تكفون يا المكشتتيه .. ظربات البرد في سيارتي

[مهاجر الحزيره]

سلام عليكم يالمكشاتيه
اولا مبروك الغيث جعلها الله بركة الامه الاسلاميه وعم نفعها في ارجا الارض

ثانيا انا قبل يومين تعرضت لحبات من البرد الكبيره في محافظة القويعيه وتضررسيارتي نوع داتسون في الكبوت والتنده من ظربات البرد وصار الكبوت والتنده كلها دقات وطعجات . هل ممكن اصلاح هاذي االدقات بدون سمكره او تعديل.
ياليت اللي يعرف او صارت له مثل هاذي لابيخل علينا بتجربته ويفيدني ويفيد المنتدي.

ثالثا من يعرف بخاخ الفريزر حق الطعجات والدقات من صار له تجربه معه يفيدنا او عنده معلومات عنه
لاني سمعت انه ينفع للدقات في موقع قوقل..



.... تحياتي للجميع....

[العطة]

وعليكم السلام ورحمة الله وبركاته

فية ورشه في الصناعيه القديمه اسمها ماستر كار تصلح البرد والطعجات
هذا رابط قناة الورشة في البوتيوب
http://www.youtube.com/user/CARMASTER1389?blend=5&ob=5&v=5g5UobVPnWo&lr=1

ابوعبدالاله

[مهاجر الحزيره]

الله لا يهينك يالعطة

[أطلال نجد]

و عليكم السلام و رحمة الله

الحمد لله على سلامة


و الله يا أخوي طعجات البرد ما أعتقد أن لها حل نهائي لأن لو كان لها حل أول من سوتها الوكالات اللي تضررت سياراتها


لكني أبشرك أنها ما تأثر كثير على قيمة السيارة.


إذا كنت مأمن على السيارة ضد الأضرار الطبيعية .... أمطار بردية حريق فهم يعوضونك إن شاء الله


بالتوفيق

[مهاجر الحزيره]

شكرا اخوي اطلال نجد على مشاركتك في الموضوع ..والله يسلمك من كل شر. ولا يريك مكروه انت واخواننا المسلمين..

[أطلال نجد]

آمين و إياك ، جزاك الله خيراً

[العطة]

و عليكم السلام و رحمة الله

الحمد لله على سلامة


و الله يا أخوي طعجات البرد ما أعتقد أن لها حل نهائي لأن لو كان لها حل أول من سوتها الوكالات اللي تضررت سياراتها


لكني أبشرك أنها ما تأثر كثير على قيمة السيارة.


إذا كنت مأمن على السيارة ضد الأضرار الطبيعية .... أمطار بردية حريق فهم يعوضونك إن شاء الله


بالتوفيق

السلام عليكم

اخفقت اخوي وبقوة.
ليت تتكلم من علم او تلتزم الصمت.
سيارتي كان فيها برد وصلحته عندهم

ابوعبدالاله

[تميم2222]

شف فيه موضوع منزله انا اليوم ... عن اله ابحث عنها لمثل هذي الامور ... ارخيصه وتعالج الضربات ... سعرها في حدود 90 ريال انا ببحث عنها واذا لقيتها ارسلت لك خاص وانت بعد ابحث واذا لقيتها عطني خبر لاهنت

[أطلال نجد]

السلام عليكم

اخفقت اخوي وبقوة.
ليت تتكلم من علم او تلتزم الصمت.
سيارتي كان فيها برد وصلحته عندهم

ابوعبدالاله

و عليكم السلام

الأخفاق هو ردك بهذا الأسلوب

[قطب 999]

................................

[قطب 999]

السلام عليكم

اخفقت اخوي وبقوة.
ليت تتكلم من علم او تلتزم الصمت.
سيارتي كان فيها برد وصلحته عندهم

ابوعبدالاله

و عليكم السلام

الأخفاق هو ردك بهذا الأسلوب

كل واحد يصلح سيارته

[حر اليدين]

اخوي اذا تسال عن بخاخ فريزر ترى ماله فايده جربته في طعجة بسيطة في بدي هايلوكس جديدة ولا عدلها واذا تبي البخاخ انا عندي علبتين جديدة ماستعملتها راسلني على الخاص اذا كانك قريب من شرق الرياض وتراها صحة راسك

[العطة]

و عليكم السلام

الأخفاق هو ردك بهذا الأسلوب

عطني كلمه من اسلوبي فيه شي من السب او الشتم

وانا اعتذر لك

لكن تصف رد بالاخفاق غريبه.

ياخي الكريم اعطيتك معلومه مهمه وجميله, وكنت انت تجهله ومع ذلك لم تقل كلمه شكرا

ابوعبدالاله

[العطة]

كل واحد يصلح سيارته

ههههههههههههههههههههههههههه

حلوة


ابوعبدالاله

[أَبوابراهيم]

الحل ب70 ريال لو فيه مية ضربة