صورة تغريز ..... وما هي أفضل طريقة للخروج في نظرك

[محتري السيل]

السلام عليكم ورحمة الله وبركاته

الزبدة صورة تغريز كما هو واضح

نريد مشاركة الجميع وأهل الخبرة

لمعرفة أفضل طريقة للخروج من مثل تلك الحالة أذا كنت بمفردك
وذلك أعتمادا على الوسائل المتاحة لديك كما هو واضح بالصورة

وبالتوفيق للجميع

[جي اكس ار]

انا صار لي نفس هذه التغريزه وكنت لوحدي ووقت دوام 00واحترت وش اسوي 00من اتصل عليه 00بس فشيله 00وقت دوام ومغرز 00المهم نزلت تحت السياره من الجهه الخلفيه واخذت اجرف الرمل من جهه الخلف واسمع صوت طقطقه وخفت لايقبرنني الجيب 00ورجعت مره ثانيه ونفس الطريقه وبداء الجيب ينزل شوي شوي مع الخلف الي ان لامست الكفرات الرمل 00وبعد التنسيم وبالدبل طلعت ولله الحمد 00 وسيـــــــــــــــــــــــــــــــــــــــــــــــ ــــــــــــــــــده للدوام

[abufahad2008]

الظاهر التايوتا تقدر تطلع



بس النيسان شف لي حل الله يجزاك خير

[غالي]

فعلا تغريزة الباترول اعظم والي اشوفه فوق راس جبل

اليس احد منكم يوافقني الرأي لو يرقى فوق الكبوت او التنده او احد الصدامات ويرقصه (يهزه)
تتوقعون تنفع هالطريقه لين يتساوى ويطلع؟؟؟؟؟؟؟؟؟

[نديم السهر]

يعطيكم العاااافيه

موضوع مهم وخطير ليش؟؟


لأن بطن السياره معلق يعني لو مليون دبل ماينفع وفي الحاله هذي مظطر تدخل تحت السياره للحفر

والسياره اكيد بتنزل مع الحفر للذا الحذر الحذر خاصه لاكنت للحالك

[escape_man]

من وجهة نظري وتجربتي

مالك الا تحفر تحت الموتر لذلك الكريك لازم يكون من ضمن عدتي

صحيح متعب لكن الشكوى على الله

[عقـــــــــاب]

أولا أحتاج لعفريته ...
ثانيا الحفر ... أحفر إلين يلامس الكفر التراب( بغير وجيهكم ) طبعا الكفر الخلفي ...

والعفريته أرفع بها الكفرات الأماميه وكل مارفعت دفنت التراب تحتها وهكذا ... وهي بسيطه جدا ولاتحتاج لمجهود ...
وأنت يالزير يأبو ليلى المهلهل
فيبدو أن عشقك للتويوتا كعشقك لدم جساس ههههههههههههههههههههههههههه .
.

[cobrraa]

السلام عليكم ورحمع الله وبركاته
أخوي الحل سهل ..
بالجيك إرفع السياره من خلف التاير الامامي وكل ما يرتفع التاير شوي نزل تحته رمل وإرفع من جديد . بهالطريقه بيرتفع الموتر من الامام وبيكون سهل ترجع للخلف .
أخوكم ابو عمر

[ابوحماد]

السلام عليكم ورحمع الله وبركاته
أخوي الحل سهل ..
بالجيك إرفع السياره من خلف التاير الامامي وكل ما يرتفع التاير شوي نزل تحته رمل وإرفع من جديد . بهالطريقه بيرتفع الموتر من الامام وبيكون سهل ترجع للخلف .
أخوكم ابو عمر

أخوي ابو عمر طريقك هذي مستحيل تسويها شلون يرفع الفكر(التاير) على قولك و السيارة متعلقه في الوسط

[ابوحماد]

انا صار لي نفس هذه التغريزه وكنت لوحدي ووقت دوام 00واحترت وش اسوي 00من اتصل عليه 00بس فشيله 00وقت دوام ومغرز 00المهم نزلت تحت السياره من الجهه الخلفيه واخذت اجرف الرمل من جهه الخلف واسمع صوت طقطقه وخفت لايقبرنني الجيب 00ورجعت مره ثانيه ونفس الطريقه وبداء الجيب ينزل شوي شوي مع الخلف الي ان لامست الكفرات الرمل 00وبعد التنسيم وبالدبل طلعت ولله الحمد 00 وسيـــــــــــــــــــــــــــــــــــــــــــــــ ــــــــــــــــــده للدوام

هذا أهو الحل الوحيد وماغيرة بس الحذر من مؤخرة السيارة

[السنع كله]

مافيه غير الحفر وسحب الرمل مع كثير الانتباه لئلا يرتكي عليك يالله سترك وعافيك

[جي اكس أر 3]

انا صار لي نفس هذه التغريزه وكنت لوحدي ووقت دوام 00واحترت وش اسوي 00من اتصل عليه 00بس فشيله 00وقت دوام ومغرز 00المهم نزلت تحت السياره من الجهه الخلفيه واخذت اجرف الرمل من جهه الخلف واسمع صوت طقطقه وخفت لايقبرنني الجيب 00ورجعت مره ثانيه ونفس الطريقه وبداء الجيب ينزل شوي شوي مع الخلف الي ان لامست الكفرات الرمل 00وبعد التنسيم وبالدبل طلعت ولله الحمد 00 وسيـــــــــــــــــــــــــــــــــــــــــــــــ ــــــــــــــــــده للدوام

هذا الحل الصحيح في اعتقادي
تحياتي

[jmran]

السلام عليكم اخوي محتري السيل
افضل حل انك تعبي الكفرات الامامية هوا وتنسم الخلفية تنسيم بسيط وبعدها
مثل ماتكرموا اخواني تحفر من ورا وتهز من فوق الصدام الخلفي وعلى هالحال
الين تطيح الكفرات الي ورا وترتفع الكفرات الي قدام وبعدها تنسم الكفرات كلها ودبل وانشاءالله بتطلع

والحركة هذي مجربها في الرملة
كنا نسوي المجرور انا وخويي وتهيضنا مع النفود وصارالي صار ولا بغينا نراسل اخويانا لانهم صراحة بيضربوني انا وخويي ولاهم بي سلمونا طارة الربع اجل مجرور فوق قص

اما حركة العفريتة ما اظن انها تنجح لان العفريتة في الرمل ما ترفع تغوص في الرمل
اما التغريز القوية هي الصورة اللي بالجوالات للشاص العنابي
وشكرا جزيلا على الموضوع الحلو

[V I P]

المشكلة لو تغريزك مثل هذا الرجال وش بتسوي
http://www.m5zn.com/uploads/3aa6701752.jpg

[سلطان 22]

	أفضل حل انك تخليه مرجيحه واحد قدام وواحد ورى ههههههههه امزح الحل اول شي انزل من الموتر وقل بعض الادعيه الوارده اذا حلت بك مصيبه ومنها اللهم أؤجرني في مصيبتي واخلف لي خيراً منها و تعوذ من الشيطان الرجيم والى اخره من الادعيه. وبعضنا قد يستهين بها او ينسااها من وقع المصيبه عليه لاتنسا ان فوقك رحيماً كريماً اذاحلت مصيبه او مشكله اوكارثه وهذا اول ما تفعله. الشي الثاني ارتح شوي فكر اشتغل بالحفر بالكريك اومربوعه طويله لكي تسوي عملية هدم للرمل الي متكي عليه الموتر واهدم من اي جنب وايضا تتجنب زحف الموتر عليك او نزوله اثناء الهدم. اوتدخل المربوعه تحت الموتر تحط عليها العفريته وتسوي زي ماقلو الاخوان في ردودهم. وعلى ماقلو( كل حركه فيها بركه) وقالو بعد (طلعة البر قال ايه قال جاكم صعوبات ومشاكل من غراز او من خراب سياره او من الى اخره..... قال لا قال اجل ماطلعتو ) كلامي يحتمل الخطأ والصواب وما انا الا بشر وسبحان من لايخفا عليه شي في الارض وفي السماء رب الارباب