طريق ابها

[عليم العطش]

السلام عليكم ورحمت الله وبركاته

شخص عزيز على استفسر مني عن طريق الطايف الباحه ابها هل هو كما سمعنا فيه تحويلات كثيره .
نرجو منكم الافاده ويكون المعلومات جديده ,.
لاعدمتكم
عليم العطش

[beddo]

ان كانت المسألة اختيار الطريق الانسب فأني ارشح طريق الجنوب وادي الدواسر لمأمونيته مقارنة بطريق الطايف

[عليم العطش]

بيدو بارك الله فيك على الرد ولكن انا اسال عن طريق الطايف الباحه ابها بالتحديد.
بيدو لاعدمتك
عليم العطش

[ثــــايـر]

اذا كان بصحبة العائله ما انصحه بطريق الجنوب لأنه خط واحد ومتعرج وخطير ويفضل ان يسلك طريق وادي الدواسر من الرياض الى وادي الدواسر الى وادي هشيل الى خميس مشيط الى ابهااا البهيه ومسافته بالكيلو تقريبا ألف كيلو والطريق سريع بدون حمايه (شبك)..اما اذا كان مع شباب فلا مانع ان يسلك طريق الجنوب وبحذر يعني في النهار ويستمتع في المناظر الجميله من قرا وجبال شاهقه .. وطريق الجنوب يبدا من الطايف الى الباحه الى بلجرشي الى النماص الى تنومه الى ابهااا ومسافته بالكيلوا تقريبا من الطايف الى ابهااا 600 كيلوا متعرجه يعني تقطعهاااا مدة 16 ساعه وأكثر ..وطريق الجنوب حاليا في تعديلات لأظافة خط ثاني سوف يصبح خطين رايح وجاي .. واي استفسار انا بالخدمه والله يستر عليكم ..

[beddo]

الاخ ثاير خبرك عتيق طريق الجنوب لم يعدخط واحد بل الى الخميس تقريبا خطين مرورا بوادي الدواسر

[shaheenshah]

اذا كان بصحبة العائله ما انصحه بطريق الجنوب لأنه خط واحد ومتعرج وخطير ويفضل ان يسلك طريق وادي الدواسر من الرياض الى وادي الدواسر الى وادي هشيل الى خميس مشيط الى ابهااا البهيه ومسافته بالكيلو تقريبا ألف كيلو والطريق سريع بدون حمايه (شبك

انا رايح معه الاسبوع قبل الماضي
والصراحة الطريق ممتاز جداً

اما طريق الطائف الباحه ابها ما عندي خلفيه عنه

[ثــــايـر]

يا اخوان انا اللي اقصد بطريق الجنوب هو من الطايف الى الباحه الى ابهاااا .. اما الطريق الثاني اللي من الرياض الى وادي الدواسر وصولا الى وادي هشيل الى خميس مشيط اسميه طريق وادي الدواسر للتنويه ..دمت سالمين جميعااا انشاء الله

[عكاشه]

الرجال يستفسر عن طريق الطايف --> الباحه--> ابها

وين وديتوه لطريق وادي الدواسر من الرياض الى وادي الدواسر الى وادي بن هشبل الى خميس مشيط الى ابهااا البهيه الله يجزاكم خير

يعني يتلها من الطايف الى الرياض

[عليم العطش]

بيض الله وجيه الجميع بيدو وثاير وشاه شاه الله يديم عزكم وعكاشه بارك الله فيه كلامه صحيح يعني اللي يبي ابها من الطايف يروح مع طريق وادي الدواسر.
المطلوب طريق الطايف الباحه النماص ابها ولاغيره طريق لاطريق وادي الدواسر ولابيشه ولاالساحل بتهامه .
عافاكم الله .
عكاشه دام عزك يالغالي.
لاعدمتكم جميع .
عليم العطش

[محمد الشاوي]

اسمح لي أخي الكريم بنقل الموضوع إلى خيمة الرحلات السياحية لوجود المختصين هناك يجيبون على تساؤلك ياغالي .

[sami2003]

الاخ الكريم عليم العطش مع التحية

الخط من الطائف الى ابها كالتالي :
المسافة : 530 كيلو تقريباً يمكن اكثر او اقل
نسبة المخاطر : الخط صراحة خطير وعلى حسب الموتر لانة عبارة عن طلوع مناطق جبلية عالية والخط عبارة خط واحد (يعني زراعي ) .
وصف المخطاطر التي قد تحدث لاسمح الله :
1/ تعطل السيارة اخاصة اذاكانت قديمة بالنسبة للامريكي (فرط القير ) وارتفاع درحة الحرارة .
2/ الحوادث قد تنتج عن انزلاق السيارة عن الطريق وبالتالي الوقوع اسفل الاودية وسفوح الجبال العالية
3/ انعدام الرؤية بسبب الضباب او الامطار .
4/ ارهاق بالنسبة لسائق لخطورة الطريق وطول مدة القيادة وكثرة تغيير التعاشيق للسيارة .
5/ الحوادث قد تحدث بنسبة كبيرة جداً تصادم وجهاً لوجة وذلك لضيق الطريق .

هذة من واقع تجربة قبل ثلاث سنوات تقريباً سافرت معة ومعي العائلة والحقيقة كانت السفرة ممتعة ومتعبة بنفس الوقت حيث القرى الهادئة الجميلة وسفوح الجبال العالية .وكانت المدة الزمنية من الطائف الى ابها تقريباً تسع ساعات ( طبعاً تختلف المدة من سائق الى اخر حسب الطريق ونوع السيارة .

السياة هي (لانسر ميتسوبيشي موديل 2000) اناعارف انكم تضحكون علي وازيدكم من الشعر بيت السيارة محملة بالغفش بعد ولكن ماشاء الله عليها .
انصح الاخ الكريم وكل شخص هو ادرى بنفسة ان يسلك طريق الرياض - ابها - الباحة افضل له من ناحية سلامته وسلامة العائلة الكريمه وكذلك للسيارة .
وتحياتي

[ثــــايـر]

اخي العزيز عليم العطش انا قبل خمس ايام جاي هالطريق الطايف الباحه بلجرشي النماص ابهااااا واعرفه عز المعرفه طريق خطر ومرهق ..

[الناصح1]

اللي بياخذ الطريق سعة صدر وكل ما مر ديرة تمشى فيها ونام وتكون الرحلة من الطائف _ابها ثلاثة ايام

جربتها جدا ممتعة
والسكن يكون في المدن التالية

1- الباحة

2- تنومة

3- ابها

الله يستر عليك ويسهل امرك

اما اخذ الطريق مرة وحدة من وجهة نظري فيها مخاطرة

[راعي كيف]

السلام عليكم
الغالي عليم العطش قبل اسبوعين رحت مع طريق الطائف الباحة ابها فية تحويلات كثيرة جداً وخطر جداً خاصة في الليل وقطعت الخط في يومين من الرياض الى ابها عن طريق الباحة. المسافة 1450 كلم نسبة التمتع بالمناظر الجميلة ومتعة الطريق 70%
وجيت من طريق الوادي سيدين فية تحويلتين سيد واحد مسافة بسيطة الخط بوجه عام جيد جداً نسبةالخطر فية بسيطة ماعدى باليل فية بعارين وعجاج في النهار مسافه بسيطة وقطعت الخط 9 ساعات وكنت مسرع شوي الخط فاضي المسافة 1100 كلم الى ابها متعة الطريق والمناظر 30%

بحسب مافهمت انكم بتروحون مكة وبعدين تطلعون ابها انا اقول رح ابها وبعدين مكة لتكون خاتمت الرحلة مسك.
وجهة نظر


اخوك المحب راعي كيف
ابو ناصر

[الدرع العربي]

أخي عليم العطش
بالنسبة لي قد سلكت الطريق عبر الخرمة وتربة ووجدت العمل جاريا على قدم وساق على السايد الثاني
إذن الطريق الأول شغال رايح جاي فأين التحويلات التي يتحدث عنها الإخوة!
أنا أظن كلامهم حول بدايته من جهة الطايف