حـــر و وكري مغربي للبيع. بالصور

[المري]

السلام عليكم

اخواني الاعزاء .. واحد من الربع عندنا بالهجرة..كلمنى وقال اعرض اطيوري في منتداكم وهو بدوي بس من كثر

ماأسولف عن مكشاااااااااااات اهل الهجرة توذو مني !!

المهم عنده حر معلم على الحبارى علومة زينه .. نسروه عليها وهدوها اطيار ولحقها وعلقها..

أما الأرنب يصيدها صيد طيب بالحيل..

والطير سبوق على الحمام .. مقاسه من 16 الى 16 ونص.. باقي معه ثلاث..

صور الحر:









2- الوكري المغربي.

جاء مع وقت الكراوين هو قرناس وحش .. رببه الرجال وهده على الحمام والطير سبوق

وصايد الكراوين وعارضة ايضا للبيع..










علما أن الوكري مسيوم ب 1600 ريال

ملاحظة: الرجال بيــــاع ...

وعسى الله يكتب اللي فيه الخير...


اخوكم - المري

[الزاجل الازرق]

هلا باخوي ابومعيض صبحت بالخير

عسى ربي يرزقكم بالبيعه الطيبه الوكري كم قياسه ياابومعيض

سلمت يالغالي اخوك ابودغيم

[ابوحافظ]

صبحت بالخير يابومعيض ..



كم مقااسه الوكري وكم مبقي من الريش ومقااسه كم الله لايهينك كثرت عليك الاسئله..


وربي يوفقك بالبيعه الطيبه..

[المري]

والله الطير طلق ماقدرت اجوده . بس ان كبير من 14 الى 14 ونص..

باقي معه موس ونايفة

[وقاااااد]

المري لاهنت الحر وش سنه وشلون اطبوعه وهل هو صامل وكم سيم

[المري]

طال عمرك الحر سبوق على الحمام وانتحاري في الأرنب..

وسنه ثنو ينقل ثالث

وانا اسومه سومة صامل الان ب 2000 ريال..

وسلامتك

[ابوحافظ]

علي ب1700 ريال الوكري ...



شراااي وصاااااامل ... وربي يرزق بالبيعه الطيبه.

[وقاااااد]

الحر علي بــ 3000 ريال

والوكري بـ 1800 ريال

وتراني صااااامل

[المري]

ماشاء الله تبارك الرحمن

والله انكم صاملين ..

ارد الخبر لراعيه ورد عليكم

وسلامتكم

اخوكم - المري

[Alyah khalid]

ماشاء الله تبارك الرحمن

والله انكم صاملين ..

ارد الخبر لراعيه ورد عليكم

وسلامتكم

اخوكم - المري

هلا ابومعيض صبحت بالخير

الطير الحر بيع ???

[قلب شاهين]

في أنتضار ردك يابو معيض ،،

،،

[المنصوووري]

لله يبارك للبايع والشاري

[الوافي عزام]

هلا بك يابومعيض

الطير الحر علي بـــــ 4000

والله يرزق الجميع

[وكري2007]

الله يرزق الجميع

[بومعطش]

بانتظار ردك يابومعيض الله لايهينك