صورة تغريز ..... وما هي أفضل طريقة للخروج في نظرك

[الدحبول]

السلام عليكم ورحمة الله وبركاته

الزبدة صورة تغريز كما هو واضح

نريد مشاركة الجميع وأهل الخبرة

لمعرفة أفضل طريقة للخروج من مثل تلك الحالة أذا كنت بمفردك
وذلك أعتمادا على الوسائل المتاحة لديك كما هو واضح بالصورة

وبالتوفيق للجميع

1) قم بتنسيم جميع الاطارات الامامية و الاخلفية إلى 10
2) شغل الدبل الثقيل L.4 ويجي بالجيوب الدفع الرباعي المستمر L
3) إذا كانت في السيارة ميزة الدفلوك ( الترس التفضيلي ) شغلة
3) حاول إنك تدعس البنزين با الدريج إلى إن تتحرك إلى الامام في حال عدم التحرك أو التحفير حاول الرجوع إلى الخلف في حال عدم التحرك أو التحفير إنزل من السيارة
4) حاول إنك تشيل الرمال التي في منتصف السيارة التي تعيق حركت السيارة
5) حرك السيارة ويجب إن تكون جميع الأطارات تلامس الارض قم بتحري السيارة إلى المكان الذي تراه مناسب
في هذه الحالة على إساس الصورة الرجوع الى الخلف إفضل وسيلة
إنشاء الله ماتوقعون في هذه الحالة
إنا صارات لي مرتين وطلعت السيارة بنفس بي هذه الطرق

وسلامتكم من التغريز

[الدحبول]

الظاهر التايوتا تقدر تطلع




بس النيسان شف لي حل الله يجزاك خير

إصعب وضع الحمد الله ولا مرة صارت لي

بس الباترول فية ميزة الدفلك على الجميع الاطارات

[الوافي99]

الونش الونش خويك ركب وخذلك عمودين قويات متر او متر ونصف ومطرقه 3كيلو وريح بالك طق العمودين بشكل مائل وشنكرهن ويطلع الموتر بإذن الله.

والحل الثاني غير مكلف وهو العفريته اللي تنفخ قوعله (زبطله محل تحت السياره بالخلف) وانفخ ودوووووس لين ينزل ورح وخله:d .

[ابو؟؟؟]

:d :d :d دور احد يسحبك:d :d :d

[ضغط سحاب]

سهل جدا جدا


احفر من الخلف اشوي واركب فوق الصدام وشوية هزهزه وان شاء الله يطلع(مع احترامي لكل الردود)

[ضغط سحاب]

نسيت اقولك الموتر للبييييييييييييييييييع؟؟؟؟

[alkongrs]

انا صار لي نفس هذه التغريزه وكنت لوحدي ووقت دوام 00واحترت وش اسوي 00من اتصل عليه 00بس فشيله 00وقت دوام ومغرز 00المهم نزلت تحت السياره من الجهه الخلفيه واخذت اجرف الرمل من جهه الخلف واسمع صوت طقطقه وخفت لايقبرنني الجيب 00ورجعت مره ثانيه ونفس الطريقه وبداء الجيب ينزل شوي شوي مع الخلف الي ان لامست الكفرات الرمل 00وبعد التنسيم وبالدبل طلعت ولله الحمد 00 وسيـــــــــــــــــــــــــــــــــــــــــــــــ ــــــــــــــــــده للدوام

كلام gxrw صحيح ونا اوفقه الراي

[ناوي نيه]

يا في اي بي مب معقوله هاذي تغريزه
تحياااااااااااااااااااااتي

[ابوقاسم]

الحل طال عمرك لو كان عندك البالونة الصفراء او الرافعة البالونية تفيدك كثير وهي الوحيدة بعد توفيق الله اللي راح تطلعك من هالتغريزة
بس لو كنت مثل صاحبنا وش بتسوي


لوكنت لحالك وش بتسوي

[ابوحماد]

هذي مالها غير الونش بنفس السيارة تمد البكره مسافة تقريبا 20 متر وتحفر حفرة بحمق نصف متر وتسقط أسبير السيارة وتعلق البكره فيه وشوي شوي حتى تصل العزاز ومالها غير كذا وخاصه بأرض صبخه (موحله) من كذا

[عاشق السيل]

والله البلشة !!!!

الله لايحطنا بهالمواقف ،،

والمفروض الواحد يكون راكد وفنان وفاهم للطعوس ،، وإلا يكشت على الرصيف أحسن له
( طبعا ما أقصد أحد من الأعضاء )

عاشـقالسيل

[ولد ويبار]

وش الله حادك تروح للبر......................................

[سندهم]

_______________________________________


البالون "العفريته" بحيث يوضع تحت السيارة وينفخ بالشكمان لرفع السيارة من منطقة التغريز .



والله يعطيك عافية

[فهد 1426]

نزل فرشتك واكشت وعين من الله خير ـ لين يجيك الفرج !!!!!!!!!!!!!!!!!!!

[اسهيل]

انا اعتقد لوكان الجيب فيه دفلك كان بمجرد لف الكفرات يمين ويسار طلع الجيب