صورة تغريز ..... وما هي أفضل طريقة للخروج في نظرك

[الجنوبي جنوبي]

انا اقول احسن طريقه زي ماقال احد الاخوه اسحبو منهم المفاتيح لان طريقتهم خطاء ولا لاجيب ولاغيره يطمر كذا

[عبدالله الضويان]

للرفع
يمكن احد يجيب افكار جديده

[ذئب اليل]

مساء الخير حسب تجربتي افضل شي تستخدم عفريتت شكمان وهي افضل من العفريته العاديه الانها ماتغوص بالرمل ومسحاةأم ذراع طويل واسحب الرمل من تحت السيارة وسلامتكم

[قطن]

استخدم الونش

[arab]

مساء الخير ,
والله إذا كانت تغريزت أوادم صح , أول شئ المفروض تسويه تخفف هواء السيارة علشان تطلع مرتاحه ومايتضرر القير ولا المكينة , مهما كان حجم التغريز؟؟؟ ,

أما أخينا في الله فهو هـــــاجتنبه ""ودك من يدفره وياخذ منه المفاتيح ويقول الوعد قداااام...

[.أبوعبدالرحمن]

الله يعطيكم العافية


يا اخواني ما قصرتوا

[راعي المجمعة]

ياليت بموضوع يكون افضل تغريزة والكل يشارك بماجادة بة نفسة والشكر مردود لصاحبنا محتري السيل الله يعطية العافية

[YUKON_GMC]

_______________________________________


افضل طريقة ان تسحب مفاتيح السيارة من هالشخصين لان النفود ما ينطح كذا الا اللي يبي ينقز و ينط مسافة كبيرة وهي حركة استعراضية تحتاج الى سرعة و ارض متواسية قبل النفود المراد نقزه ... لذا وبناء على فشل هذين الشخصين في محاورة عظمة النفود يجب ان تسحب منهم المفتاتيح لعدم احترامهم قوانين وفنون التطعيس

صدقت والله وانا كنت برد بنفس الرد

ان الطعس مايقطعه بالعرض كذا الا الغشيم ... لأن فيه اخطر من التعليق .. وهي النزول في مكان خطر او صدم سياره اخرى او دهس متنزهين ..

[سعلي]

خلونا نفهم المشكلة اول قبل الحل
على افتراض ان الكفرات الاربع تدور بوش
فاعتقد يحتاج حفر من تحت السيارة لين يتعب
والافضل والسلامة لا يعدلها شيئ يتعوذ من ابليس وينتظر المدد من الله ثم من الناس
احسن ماتطيح السيارة على دماغه على قول اخواننا

[myking]

هذي اسهل طريقة لها من واقع تجربه إذا كانوا شخصين واحد يرفع السياره من المقدمة والثاني يرجع ريوس<<<< حدثت لي وهذا افضل حل.

[جديعان]

فيه طريقه ارفع كفر كفر وحط تحته حجر وتوكل على الله
مجرررررربه

لبغيت ترفع بالعفريته حط تحتها صفاااه

[فل ابشن]

احسن طريقه تحفر تحت الموتر

[واطي الجمرة]

يرفع من الصدام الأمامي ويطلع على ورى

[abo_basil]

بالنسبه للاند يرفع من الامام بوضح حجر او وضع اي شي منبسط معه مثل ساتر النار حتى لو فرشة السياره ويتم الرفع بالعفريته ويرجع ريوس
-النيسان الوقوف على الصدام الخلفي والهز ثم النزول والقيام بمحاولة دف السياره يمين ويسار من الجانبين حتى تنزل السياره ويتم الحفر اذا منزلت والرجوع للخلف او الى الامام حسب اتجاه نزول السياره
- بالنسبه للطين يتم الحفر ووضع الحجر واذا يوجد مربيع افضل لجميع الكفرات والاتجاه بالسياره لافضل مكان يكون عزاز
من واقع تجربه والحمدلله تم النجاح بدون الحاجه للسحب وطلب المساعده

[سرطوقا]

في هالتغريزه انا ارى انك تحفر وتطلع السياره من الخلف وشكرا لك