أجهزة تحديد المواقع وش فيه يكتب الأسماء بالعربي

[العمدة]

بصراحه عندي قارمن

مانب قايل أسمه من سنة جدتي.............وش دراكم ان اسمه حصه


اللي عندي

GPS 45 XL

أنا عارف انكم تبون تضحكون علي

لكن استعمله لي سنين واجد

وشفت ماجلان مع شباب الحقيقه ان سريع بإلتقاط الأقمار بس ماأدري هو يكتب عربي للمواقع وإلا لا

وشفت مع واحد هالأيام بكشته جي بي اس ثري بلس قارمن

بصراحه زين بس انه مايكتب اظنه عربي

وانا دائما أقول ودي ألقى جي بي اس يكتب عربي

وش رايكم؟؟؟؟؟؟؟؟؟

[ذيب البر]

هلاااااااااااااااااا اخوي العمده

الظاهر ان فيه نوع من الجارمن يكتب عربي شفته شكله زي ال 45

بس انا ودي اسأل وش افضلها لان عندي واحد زيك قدييييييييييييييييييييييم

وودي اغيره بس محتار وش ا خذ

ياليت الشباب يفيدونا

[راعي عنيزة]

الظاهر مافيه جارمن يكتب بالعربي غير GPS 12 ARABIC
واعتقد ان ما فيه خريطه وسعره بحدود 700 ريال



لكن احسن الجارمنات الحين هي
GPS 111 plus وسعره مع الملحقات بحدود 1400 ريال

او GPS 162 وسعره بحدود 1700 ريال

[راعي كيف]

ياخواني راعي عنيزه هذا وشو ا
شكلي ابشريه من أهلة بلي يبون 1000000000000000000000دولار يسد ولا لا

ياحبيلكم بس مير ياحبيلكم

[راعي عنيزة]

هههههههههههههههههه يا حبيلك يا راعي كيف

تراي مسيوم ريالين والحد خمسة اريل ونص هاااه لك نظر

[العمدة]

والله العظيم انه يااااااااااااااااااااااااااااااااااااحبيله


وياحبيل فزعته دايم

عز الله انه رجل ولد رجال


ولايهونون الجميع

[راعي كيف]

راعي عنيزة مانفداك برخيص
ولا يهونون الربع كلهم

[راعي كيف]

العمدة وصل وصل معه إعتماد جديد
وهوا اني حطيته عمدة ال؟؟؟؟؟؟؟؟؟؟
على شان ماحد يغار من العمدة مانيب حاط شي خلة مستورة

[البتار]

لا يوجد جهاز قارمن حالياً يكتب الإحداثيات بالعربي وإنما الموجود حالياً هو العربي 12 وهو لا يكتب عربي وإنما القوائم عربية فقط .

ونصيحتي لكل من يريد شراء جهاز تحديد المواقع بأن يأخذ جهاز من شركة ( قارمن )

حيث أن هذا الجهاز مخدوم من حيث الإكسسوارات والبرامج وغيرها أضف إلى ذلك سهولة الاستخدام .

والصراحة الجهاز الأخير الذي وضعه راعي عنيزة وهو 162 من أفضل الأجهزة في نظري

[العمدة]

تسلمون جميعا

والآن اتضحت الرؤيا بالنسبه لقارمن

لكن ليه ماجلان ماعليه سوق

انا أذكر انه فيه جهاز سعره بحدود الستميه ويكتب أسماء المواقع بالعربي وبسرعه يلقط الأقمار

هذا شيء

الشيء الثاني

وش فرق قارمن 3 بلس والميه واثنين وستين

من ناحية الخرائط والبرامج الداخليه


والله يوفقكم وين مارحتوا

[الروض]

الاخ العمدة السلام عليكم بالنسبة للقارمن ثرى بلس اقضب ولاتطلق فهو من احسن الاجهزة فى السوق فمن واقع تجربة ومن ما زاد تقديرى له هو ان لدى زميل يعمل ضابط فى المساحة العسكرية اخبرنى بان القارمن ثرى بلس لايعلى عليه بين الاجهزة وحثنى على اقتنائه