ارفع رأسك الآن الساعة الثالثة والربع بعد الظهر وشاهد الهلال وكوكب الزهرة

[Abdulrahman35]

اللي شوفه شجر لا يطالع ولا يدوره الحين واللي عنده انحراف نظر برضوه ينسدح لين المغرب

واللي عنده عشاء ليلي شفاه الله ينتظر لين الساعة خمس لانه ما رياح يشوفه في الليل

واللي ما يشوف زين او عنده ضعف نظر لا يعلق عشان ما نعرفه ههههههههههه

الشكر ياصوت الحق

لالا ما عليك شفناه

[لحظة إنتظار]

اللي شوفه شجر لا يطالع ولا يدوره الحين واللي عنده انحراف نظر برضوه ينسدح لين المغرب


واللي عنده عشاء ليلي شفاه الله ينتظر لين الساعة خمس لانه ما رياح يشوفه في الليل

واللي ما يشوف زين او عنده ضعف نظر لا يعلق عشان ما نعرفه ههههههههههه

الشكر ياصوت الحق

ههههههههـــــــه

الله يقطع شرك يا راع الإبل ما تجوز من هالسوالف ...

[عبدالله هدد]

اخي العزيز الكلام هذا متى
يوم قريت الخبر طلاعت
مشفت شي الكلام هذا
الساعه 4 العصر اليوم

وشكــــــــــــــــــــرا

[لحظة إنتظار]

ابشرك شفته ياصوت الحق وبوضوح 00 طبعا الجو عندنا صافي بالقصيم من الأتربه

بو عبد الله خاف أحد ينظله قال (طبعا الجو عندنا صافي) .

[صوت الحق]

طالعت كل الاتجاهات وما شفت شيء وانا اخوك علمنا أنت شايفه والا خبر من أحد 00

لم أنقل إلا عن نفسي دون وساطة وصدقوني لايحتاج قوة نظر فقط تحديد المكان

الذي في الغربية الفرق عن الرياض بحدود 20 دقيقة

بعد المغرب لن ترى الزهرة لأنها ستختفي وراء القمر

كبد السماء أصفى جوا من قرب الغروب فهي الآن أكثر وضوحا من آخر النهار

[صالح الربيعان "برق السناف"]

بو عبد الله خاف أحد ينظله قال (طبعا الجو عندنا صافي) .

ماشاء الله عليك يابو هادي ذكي في كل مجال 00 عجزنا عنك

[خالدالعلي]

تراي داخل على الموضوع عشان اقولكم اني ماطلعت ولا شفت بس اني الحين بطلع اشوف واذا شفت شيء بقولكم

[رعود الفجر]

الجوو مغبر منيب قادر اشوفه

[المهذب111]

طلعت الحوش وماشفت شي
طلعت السطوح وبرضوا ماشفت لا هلال ولا زهره

[راع الابل]

بانت الفضائح عند بعض الناس ههههههههههههههههههههههههه

االلي يقول لالا معليك شفناه هههههههههههههههه وهو ماشافه

واللي يقول مدورة الساعة 4 ولا شفت شي هههههههههه

واللي يقول ما طالعت للحين هههههه وهو ماشافه

واللي يتعذر بالجو يقول مهو صافي هههههههه وهو ماشافهواللي شافه يقول الجو صافي مرة ..........خايف ههههههههههههههههه

المذهب اسكت بالا فضائح لا تعلم على روحك

يالله عطونا العلوم

[فزاااع]

صوت الحق الله يجزاك خير
يخوك والله اني عيوني دمعت من كثر التبريق بالسماء وكل شوي وانا منزل عيوني قامت تدامع
لكن منا الي الساعه 6 يمكن اشوف شي

[خالدالعلي]

ابشرك ياصوت الحق يشهد الله اني شفته وشفت الزهرة وحاولت اصوره بالجوال بس ما طلع معي شيء والزهرة كنها بين قوسي الهلال حتى يسهل على المشاهدين رؤيتها
هذا عندنا في الدمام

[أبــوريـــان]

السلام عليكم ورحمة الله وبركاته

جزاك الله خير اخينا صوت الحق على التنوية

تمت المشاهدة في بريدة مع صلاة العصر

وهذي بعض الصور وعساها تكون واضحة




وهذي صورة لتوضيح

[مراسل/مكة]

ماشفت شي وعيوني تدامع من كثر التركيز

المشكله نزلت البيت معد ادري وين الغرف ظلااااااااام الين بدات تتضح الرؤيه شوي شوي

[مسافر1]

ما شاء الله .
شفته لكن في صورة أبو ريان جزاه الله خير ..