تركيب مساعدات استراليه

[crozman]

ياخوان
انا بنفرد براي مغاير لكلامكم وارجو تقبله بصدر رحب
المساعدات الصفر مضرتها اكثر من فايدتها ؟؟؟
ومن مضارها كسر الشاص وكسر مسامسر المساعدات
وتشطب البدي (صدوع)
طيب والحل:
اذا منجير وتقول ان الموتر يهوي وهي نادره اذا ياياتك جديده
دبل مساعدات شد بلد
نعم ويدبلونا بالانصاري بقطر والنويصر بالرياض
والفائده ان الحمل يتوزع على اربع مناطق في الخلفيه أحسن من منطقتين
واسألو اهل الورش واهل الخبره
اتمنى افدت بما يفيد الجميع

[وكعة]

الله يقويكم

[وكعة]

اخوي يا نجم سهيل ممكن صورة للكفرات اللي تقول اليوكوهاما

[ابو احمددد]

سؤال ياجماعه...

وش النوع المناسب للفورد اكسبلورر 2007

انا سالت عنها في الصناعيه عند وكيل جبراييل وعند مونرو وقالوا لي ماعندنا شي يركب للاكسبلورر 2007 فقط 2005 ونازل

[ماوكلي]

موضوع حلووو

وياليت من يقدر يفيدنا اكثر

[امشعري2]

شكرا لكم
استفدنا منكم

[رحال2100]

هلا وغلا بالاخوان الهاوي والخبير.

اخوي الهاوي اليايات الخلفية للاندكروزر ب 504 ريال والمساعدات 4 الواحد 283 ريال هذا طقم حمولة 200 كيلو وارتفاع 4 سم, وشريتهن من الرماية لانهم يعطونك ضمان سنة ولا تركب الطقم عندهم في ورشتهم الجديدة نهاية طريق التخصصي وانت رايح شمال لأن الميكانيكي اللي عندهم ماعندة ماعند جددتي. بالنسبة للكفرات الرملية لاتفوتك اليوكوهاما 8.25 اصغر شي بسيط من البالون 900 لكن في الحصى بس عط الكفر هواء صح وكل الله.

أخوي الخبير الشاص كامل والكامل وجه الله نصيحتي لاتغير شي فية وماشاء الله من ناحية التحميل مافوقة شي من السيارات اللي من نفس فئتة. انا اضطريت اغير اليايات والمساعدات لان اللاند كوزر الجديد ماينفع للتحميل ابد.

وسلامي للجميع.

وش الافضل مساعدات خلفيه للاندكروزر من 98 إلى 2007 عندي الموتر يتمرجح من الخلف مع المطاب ألي عنده خلفيه جزاه الله خير