تصفيات السعوديه ودول مجلس التعاون::

[<عاشق الصمان>]

	يعطيك العافية أخوي القحطاني 505 على المجهود الطيب ونسأل الله التوفيق للجميع. بس لو تكثرون المهدات في المناطق أزين لإن في المنطقة الوحدة منهن يبيلها أكثر من مهد (رأي) الدمام فيها كم سلقة والراض والحسا والقصيم وووووو يعني المهد بصير فيه 640 سلقة. آسف على الأطاله بالتوفيق........

[القحطاني505]

اخوي يعطيك العافيه على التغطيه
عندي سؤالين
1- هل المشاركه مقصوره على اعضاء مكشات او مفتوحه
2- ياليت تعطينا خبر عن الراعي لسباق واللجنه المنظمه

واعذرني على الاطاله
والسلام ختام

1--اخوي عروق الدهنا المشاركه على جميع الناس لكن نخص فيها اهل مكشات ونعم بها جميع الناس
2--الراعي الرسمي مكونه من لجنه منظمه اول مهدات بالسعوديه اللي كانت بالاحساء وهم رجاجيل مثلك وشرواك

[القحطاني505]

تحيه طيبه

الله اعطيكم العافيه و عندي الملاحظات التاليه :-

1. المدن التي لم تذكر ( كمكه المكرمه ) تشارك مع اقرب مدينه ام ماذا ؟
2. اقترح بأن يدفع لكل سلوقي الف ريال ( كمثال ) من لايرغب في التصفيات و يرغب بالدخول في النهائي مباشرة .
3. عدم اشراك بوش و حلوه ,, يفسر كأنهم الابطال ,,, وسواهم درجه ثانيه ,!!,,, ولماذا يحرمو من البطوله ,, ان كانو ابطال يستاهلو البطوله ,,,
4. ولماذا لا تكون مهدات دول الخليج باحد دوله منهم( قطر مع الامارات) (البحرين مع الكويت ) كمثال لتسهيل مهمتهم و ضمان مشاركتهم ,,

اخوي صياد الوعل:
اقرا الشروط وسوف تجد الحل الانسب
-- المناطق التي لم تذكر تشارك والمعذره على عدم ذكرها...
واختار اقرب المناطق التي تنتمي اليها بشرط ان لاتشارك في اكثر من هدد
==============================
الهدف من التصفيات مشاهدة اقوى سلقان المملكه ودول الخليج وليس مشاهدة نهائي فقط ولتكون فرصتين للمشارك اما في التصفيه واذا فاز يتاهل للنهائي
==============================
سبب عدم دخول بوش وحلوى لاننا لم نرى سواهما في احتكار المهدات ونريد ان نرى من هو اقوى وافضل وهذا يرجع للمنظمين ......
وانشاء الله بعد النهائي نرى من البطل الذي من الممكن ان يشارك مع السلقان المذكوره....
==============================
والله فكرتك حلوه بس فيها متاعب على اللجنه ومشكلة دخول الظبي الى الدول المجاوره وانت شفت كل هدد بيكون بمنطقه ولاهنت على الاسئله والله يعطيك الف عاافيه

[القحطاني505]

السلام عليكم ورحمة الله وبركاته

الأخ القحطاني 505

بعد الإطلاع على موضوعك والنظر فيه إتضح أنه أحدى ألعاب القمار المحرمة شرعاً لأنه من شروطها الدفع المالي كما حددتها 200 ريال وستكون فيها جوائز وبالقياس على ألعاب القمار يتضح لنا أنها قمار صريح.

وأنصح أخي القحطاني 505
1- أن تكون هذه المسابقة وفق قواعد إسلامية

2- أن تلغى رسوم الإشتراك نهائياً (لأنها هي سبب التحريم وعدم الجواز )


3- أن الشرع لم يحل لنا اتخاذ الكلاب للسباقات أو للشهرة أنما أباح لنا اتخذها للصيد والحراسة

4- مراعاة حق الحيون فللحيوان حقوق فمن حقوقه عدم تعذيبه وأنتم ستقومون بتعذيب الضبي الضحية

( واعلم ان إمرءة دخلت النار في هرة حبستها لاهي اطعمتها ولا تركتها تأكل من خشاش الأرض )

أأمل إعادة النظرف ي هذه المسابقة وأتمنى من الإدارة الرقي بالمنتدى وعدم النزول به إلى هذا المستوى الدنيئ

والله لم أتكلم الا لإبراء الذمة

هذا والله أعلم

أخوكم في الله
الطير غنـام

اخوي الطير الغنام: وعليكم السلام ورحمة الله وبركاته:
انا لم اجبر احد على الاشتراك وكلامك فيه شيء من الصحيح ولكن لما لم اراك في اكثر من مناسبه تنزل وتحرم وتبيح الا في موضوعي
والهدد نظم باستشارة شيوخ وعلماء والجوائز ستكون اثمن من قيم الاشتراك
ولاهنت على المرور

[القحطاني505]

لهلوب شكلك ما قرأت الردود

وألله يقويكم على طاعته ماهو على عصيانة بالسلق

الطير الغنام مالك شغل باي عضو يرد على موضوعي وانا من يرد عليه مو انت والله لايهينك رجااءاً

[ولد الغرافه]

السلام عليكم
انا اقترح انه لازم يكون فيه تحديد لمسافة الهدد يعني على سبيل المثال نقول ثلاثه كيلوا واتوقع هالمسافه يبين السبوق والصامل في نفس الوقت وانا عن نفسي يوم تقول ان كلاب الماجد محتكره البطولات والمهدات هذا الكلام غير صحيح لانه في كلاب لم تشارك في مهد معهما وعشان كذا واتوقع كل الاعضاء يبون ان تدخل كلاب الماجدعشان يبين الظابط من الجندي
وبعدين يالقحطاني اقصد (الخنيفر)
هل الغزلان انت بتجيبها والا اجار والا اللي قالك حط هالاعلان في المنتدى يا راعي الدتسن


وكل فيه حقه يالقحطاني (الخنيفر)

[القحطاني505]

الله يقويك انشالله

يقوي الجميع ولاهنت على المرور يالغلااا

[القحطاني505]

الله يكتب الي فيه الخير
وعلى العموم ما قصرت اخوي القحطاني 505
على مجهودك الا محدود وتقبل مرور اخوك المزيوووووون وشكراً

لاهنت اخوي مزيون بيرق على المرور والله يعطيك الف عاافيه

باذن اللي ماتنام عيانه راح يكون هدد منظم

[القحطاني505]

مزيون بيرق حرام عليك ترد وبس اقرأ الردود وشوف الخلل في هالموضوع


وشكراً لك

اخوي الطير الغنام وجهة نظرك وصلة والله لايهينك لاعاد اشوف لك رد الا بوجهه ثانيه والاعضاء يشوفون كل شي ويفهمون ومو غصب انك تفهمهم والحر يفهم بالاشاره

[القحطاني505]

اخوي الطير غنام والله كلامك صحيح لاكن كيف نمي ها الهوايه بطريقه ثانيه ارجو الافاده

ومشكور اخوي القحطاني 505

لاهنت اخوي مورد القيفان واللي يبغى يشارك يسأل شيوخ وناس تفهم بالدين ولاتنسى تقول عن الهدايا والله يعطيك الف عاافيه

[القحطاني505]

مشكور أخوي القحطاني
وعلى القوة إن شاء الله وإذا احتجتوا شيئ لاتتردد أنك تتكلم

اخوي ولد ال زايد نتشرف بمعرفتك وياليت تحضر سباق اقرب منطقه لك وانشاء الله خير واذا جاء تاريخها خل نشوفك ولاهنت يالغلاااا

[ولد الغرافه]

منها واذا تبي تعرف شي عن كلاب صالح ترى الذيخ انسبق عندنا في قطر في المهد اللي كان على السياره وبعدها باسبوع انسبق في الرياض وازيدك من الشعر بيت ان الذيخ انسبق من كلاب سامي الثاني وانسبق من ذيخ محمد بن عبدالله وكل هالمهدات مصوره ومثبوته يا اخ القحطاني على قولتك كل كلب في اللي اقوى منه وراح تثبت لك الايام هالشي هذي للمعلوميه فقط
وبعدين في واحد من الربع يبي يهد مع الذيخ قبل التصفيات وصالح رفض ممكن تساله ليش

[القـــناص]

السلام عليكم ورحمة الله وبركاته


الأخ القحطاني 505

بعد الإطلاع على موضوعك والنظر فيه إتضح أنه أحدى ألعاب القمار المحرمة شرعاً لأنه من شروطها الدفع المالي كما حددتها 200 ريال وستكون فيها جوائز وبالقياس على ألعاب القمار يتضح لنا أنها قمار صريح.

وأنصح أخي القحطاني 505
1- أن تكون هذه المسابقة وفق قواعد إسلامية

2- أن تلغى رسوم الإشتراك نهائياً (لأنها هي سبب التحريم وعدم الجواز )


3- أن الشرع لم يحل لنا اتخاذ الكلاب للسباقات أو للشهرة أنما أباح لنا اتخذها للصيد والحراسة

4- مراعاة حق الحيون فللحيوان حقوق فمن حقوقه عدم تعذيبه وأنتم ستقومون بتعذيب الضبي الضحية

( واعلم ان إمرءة دخلت النار في هرة حبستها لاهي اطعمتها ولا تركتها تأكل من خشاش الأرض )

أأمل إعادة النظرف ي هذه المسابقة وأتمنى من الإدارة الرقي بالمنتدى وعدم النزول به إلى هذا المستوى الدنيئ

والله لم أتكلم الا لإبراء الذمة

هذا والله أعلم

أخوكم في الله
الطير غنـام

ماازود شي على كلام اخوي الطير غانم...

[القحطاني505]

السلام عليكم ورحمة الله وبركاته

أخــــوي القحطاني505 الله يقويك انشاء الله ويكتب اللي فيه الخير
لاكن ل{بوش،،حلوى} لو يشاركون بالمهدات يكون افضل لكي
يبرز السلق القوي معها وسامحوني على الاطاله {وجهة نظر}

تقبلو تحياتي،،،،،،
أخـــ أبـ بـنـدر2755ـــــــــــــــــــــوـــــــــوك

والله انا من ناحيتي لكن اللجنه المنظمه رايها كذا وانشاء الله راح تشوفون مفاجأت ولاهنت يالغلا على المرور

[القحطاني505]

	يعطيك العافية أخوي القحطاني 505 على المجهود الطيب ونسأل الله التوفيق للجميع. بس لو تكثرون المهدات في المناطق أزين لإن في المنطقة الوحدة منهن يبيلها أكثر من مهد (رأي) الدمام فيها كم سلقة والراض والحسا والقصيم وووووو يعني المهد بصير فيه 640 سلقة. آسف على الأطاله بالتوفيق........

باذن الله راح يكون اكثر من ظبي متوفر ولاهنت يالغلااا على المرور