أسم كبيرومعلومات كبيره
أشكرك من الاعماق على ماتقوم به من عمل رائع
ولي عوده بإذن الله ببعض الأسئله ووفقك الله اليوم وكل يوم
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
أسم كبيرومعلومات كبيره
أشكرك من الاعماق على ماتقوم به من عمل رائع
ولي عوده بإذن الله ببعض الأسئله ووفقك الله اليوم وكل يوم
قبـــورنا
تبنــــى
ونحــــن
ماتبنــــا
ياليتنــــا
تبنـــــا
من قبـــل
ما تبنـــى
غدرني زماني
ووفقك الله ايضا في الدنيا والاخرة وجعل اجمل ايامك يوم تلقاه(وفي انتظار اسئلتك في اي وقت ).لك كامل الاحترام والتقدير.اخوك السر الكبيرالمشاركة الأصلية كتبت بواسطة ولد حموله
طيب يا سرنا الكبير انا قبل اسبوع تقريبا كنت في غوصه من قارب وسارلي موقفين خلوني افكر بالغوص كتير وهل كنت حقدر احلهم لو ماحد ساعدني ولا لا
انا رخصتي ادفانس
طبعن طلعنا بقارب واول غوصه كانت في جدة في منطقة شعب نزار وكل واحد شاف البدي اللي معاه وانا اللي معايا كان اوبن واتر والمدرب قلي قبل لا انزل لا تنزل تحت 60 قدم
المهم انا قلتله اوكي ونزلت ومعايا الغواص اللي رخصته اوبن واتر
ولقينا اربع غواصين من نفس البوت حقنا معاهم مسدسات وماشيين ومشيت وراهم واللي معايا مشي ورايا ونزلنا لين 40 قدم وانا بطالع بالقيج تبع العمق كل شوية وماعدينا الأربعين قدم
وبعدين لمن طلعنا الكابتن في القارب قلي كم نزلتو قلتلو اربعين قدم قلي وريني الرقليتر حقك وريتو هوا طلع الرقليتر حقي بالمتر <<< لا وابشرك اللي معايا اوبن واتر كان اخو الكبتن اللي قاللي لا تعدي 60 قدم ههههههههههههه
والمشكله الغواص اللي معايا لمن طلعنا من المويه قلي ما وقفنا وقفة سلامه لأني طلعت معاه علطول على فوق
قلتله لا ماعليك ما نزلنا عميق عشان نوقف وقفة سلامه كلها 40 قدم وقفة السلامه في الديب بس <<<< اتفلسف كمان ومسوي معلم
قللي طيب واقتنع وسكت
المهم مو هنا المشكله
لمن كنا في 130 قدم وانا وقتها اعتقد اني كنت في 40 قدم وزي ماقلتلك ماشيين ورا الغواصين اللي معاهم مسدسات جنب الريف والريف منحدر لتحت مو باين لفين العمق المهم كان قدامي ثلاثه غواصين بمسدسات وورايا البدي حقي حق الأوبن واتر وغواص ثاني
المهم انا في الوقت دا انفكت الأسطوانه حقتي وانا مني حاسس فيها وبدأت تطيح لولا انه الغواص اللي ورايا جا مسكها ودقني يقلي خليك واقف مكانك
وانا مني عارف الى الآن انه الأسطوانه طاحت وبحاول التفت اشوف ايش الموضوع بس مافهمت لين جاني الغواص الأوبن واتر وقلي خليك واقف لا تتحرك واللي ورايا بدأ يركبلي الأسطوانه من جديد في مكانها في البي سي دي وقفت شوية وركبلي هيا وقلي خلاص تمام امشي
سؤالي عن الحاله السابقه
طيب لو انا مامعايا غواص خبير يعرف يتصرف بموقف زي كدا او اصلن كل الغواصين كانو قدامي وما انتبهت للأسطوانه ايييييييييش اقدر اسوي ؟!؟
ايش الحل في الوقت دا طاحت اسطوانتي وما حسيت فيها لاحظ كلمة ماحسيت فيها مدري لو طاحت زياده على تحت ومحد مسكها ايش كان سار ..!!
المهم الموقف الثاني
بعد ما ركبلي الأسطوانه واحنا بنفس الغوصه مشينا بمحاذاة الريف وفجأة واحنا نمشي دقني الغواص اللي جنبي حق الأوبن واتر وقلي شوف انتبه ..!!
طالعت مكان ما بيأشرلي لقيت قرش جالس يلف حول واحد من الغواصين وكان معاه مسدس ويحاول يقرب منه والغواص ماسك المسدس ومصوب ناحيته ومكان مايروح يتبعه بمسدسه ويلف ويرجع لنفس الغواص ويحاول يقرب منه , قام الغواص اللي معاه المسدس فك السمك اللي صادو ورماه للقرش .
القرش ساب السمك ما اكله وبرضو بيلف حولين الغواص وبيحاول يقرب منه ولكن الغواص حامي نفسه بالمسدس وبيحاول يبعده بمسدس
طبعن انا وقتها كنت ميت خوف بس اللي طمني في ثلاثه معاهم مسدسات الغواص اللي واقف قدام القرش و اثنين ثانيين جالسين يتفرجو عالموقف معايا فأنا علطول رحت وقفت وراهم وجلست اتابع الموقف لين اشرلنا الغواص اللي قدام القرش وقال اطلعو على فوق اتركو المنطقه خلاص
وطلعنا وبعدنا عنه وهوا سحب نفسه برضه وعينه ومسدسه عالقرش
على فكره القرش ماكان كبير يعني متر ونص او مترين شي زي كدا بس انا اول مره يطلعلي قرش فخلاص انتهيت
وطبعن اول ما اشرلنا الغواص راعي المسدس انو نسيب المنطقة انا اشرت للبدي حقي وقلتله يلا عالقارب وجري من 130 قدم ليييييييين القارب بدون وقفة سلامة
لأني وقتها كنت اعتقد اني في 40 قدم
المهم سؤالي في هذه الحاله
افرض انا نازل مع واحد وما معانا مسدسات وجاني القرش وبيحاول يقرب مني وماعندي مسدس امنعه ولا ابعده فيه وهوا قدامي وانا عندو على عمق 40 متر ..!!
يعني حطيت نفسي مكان الغواص اللي معاه المسدس بس بدون مسدس..!!
وقتها انا ايش المطلوب مني اني اسوي ..!!؟؟
ايش التصرف الصحيح اللي اقدر اتصرفه ..!!؟؟
اعذرني عالإطاله ياسرنا الكبير بس انا لمن طلعت من الغوصه دي وشفت كمية الأغلاط اللي ارتكبتها واول مره تسرلي جلست افكر وماعرفت كيف كان ممكن اقدر احلها لو ماكان معايا ناس لهم خبره فحبيت اقلك كل شي سار بالتفصيل عشان تفيدني بالشي اللي المفروض اسويه .
1) العمق ووقفة السلامه .
2) الإسطوانه طاحت .
3) القرش .
مو كإني جبت العيد؟!؟
الأجابة........هل انت متأكد ان مافعلته كان(غوصا).............أخي الكريم (انت ومن معك لم تكونوا محترفين وانما كنتم على اعلى مستوى من(الاستهتار والغشامة الواضحة )ارجو ان لاتغضب لأنني اشعر الأن بالغضب الشديد(ويجب ان تستمع لي جيدا لأنني احبك واحب الغواصين كأخواني وابنائي)
اولا-كيف غواص متقدم ولاتعلم هل معك(معدات بالقدم أو المتر)من أعطاك دورة متقدم؟؟؟؟؟؟؟؟سامحه الله
ثانيا-كيف تصطادون انت ومن معك المحترفين القدامى على عمق(130قدما)وتقضون كل هذا الوقت هناك(تتابعون القروش وتصلحون الاسطوانه و..و...و الخ.........هل انتم فعلا غواصون؟؟؟؟؟؟؟
ثالثا-كيف تسقط الاسطوانه وهي مرتبطة بالمنظم؟؟؟؟كيف تسقط اسطوانه؟؟؟لم اسمع بذلك في حياتي....هل انت متأكد ان معك شهادة غواص متقدم؟؟؟ومن اعطاك الشهادة؟؟؟؟
رابعا-كيف لاتعمل توقف السلامة؟؟؟؟حتى ولو لم تكن في عمق؟يجب ان تعود نفسك على ذلك
خامسا-اين (زملائك المحترفين)بعد ان اخبرتهم بقصتك على القارب(ماذا فعلوا؟؟؟وهل اعطوك اكسجين؟؟وهل وهل؟وهل؟...........طبعا لم يحصل
سادسا-قرشا (طوله اقل من مترين)تعطونه السمك وتتابعونه بالبنادق وتهربون من للاعلى من عمق 130 قدما................سبحان الله.......
سابعا-كم امضيتم على هذا العمق من الوقت؟؟؟طبعا لاتعلمون؟؟؟؟لانكم مشغولون بالسمك والقرش وغيره......
ثامنا-الحمدلله انك مازلت على قيد الحياة انت وصاحبك........لكن ليس كل مرة تسلم(الجرة).............وسيأتيك من يقول ان السرالكبير يبالغ وان الامور سهله.....................وان وان وان.........فلاتستمع لهم فاءنهم اعداء(النجاح وقتلة محترفون)
اخي الحبيب........اعد دراسة دورتك(المتقدمة)وقيم نفسك .......وليكن غوصك آمنا......فاءن عائلتك بحاجتك.............اللهم قد بلغت اللهم فاشهد
أكيييييد انا ماسألتك الا عشان اسمع كلام واستفيد منك يا استاذي
والله اول مره اعرف انه في معدات بالمتر كانت بالغوصه دي ما جات سيرتها لا في الأوبن واتر ولا الأدفانس
اللي كانو بيصيدو ما انتبهولي اصلن لمن طاحت الإسطوانه كانو قدامنا واللي كان ورايا غواص ثاني والأوبن واتر البدي اللي معايا هما مشيو واحنا جلسنا لين ركبت الاسطوانه تاني ولحقناهم لقيناهم عند القرش
يعني انفكت الربطه حقتها في البي سي دي ونزلت على تحت اتزحلقت من البي سي دي بس الريقليتر كان في فمي ماحسيت بشي لأنو الغواص اللي ورايا جا مسكها ورفعلي هيا وربطها ثاني
ان شالله اوقف وقفة سلامة بكل الغوصات بس انا اللي كنت اعرفو انها مهمه في الديب بس
ما حصل ونزلت غوصه ثانيه وثالثه في نفس اليوم
انا جلست اتفرج ولمن قلنا امشو اللي كان قدام القرش كلنا مشينا وانا والبدي حقي مشينا مررره عالقارب والبقيه ماطلعو قعدو تحت كملو غوصتهم..!!
يعني ماقلنالهم طالعين اتفاهمت مع البدي وطلعنا لحالنا
مدري ما كنت لابس ساعه بس لمن نشوف الهوا حيخلص نطلع ..!!
مشكور عالرد والنصيحه يالسر الكبير وان شالله اخد بنصيحتك
معتزل
انت شاب طيب ومؤدب جدا وتحب التعليم والفائدة واسلوبك في الرد(أحبه جدا)فهو دليل الصدق والامانة وحب الخير وحسن السريرة..................الحمدلله الذي انجاك مرة اخرى وخصوصا انك نزلت (مرتين)بعد غوصتك(القاتلة الاولى) والحمدلله ان (النتروجين)لم يقتلك......وخصوصا انك لاتعلم الوقت المقضي في الاعماق........................لاتعد لذلك النوع من الغوص مرة اخرى.........وليرعاك الله ويحفظك
الذين يشاهدون الموضوع الآن: 1 (0 من الأعضاء و 1 زائر)