ليش يا حبار ؟؟؟ حالة غريبة

[عقام الرايس]

السلام عليكم ورحمة الله

قبل يومين كنت اسنكر على احد الشعبان وشاهدت مجموعة من الحبار مسوين صف في وسط البحر كانه صف صلاة بس بين كل وحده واختها نصف متر تقريبا !!

كأنهم ماخذين وضعية هجومية او دفاعية لما شافوني ؟؟ خليكم معايا صف كل وحدة بجنب اختها ماهو طابور ورا بعضهم

والغريب انه صف منتظم تماما ولا وحدة مختلفة عن خوياتها

احد شاف هذا الشي او عنده فكره ؟؟

[O M A A R]

مو المدرسة جأت خلآص يمكن رآيحين< دعابة

ما أدري يَ صاحبي عن هالشيء ، لكن أكيد نأوين على الصيد

تحياتي

[بحري999]

يمكن يكون موسم تزاوج الحبار

[jwan]

بلعادة الحبار الاحمر او الكليماري يمشي بمجموعات وصحيح يمشي كنه صف عسكر ويغير لونه عندما تقترب منه ولكن صيده سهل بلمسدس موفق

[عقام الرايس]

اهلين اخوي عمر ودعابتك مقبولة الله لا يوريك حزن

اخي بحري .. انا قلت يمكن تزاوج بس هم واقفين صف جنب بعضهم وبين كل وحده والثانية مسافة نصف متر ... بس صراحة منظر بديع ولا كانك في العسكرية

[عقام الرايس]

اهلين يا عمده ... والله لو تشوف المسدس الي معي ما تقترح علي اصيده ههههههه

يا راجل خمسة ولا ستة حوتات اضربها بالمسدس ولا يخش السيخ فيها والحوته المسكينة تنجرح وتحط رجلها صرت ما اضرب الا والمسدس في خشم السمكة

من القهر رحت لجدة اشتريت سيخ لمسدسي البوشات كاليفيرا ب 150 ريال والله يعوض

[Makaveli]

غريبة والله الحبار هذا معجزة
جابو عن سر تلوين جلده بالألوان كأنه شاشة رقمية
ومن دقة المعلومات ماقدرت أحفظها وسبحان الله

لو كان بين الحبار والحبار نصف متر وهو في صف واحد منتظم
خليه يجي يتفرج علينا مانقدر نسوي صف للصلاة وإحنا أصباع في أصباع !!!!

[zidzod]

السوال المهم لو بضرب بالرايف من بداية الصف
كم حبار اقدر امسك؟؟؟ >>>>متحمس

[jeddal]

هذي المجموعة من الحبار كانوا واقفين دقيقة صمت على ولد عمهم اللي صادوه مجموعة فلبينيين تنتمي لجماعة ابو سياف

[ابو عمار الحربي]

الحبار صارلي معه موقف مضحك مره كنا نازلين سنوكر وقابلنا مجموعه من الحبار بس كانت وحده منهم كبيره في الحجم ممكن تجي نصف متر اشار عليها خويي وكانت علي عمق سته متر نزلتها وضربتها بالمسدس وجبتها لخويي اركبها في الهك حقه فقامت تبخ حبرها بشكل رهيب فسوت زي كورت الدخان فوصل الحبر علي وجيهنا وغطا كل شي من حولنا ونعدمت الرئيه فقام خويي ايكح ايكح علي باله انه انكتم من الدخان فصرت اضحك عليه ومستغرب من ردت فعله

[مجنون عجلان]

ماشاء الله يمكن انهم عسكر مستجدين وينتظرون المدرب هههههه

[البحر إدماآان]

انا شفت نفس ذا الموقف
بس سنوركل
والله الواحد لما يشوفهم
مايقوول الا سبحان الله
على جمال الحبار تحت
المويه

[بو غزاله]

سبحان الله . ولله في خلقه شؤون .

[الرحموني]

هلا وغلا با ابو فهد

كيف حالك ان شاء الله بخير

تصدق قبل كذا شفت الحبار مرصوصين بهذي الطريقة

واحنا نسنكر في شعب مخارج


بس ما اعرف تفسير لهذي الحالة

تحياتي لك يا ابو فهد

[عقام الرايس]

السوال المهم لو بضرب بالرايف من بداية الصف
كم حبار اقدر امسك؟؟؟ >>>>متحمس

الجواب لو ضربتهم بالمسدس الي كان معي كان الحبارة الاولى عطت السيخ كتف قانوني ورجعت للصف حقها >>>>>> مقهور


بس ابشرك الاسبوع القادم ان شاء الله بالكاليفيرو الفسقان وجايني ف الطريق اكس فاير يشق الحجر

تحياتي