هاجوس
مناسبة القصيدة سئل احد الصحفين في الجريدة عن رشيد الزلامي ويسئل عن قصت حياته واين يعيش الان فكانت هذه القصيده رد لسؤاله .
يقول الشاعر / رشيد الزلامي
البارحة والناس غافين وهجــــــــوع = جتني هجوسي وردن ساريـاتي
والليل طال وخط الارسال مقطـــوع = يالليل ياطولك متى الصبح ياتي
بدرت ساعاتك على كومة الـــــكوع = مالي نديم الى الثلاث الخــواتي
صفر الدلال الي بها الهيل مشـــموع = بشكال ورناقن معه لايقــــــاتي
وصبحت من كثر الهواجيس مفجوع = وفكار قلبي شردن ســـارحاتي
ياسائلاً تسأل ترى الصوت مسـموع = ومانشر بالصفحة قريــته بذاتي
سويت لي نشروع من غير مشروع = والزمتني بالرد دون شـــهواتي
اكيد عندك يافتى الجود موضـــــوع = والى مسومبك زمانك ســـواتي
مسقيك من علقات الايام قرطـــــوع = تسمع صراعي فية ومغامراتي
أن كان هذا الامر بالشكل والــــنوع = خل الامر لمكون الكاينـــــــاتي
ساير زمانك كان لك قلب وظلـــوع = ورج الفرج بيامك المقبـــــلاتي
ونكان ما طاعتك خلك لها طـــــوع = منتى بضاربها برمح الزنـــادي
اما سؤالك ماجـــــــوابة بممــــنوع = ولولى الحيى وسرارة الخافياتي
لجاوبك لو مامعي منك منـــــــفوع = تحب تعرف كيف قصة حيــاتي
حيات ذيب عايش الفقر والجــــوع = لليلة يبات ولليلة ما يـــــــــباتي
اعيش عيشة ذيب والراس مرفوع = ون قل مالي عز نفسي عنـــاتي
ارجو ان تنال اعجابكم
ولكم تحياتي ابو طلال