عاشق الصمان يطلب فزعة رجال المنتدى (سلقان مسروقه -يوجد صور)

[<عاشق الصمان>]

	يالرجال ترى الشغلة ما ينسكت عنها اليوم أنسرقت السرقة (( الثــــالثه في شهرين تقريبا )) داخلين الأستراحة من فوق السور وكسرو القفول وشالو السلق كله وعددهم 9 من كبار وجراوه وسارقين لأخوياي قبل كم يوم وجبنا الشرطة في السرقات كلها ولا من فايده ترى إذا ما لقينا حل الدور جايكم الله لا يقولها وهذا وقتكم ونبي الفزعة وهذي الصور المسروقة اليوم: هذا كلاش توه جايني ماله سبوع : وهذا شقران أنسرق في المره الأولى وحصلناه في الحسى وأنسرق اليوم: هذي نجمة سلقة كبير حقت واحد من الشباب: رجاء عدم الرد يتبع

[<عاشق الصمان>]

	وهذي صورة الجروه شيته العمر ثلاث شهور: هذي جروه عمرها شهرين وهذولي جروين خوان عمرهم شهر: وفي ذيخ أحمر رفيع وأجبع ( أبتر ) أنزل صورتة قريب : ؟؟؟؟؟؟؟؟؟؟؟؟ وهذي صور السرقات قبل هذي: مرعب غني عن التعريف وهذي شلوى : وهذا بلاك أسود أجبع : وهذا ذيخ باكستاني لواحد من الربع: هالله هالله بالفزعة يالرجال والله يشغلهم أشغلونا من الصباح والله يبعد عنكم كل مكروه [move=down]وألي يجيب خبر السارق له مكافئة ماليـــــــــــة.[/move] للإستفسار بوجراح :0555856406

[الابتر]

أخوي عاشق الصمان

الله يكون بعونك وحسبي الله عليهم أكلو الخضر واليابس لكن أبشر إن مراً علينا بالبلاغ العاجل إنشاء الله وعظم الله أجرك

[كاشخ 24 ساعه]

معليش على المداخله يالربع

اللي سرقهن وش بيستفيد منهم

يعنى لها سوق وتنباع فيه


ترا سؤالى ما فيه اي نوع استهزاء والله يعوضك خير

[يتيم بلا زايد]

الله يكون بعونك ياخوي عاشق الصمان اكيد السارق يعرفك ولا واحد من ربعه بدليل ماشالله عندك سلق على مستوى مثل كلاش واقول لمرعب وين بيكون مصيرك في النهايه من دار إلى دار ومرعب من أذكى السلق إلي مرت علي

[ذيب القوافي]

[اكيد انة يعرفك واللة يعوض عليك في اطيب منها

[ابن برقاء.]

الله يردهن الك والله قهر لونة سرق وحدة وتوكل امى محملها كلها والصراحة الاسود الازمع حلو مره وكان اهلة الي عطوكية عندهم نفسة والله نادر بالحيل شكلة وهل هو عربي وتشكر كثييير ياعاشق

[أبو رداد]

الله يعقلهن عليك اخوي
ويفضح الي سرقوهن
,,,
يثبت الموضوع ثلاثة ايام

[القـــناص]

الله يعقلهن ...

والله ان هذا الشيء مايسويه الا واحد ناقص عقل ...

ومااقول الاابشر بالعوض يابو جراح ...


تحياتي
((
))

][ القـــناص ][

[القحطاني505]

الله يصبرك يابوجراح والله مزرعتكم بها بلا وافضل حل تحطون بنغالي
والله ماادري وش اقول لكن ابشر بالعوض والله ماتستاهلون
انت والعيال وجعل اللي سرقهن تنقطع يده حسبي الله ونعم الوكيل
وهاذي العطله ومشاكلها ذا الورعان اللي ماعندهم مدارس جاووك يدورون السلق
وشلووهم على الله يفضحهم يارب ومتستاهل يابوجراح والله يرجعهم لك
وابد سير بالحسى ومامعي الاجروين تناقى منهم او اخذهم كلهم

[راعي شلاع]

الله يعقلهن عليك

[مورد القيفان]

الله يعقلهن انشاء الله وما ضاع حق وراه مطالب

[طح طوح]

الله يعقلهن
والله يعوضك بحسن منهن

حسبنا الله ونعم الوكيل

[<عاشق الصمان>]

	الأبتر _______ هذا العشم يا المكشاتية تسلم يعطيك العافية. كاشخ 24 ساعة _______والله ياخوي هذولا ظعاف أنفس وهذي تربيتهم تعلمهم على كذا. يتيم بلا زايد _______ هلابك أخوي لا حول ولا قوة إلا بالله هذا ألي صار ؟؟؟؟؟ وعن مرعب لا تفتح جروح ربي بيعقله أن شاء الله. ذيب القوافي ______ مشكور على المرور. ابن برقاء. ______ مشكور وما قصرت والأسود أنجليزي وعربي وأن الله عقله فهو لك. ابو رداد ______ مشرفنا العزيز عز الله أنك كفوا ومشكور ويطيك ألف عافبة على التثبيت وعلى مرورك الكريم. القناص _____ عوضني مرورك بالغالي وتسلم على المرور. القحطاني 505 _____ يعطيك العافية أخوي وكلامك لا غبارعلية وما باليد عيله ومرورك كله عوض هذا العشم فيكم. راعي شلاع _____ مشكور على المرور. مورد القيفان _____ مشكور والله يعينا على المطلب. طح طوح _____ وشكور على المرور. تراكم ذخر يا أهل مكشات والله أن مروركم أثلج صدري عساكم على القوة.

[قناص سوريا 1]

لا حول ولا قوة إلا بالله
الله يصبرك ويرجعهن لك بإذن الله