بسم الله الرحمن الرحيم
السلام عليكم ورحمة الله وبركاته....
هذه القصيدة , يرجح انها قبل ثلاثة قرون ( 300 سنة ) تقريباً , وهي لراعي البير , ونظمها في الشيخ سعدون بن محمد بن عريعر , الذي عاش من عام 1093هـ إلى عام 1135هـ , فقد كان الشيخ سعدون مولعاً بالصيد , وربما سافر لأجل الصيد وابتعد مسافة شهر كامل , وكان يكرم الشعراء عندما يفدون إليه , وعن ابتعاد الشيخ هذه المسافة الطويلة , قال الشاعر راعي البير :
doPoem(0)
مراقي العـلا صعـب شديـد سنودهـا
مكـاد علـى عـزم الدنايـا صعودهـا
فمن رامهـا بالهـون مانـال وصلهـا
ولا رد غيظـات العـدا فـي كبـودهـا
تراها بغالي الـروح والمـال والشقـا
وصبـر علـى مـر الليالـي وكودهـا
فلـولا غلاهـا سامهـا كـل مفلـس
ولـولا عناهـا كـان كـل يـرودهـا
فـلا كنهـا بالحـزم والعـزم والشقـا
مخاطـر بحـلات خـفـي سـدودهـا
وبذل العطافـي ماجـب الحمـد والثنـا
وخضب الهنادي بالدما مـن غمودهـا
واغضا نظير العين عن ذنـب صاحـب
تجي مـن صديـق زلـة مـا يعودهـا
يجيبك إلـى نـادي المنـادي لمطلـب
سريـع مطيـع سالـم مـن حقودهـا
وبالحلم عـن زلات الاصحـاب طولـه
ولم العصـا مايقطـع الشـر عودهـا
فـلا طـيـر إلا بالجناحـيـن طـايـر
ولا كـف إلا بالقـوي مـن زنـودهـا
فمـن لا يـرد الغيـظ بالحلـم زينـت
لـه النفـس حـالات خبيـث ورودهـا
ومـن عنهـا بالصبـر حتـى يردهـا
يشوف مطاليع الهـدى فـي ورودهـا
ولا فايـت مـن صالـح فـي هـواده
ولا طايل فـي قـص يمنـى زنودهـا
ولا خيـر فـي عيـن حديـد نظرهـا
قريب ويعمى شوفهـا عـن حسودهـا
ومـن لا يبـادر فرصـة فـي زمانـه
على الضد يضحي نـادم مـن فقودهـا
فمن هاب خاب وعاشت بالذل وأشرفـت
عليـه الاعـادي طالبيـن حقـودهـا
ومن أشرع الخطى ضحى الكون وانتضى
نهار الوغى بيض الظبا مـن غمودهـا
تحامى حماه الضد مـن نـازح المـدى
وذلت له أرقاب العـدا فـي سجودهـا
ومـن ودع أوبـاش البرايـا حديـثـه
فهو عادم الشوفـات مخـط قصودهـا
فـلا تـورد الحاجـات يـوم لبـاخـل
اياديه ما يرجـى الجـدا مـن مدودهـا
فمـد الرجـا واقصـد جنـاب تعـودت
بيمنـاه مـد مـن غوالـي قيـودهـا
فمن عودك مـن فيـض يمنـاه عـاده
عليـه لـزوم بالسخـا ان يعـودهـا
ومن فك عن زنديـك بالعسـر يسـره
وهـي كـان ملـوي عليهـا زنودهـا
عطايا تجي من بـارع الجـود تنذخـر
ويقضي العطايا عقـب هـذا وعودهـا
ترى ان كنت غاليت الثنا فـي مديحـه
اجل عنك ما خاب الرجا في حصودهـا
فلا غير سعـدون مـلاذ الـى غـدت
علينـا الليالـي صايـلات جنـودهـا
مدحته على مـا كـان مقـدار فعلـه
فلا عـاش كتـام الحسانـي جحودهـا
فهولي على الشـدات عـون ومقصـد
ويا نعم مقصـود لنـا مـن ظهورهـا
بوجـه طليـق بالبشاشـات مـشـرق
وعين عـن العانـي قليـل صدورهـا
بـكـف حمـيـدي كـريـم بنـانـه
وكـم ذا جـلا فقـر المقليـن جودهـا
رد مع اقتباس
