الله على الربيع.

[البري]

السلام عليكم ورحمة الله وبركاته .
والله ياشباب اني توني جاي البارح من روضة خريم وش اقولكم شي يروع القلب ربيع على كيف كيفكم والارض تقول اتها زولية خضراء والروضة بعد ممطوره قريب والجو شي خيالي .بس تمصعنا وتفتقت جنوبنا من شيل العزبة لانه طبعا ممنوع دخول السيارات ولكن الربيع الي داخل الروضة يستاهل التعب والشيل والحط .

[الهاوي]

تسلم والله ياخوي البري على هالتقرير المفصل عن روضة خريم
وعسى الله يزيد الربيع والخير امين يارب العالمين

[الخبير]

السلام عليكم
تصدق يا البري اني انا بعد كنت الخميس في خريم و الدعوة ربيع يفتح النفس ، البلا انه داخل الروضة احلى من برا بواجد ولا تقدر تاصله إلا مشي على الرجلين لانه مسور و اذا دخلت داخل ممنوع تشب ضو ولا شئ و يمتحنونك المجاهدين و الله المستعان .

[مساعد]

سمعت خبر ما ادري عن صحتة انهم يشبكون الفياض الي بالصمان!!!!في احد عندة معلومات يفيدنا مع الشكر

الله يستر لايشبكون علينا ببيوتنا

[مخاوي الذيب]

والله انك صادق يا البري ربيع يهول لكن الاحسن لو تروح شمال كان تلقى الربيع الي على اصوله لا اسوار ولا مجاهدين ينكدون عليك
ومشكووووووووور على التقرير الحلو

[راعي كيف]

أحستت ثم أحسنت

[الهاوي]

والله اخر ما سورو فيضة حسناء السبق بعدها مدري لحقة شيئ والا لا ....

[مساعد]

الله يعين ...تصدقون انهم اهدوا حرس البادية الاردنية 100 جيب شاص لزيادة الدوريات على الحدود يعني مافي مقناص حتى بالاردن...اول معهم جيوب روسية ماتلحق الجربوع بس هلحين"جاك الموت ياتارك الصلاة"......رحنا فيها ابو زنادة بكل مكان

[الهاوي]

ان رفعنها لشارب وان طمنتها للحية
وغني ياليل ما طولك ..............................

[ابوخالد]

ياليل ماطولك ياليل ماطولك وبعدين