدك فيه .
    لكن طمعت واحترت اجل معنى انك تشور علي تركيب استرالي حمولة 200 ولكن اي ارتفاع 4 او 2 سم لانه لو ركبت كفرات 900 بالون اخاف تحك في الرفارف علشان كذا ابركب كفرات عادية رملية وحجرية وبعدين اخوي نجم سهيل كم السعر الطقم كامل مساعدات مع اليايات ومن وين شريتهن .
    وتسلم و تقصر ونخدمك بالافراح .... ( الزوجة الثانية نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ) مزحة ملقوف

  5. #5
    تاريخ التسجيل
    Jul 2001
    المشاركات
    1,518
    السلام عليكم
    يا جماعة انا الشاص حقى ما غيرت مساعداته الشد بلد و عز الله انه رجال و مايحتاج في البر تقل ما شاء الله كابرس .
    لكن يا نجم سهيل هل اذا ركب المساعدات الاستراليه هل اقدر ازيد الحمولة ، و هل سمعت بمساعدات جبريل الغاز ( مهيب الزيت ) يمدحونها و الله ؟
    الخبرة هو الإسم الذي يطلقة الشخص على تجاربه الفاشلة

    "Obstacles are those frightful things you see when you take your eyes off your goal."
    Henry Ford

  6. #6
    تاريخ التسجيل
    Jul 2001
    الدولة
    الرياض
    المشاركات
    40

    المساعدات الأسترالية

    هلا وغلا بالاخوان الهاوي والخبير.

    اخوي الهاوي اليايات الخلفية للاندكروزر ب 504 ريال والمساعدات 4 الواحد 283 ريال هذا طقم حمولة 200 كيلو وارتفاع 4 سم, وشريتهن من الرماية لانهم يعطونك ضمان سنة ولا تركب الطقم عندهم في ورشتهم الجديدة نهاية طريق التخصصي وانت رايح شمال لأن الميكانيكي اللي عندهم ماعندة ماعند جددتي. بالنسبة للكفرات الرملية لاتفوتك اليوكوهاما 8.25 اصغر شي بسيط من البالون 900 لكن في الحصى بس عط الكفر هواء صح وكل الله.

    أخوي الخبير الشاص كامل والكامل وجه الله نصيحتي لاتغير شي فية وماشاء الله من ناحية التحميل مافوقة شي من السيارات اللي من نفس فئتة. انا اضطريت اغير اليايات والمساعدات لان اللاند كوزر الجديد ماينفع للتحميل ابد.

    وسلامي للجميع.

  7. #7
    تاريخ التسجيل
    Nov 2001
    الدولة
    الرياض
    المشاركات
    99

    كفيت و وفيت

    ما قصرت اخوي نجم سهيل على سعة صدرك من هالاسئيله اللي طولتها معك
    وترى ردي مصيف بس اشكوى لله كنت غير موجود في الخدمة مؤقتا
    تحياتي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  8. #8
    تاريخ التسجيل
    Aug 2002
    المشاركات
    1,982

    Cool مشاركة متاخرة..................

    السؤال ل نجم سهيل.
    لاهنت يا خوي ولكن هل عندك رقم تليفن للمحل ووينه فيه بالضبط وايش اسمه لو تكرمت .
    وللجميع التحية
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ومع السلامة
    [imhttp://www.mekshat.com/pix/upload/sign/images/mk1463.gif[/img
    [img]
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    انا اشهد ان الباث سيارة
    http://www.mekshat.com/pix/upload/sign/images/mk1463.gif[/img]

  9. #9
    تاريخ التسجيل
    Apr 2003
    الدولة
    ( وادى الســرحان )
    المشاركات
    1,759
    السلام عليكم :
    الله يعطيك العافيه ولك الشكر اخوى 0

  10. #10
    تاريخ التسجيل
    Dec 2007
    المشاركات
    131

    رد: تركيب مساعدات استراليه

    انا ياشباب عندي شيفروليه تريل بليزر وابي ارفعه ما ادري المساعدات تركب ولا لا .عطونا رايكم يا اهل الخبره

  11. #11
    تاريخ التسجيل
    Nov 2006
    المشاركات
    1,040

    رد: تركيب مساعدات استراليه

    اللي اعرفه ان موترك تركب عليه مساعدات شاص ..


    ومساعدات الشاص ما يحتاج امدحها لا نها معروفة ..


    وتوفر مبلغ كبير ..

  12. #12
    تاريخ التسجيل
    Feb 2005
    الدولة
    القصيم
    المشاركات
    5,199

    رد: تركيب مساعدات استراليه

    المساعدات : الامريكية اشوف انها احسن و متوفرة بالصماعية مونرو
    اليايات : الاسترالي اولد مان .... و احسن شي لا ترفع الموتر خذ اقل شيس ارتفاع
    و الاصلي تلقاه عند الرماية الحبتين بحدود 600 اعتقد
    [[ و من يتق الله يجعل له مخرجا ]]

  13. #13
    تاريخ التسجيل
    Oct 2007
    الدولة
    القصيم
    المشاركات
    189

    رد: تركيب مساعدات استراليه

    السلام عليكم
    كل عام وانتم بخير
    شوف اخوي الهاوي الياي الاسترالي الخلفي ركب مقاس 200 كيلو الطول 3سم (490 ريال عند السنيدي الرمايه .......) ممتاز جدا انا مركبها والكفرات بالون 900 ماكسس ممتازه جدا ولا يحك ولا يردح مثل شد البلد ولافيه مطب ممتاز ولاينزل واحمل فيه خيمة البيرق4*4 (تراها ثقيله) وتانكي المويه 100لتر واربعه شباب والفرش والأغراض كامله ولا ينزل الا تقريبا 2سم وسيارتي صالون 2004 نيسان وخل الياي الي قدام شد البلد ولا تركب المساعدات الا شد البلد تراني مصلح في موتري كذا اذا بتطيعني ركبها ولا تتردد أسأل مجرب ولا تسأل طبيب ولا تنساني من الدعاء .
    the.5555@hotmail.com

  14. #14
    تاريخ التسجيل
    Feb 2003
    المشاركات
    568

    رد: تركيب مساعدات استراليه

    من تجربه ركبت 4 مساعدات اولدمان من الرمايه ويايات خلفيه, المساعدات لم تناسبنى ابدا ربما فبها عطل مصنعى او لم تناسب الموتر ولكن الياي تمام. والله اعلم
    سبحان الله وبحمده عدد خلقه ورضا نفسه وزنة عرشه ومداد كلما ته ,استغفره واتوب اليه وصلى الله وسلم على نبيه محمد صلى الله عليه وسلم

  15. #15
    تاريخ التسجيل
    Jan 2009
    الدولة
    الرياض
    المشاركات
    2

    رد: تركيب مساعدات استراليه

    أنا عندي لاند كروزر 2001 غيرت مساعدات استرالي أصفر خلفيات فقط بصراحه جيده
    موجوده عند الرمايه وأفضل لكم تروحون للورشه حقتهم وتوفر مشوار عليك بدل عن مشوارين فيها مساعدات ويايات وفلبيني يفهم أسمه أليفريدو جواله 0509395771 بصراحه شقردي وسعرطقم أمامي ب 700ريال و50 تركيب
    موقع الورشه إمتداد التخصصي وانت متجه شمال بعد ثاني نفق تجيك محطه نفط . تلقى الورشه داخل المحطه 4 في 4 وهذا الموقع للأخوه الحراريف اللي عندهم أجهزة ملاحه Gps
    n 24 44.854
    e 046 38 541

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •