ايه ياصلالة. . .
تعجبني صلالة اولا لطيبة اهلها
ثانيا لطبيعتها الخلابة وتنوعها الجغرافي جبال وشعاب واودية وعيون وبحر العرب مكمل لعقدها الثمين اذا فهي تجمع بين مختلف التضاريس.
من المواقف التي اذكرها عن صلالة واتمنى ان تشاركوني مواقفكم وذكرياتكم فيها.
كنا ذاهبين الى عين تسمى بعين حمران وكانت تبعد عن صلالة مايقارب 30كيلو وفي اثناء الطريق وجدنا حمار واقف في منتصف الطريق مسنتر يعني لازم توقف والا تنزل من الطريق للتراب وتواصل طريقك خويكم الرسن رفض ينزل عن الطريق واصر الا الحمار اجلكم الله يوخر اضرب له بوري ططط طيط طوط مافيش فايده الحمار اجلكم الله مصرنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي على الوقوف ياحمار مافيش فايده اخيرا اقرب منه ابيه يهاب الموتر مافيش فايده اخر شي قررت ان ادفه بالموتر ويوم قربت منه واحتك الصدام بجنبه الايمن الا وهو يديور ويعطيني مقفاه ويقعد يرفس الصدام فكسر علي الشبك ووصلت رجله الى الاديتر من قوتها. بعد ذا الضربة او الرفسة الخطافية وقلت مابدهاش لازم احول اشوف اللي جرا وحولت وعينك ماتشوف الا اجزاء الشبك متناثرة والاديتر يهرب ماء بسيط. بالفعل كانت رفسة قاضية المهم عالجنا الموقف وابعدنا سيارتنا عن الطريق غصب فاصبحنا ننتظر المسعف والحمار لازال واقفا يتفرج وياويلك وياسواد ليلك ياللي تتحرش بحمار عين حمران.

هذا اول موقف طريف والباقي في الطريق وهاتو مواقفكم يامكشاتيين صلالة