بسم الله الرحمن الرحيم
وجبة الطشت
هذي الطريقة جديدة
وهي تتلخص في الأتي:-
1- شب الضو ( الله لا يهينك ) وخلها لين تصرم*.
2- قطع اللحم إلى قطع صغيرة كبر كف اليد ثم حطها
في قدر وحط عليها خل و صلصة الصويا وبهارات
وملحوغطها وخلها شوي .
3- جهز عندك فروش* قوية .
4- حط الفروش على الجمر وصفها مثل صف المضبي .
5 - صف اللحم عليها ولا فيه مانع انك تحط اللحم على بعض
لأنه بيستوي على كل حال .
6- هذا هو السر ( تجيب طشت* ) وتحطه على اللحم اللي صفيته
ثم تدفن حوايف الطشت بالتراب ( في وجه العدو ) ثم تحط شوي
جمر على ظهر الطشت .
7 - احسب ساعة للحم وساعة الا ربع للدجاج ( ان كنت من طيور الدجاج ) .
خلال الساعة لا تجلس فاضي جهز الطحينه و العسل و الكتشب والمايونيز
والشاهي ( ترا للشاهي طعم غير شكل مع اللحم المشوي )
بعدها سم الله وكل بالهناء والعافية
---------------
تصرم الضو= يعني ما عاد فيها عود يشتب وكلها صارت جمر .
فروش = جمع فرش وهو الحصاة الملسا المسطحة ( مثل حجر المضبي ) .
طشت = هو وعاء زي الصحن بس له حوايف كبار وطويلة ( منول يستخدم للغسيل باليد ) .
واذا ما عرفته اسأل الوالدة وتعلمك
15 نوفمبر 2015 - 16:514 نوفمبر 2015 - 21:27
 |
لو انها وجبه همبرغر ؟؟؟؟؟؟؟؟؟
لانه بيني وبينك ؟؟
ـــــــــــــــــــــزح
.
