طريقتي في السفر عجيبه غريبه تختلف عنكم تقريبا
(طبعا السفر بصحبة العائله)
اجهز اغراض السفر من يومين كل شي يكون بمكانه ، مع العلم انني احب اضع معظم الاشياء الغير اساسيه في الطريق في الشناط والتي اعرف انني لن استخدمها الاى في مدينة الوجهه فهذه قبل يوم من الانطلاق اقرب شركات ترحيل تسبقني ازين والقيمه رخيصه ياربي لك الحمد ولا اتعب في شيل وحط في الخط وسيارتك تكون خفيفه الا من حمولة العائله .
الانطلاق
لا يتبقى معي بالسياره الا عدتي فقط واشياء خفيفه مثل بعض المأكولات او المشروبات البارده . وكم شريط كرتوني للاولاد للتسليه في الخط ( الله يصلح اولادنا واولادكم).
دائما تكون انطلاقتي من بعد التاسعه مساء بقليل لسبب بسيط انا من الذين اذا شعروا بالنوم او طاري النوم لا اتحرك بل اقف وبالعاده اتوقف في محطات ساسكو وهات لك نومه ان شاء الله ساعه ساعتين اللي هي المهم اني ما امشي بالطريق وانا فيني ذرة نوم فاللي معي ارواح وهم امانه وروحي بعد امانه ليه القي بهم في التهلكه .
دائما تكون سفرتي بالصيفيه للطائف . ما اذكر اني دشيت الطائف الا بالصباح . تدرون ليه
اول ماتاصل الطائف دور للاكلات الشعبيه اللي من جد مفتقدينها بالرياض الا من اسمها
تاخذ فطورك وفي اقرب مكان بهالحدائق وسفط الموتر وانزل استظل بالشجر
جو بااااااااااااااااااااااااارد وفطوووووووووووووووور
وان كان فيني شده تقهويت
بعدها اقضب الموتر، العائله كلهم مستانسين وعلى البيت ونكمل مابقي من بقايا النوووووووووووووووم
ملاحظه اذا كنت تسير في خط لاول مره فلا انصح بالسير فيه ليلا لانك ماتدري وش قدامك بهالخط واين اماكن المحطات وعلى قولتهم النهار له عيون
وسلامتكم
تقبلوا تقديري