النجوم وما ادراك ما النجوم

[مشراف]

السلام عليكم ورحمة الله وبركاته
اخواني اعضاء المنتدى مساكم أو صبحكم الله بالخير
ابي اطرح موضوع ولا يهون مشرفنا الغالي اذا سمح لنا واتمنى انه يتبنى الفكرة وليس بالضرورة كما اطرحها الآن بمعنى اذا كان لديه فكرة افضل اوتعديل عليها ولكن الموضوع مهم للغايةولاادري هوطرح قبل ها الوقت او لا ولكن اذا طرح فدلوني عليه في اي خيمة من الخيام واذا ما طرح نبي ندخل به على طول .
تعرفون اخواني ان راع البر مايستغني عن الوقت اي وقت دخل به واي نو وغيره من الاوقات اللي قليل اللي يعرفها وشيابنا الله يطول بعمر الباقي منهم راحو ونادر اللي يعرفون الوقت واقصد بالوقت النجوم وطوالعها ومتى يشاهدها الواحد بالعين وليس بالحسابات الفلكية والمعلوم عند اهل البر كلهم ان النجوم مهمة واقصد ماهي نجوم حقة الدلاله مثل الجدي وغيره وان كانت هذه النجوم عند العارفين يستدلون بها وللي جاب الموضوع كنت بالبر ليلة الجمعة وسهرت ابي اشوف الثريا وشفتها بعد جهد جهيد مع العلم ان الثريا يوم شفتها كانت مرتفعة والغشيم يشوفها ويعرفها لكن لاني مادري وين مطلعها من الشرق ومع اي نقطة تطلع تعبت لين حصلتها مالكم بطويلها .
(( اقترح ان الخيمة تستضيف احد العارفين بالنجوم المشهود لهم مثل الدوسري وغيره وتوجه له اسئلة تجمع ثم يستضاف للإجابة عليها )) مثل ماحصل مع الامين العام للحياة الفطرية.واذا انتم وافقتوا( وافترض هذا زي الانخابات العربية99.9% ههههههه) .
ابدأ بعض الاسئلة :
1- ماهي مواعيد النجوم وطلوعها والمهم بالنجوم ( الثريا , الجوزاء, الشعرى, سهيل)؟
2- كم الفرق بالايام بين طلوع النجم ومشاهدته بالعين المجردة ؟
3- وماهو افضل وقت لمشاهدة طلوع النجم الاول مرة ؟
4- كم من الفرق بين طلوع النجم والنجم الاخر؟
5- يكتب في التقاويم عدد ايام كل نجم ما المقصود في ذلك؟
اخواني صدقوني الموضوع مهم للغاية ولا اريد ان استأثر بالاسئلة دون غيري من اخواني في هذه الخيمة المباركة تقبلوتحيات اخوكم

[رحال]

مساك الله بالخير اخوي (( مشراف )) وحياك الله يالغالي .

الف شكر اخوي مشراف على طرح مثل هذا الموضوع ولكن تم طرحه في الخيمة الغير مناسبة

توجد خيمتين يتم طرح فيها مثل هذه المواضيع وهي :

1- خيمة المواقع البرية والحياة الفطرية .

2- الخيمة العامة .

ويوجد موضوع وجدول في خيمة المواقع البرية والحياة الفطرية والموضوع خاص لمشرفنا العام (( ابو ياسر )) اعتقد انه يفي بالغرض المطلوب وهو بعنوان (( مواقيت الأنواء و النجوم )) .



وتقبل تحياتي يالغالي
اخوك بوخليفـــــــــــه

[مشراف]

[COLOR=darkblue]هلا بك اخوي رحال واشكرك على تفاعلك مع الموضوع وردك السريع والمنتدى ما محليه الا اللي امثالك وشرواك والعطاءات الكريمة الصادقة في هذه المنتديات عموما.
اخوي قبل ما اكتب الموضوع مريت على كتابات الاخوان اللي ذكرتهم الله يعطيهم العافية ولكن تمعن في اسئلتي جيدا تجد ان الكثير من الاسئلة لا يوجد اجابة عليها وهذا ماشجعني على كتابة الموضوع , اخوي ليس المهم ان اعرف مواعيد الانواء والنجوم كما وردت في الخيمة في موضوع اخر ولا كما ترد في التقاويم الهجرية والميلادية , والكن المهم ان اجد الاجابات لبعض الاسئلة التي وردت في نص موضوعي مثلا : متى يشاهد النجم بالعين المجردة بعد دخول وقته في التقويم ؟ او كم الفرق من الايام بين مشاهدة النجم بالعين المجردة و وقت دخوله ؟
وسؤال آخر : اي نقطة من جهة الشرق ترتفع منها النجوم مثل الثريا , الجوزاء , الشعرى.

اكرر شكري الصادق لشخصك الغالى على نفسي دون مجاملة واتمنى ان نرى تفاعل حول هذا الموضوع

تقبلوا تحيات اخوكم :[/COLOR]

[عبدالعزيز الدباسي]

مشكور اخوي مشراف على ادارجك لهذا الموضوع المهم ، وتسآلاتك الجميلة ، واحيي فيك هذه الروح النبيلة وحرصك على نشر المعلومة وزيادة المعرفة لاعضاء مكشات .

وبخصوص اقتراحك لعمل ندوة مع احد المهتمين بالنجوم ، فهو اقتراح جميل ومفيد لكثير من الاعضاء ، ولكن لصعوبة الوصول الى هولاء الاشخاص قد يعيق عمل هذه الندوة ، فالحقيقة لا اعرف لهم عنوان لكي اتصل عليهم ، واذا كان لديك او لدى الاخوة الاعضاء واحد من عنواين علماء الفلك فلا مانع لدي بان اراسلهم واستضيفهم في مكشات .

وتقبل تحياتي

[شبوب]

بسم الله الرحمن الرحيم

الاخوين العزيزين / مشراف و شقردي

السلام عليكم ورحمة الله وبركاته :

انا اشكركم على اثارة هذا الموضوع المهم الذي يهم الجميع ، ولكن انا اشخصيا لي راي
مختلف من ناحية استسقاء المعلومات ، حيث انتم ترون ان تتم عن طريق احد العلماء الدارسين
لهذا العلم الذين لهم باع طويل بهذا المجال وامضوا سنوات من عمرهم لدراسته وليسى انا من
يزكيهم ، وهم نجوم هذا العلم من حيث الدراسه والنظريات العلميه 0

وانا رأي الشخصي ان تتم عن طريق احد شيبانا المشهود لهم بهذاء المجال ، الله يطولنا
يأعمارهم ويجعلهم لنا ذخر لعدة اسباب برأي وهي :
1- ان رزقهم سابقا يعتمد بعد الله على الحساب وبذالك تجدهم دقيقين جدا 0
2- الغالبيه منهم مرجعه بالحساب ( الخلاوي ) وهذا بحد ذاته يعتبر علامه لهذا المجال0
3- الخبره التي لديهم ، من طول هالسنين ، الله يحسن خاتمتهم ويعظم اجرهم 0

بعدين على قولة شقردي صعب الوصول لهم (العلماء) كأنك ابتقابل مسئول000
بس الشيبان الله يحفظم ، كلم اي واحد وشف اذا ماتلوابك (الا 00الا 00يارجاااال العشااااء
ومع العشاء هبة ريح ) 0
ااااااااسف على الاطاله

[الهلالي]

أخي شقردي أسعد الله أوقاتك وجميع الأعضاء بكل خير
شكراً لأخي مشراف على طرح هذا الموضوع الهام . قد يقول قائل أجهزت gps حلت
محل النجوم .أقول له صحيح ولكن هذا لايمنع من معرفة مواقع النجوم وأوقات طلوعها
وعلاقنها بفصول السنة وغير ذلك الكثير.
أرشح الفلكي القدير جبر الدوسري. ولمن يعرف جواله يرسلة لي لكي أنسق معه بهذا
الخصوص . وسوف أحاول الحصول عليه من جريدة اليوم إذا تمكنت .

[عبدالعزيز الدباسي]

مشكور اخوي شبوب على مشاركتك معنا في هذا الحوار الطيب ،

وعن ملاحظتك بخصوص استضافة كبار السن وعن الاسباب التي اوردتها بشأنهم ، اود ان اخبرك بأنه ايضا علماء الفلك المختصون اصبحت هذه العملية مصدر رزق لهم ، وحينما اشرت الى انه صعب الوصول اليهم لم اقصد (صعوبة المقابلة) بل اقصد عدم معرفتنا بعناوين الاتصال والتي تجعل الاتصال بهم (اصعب من مقابلة مسؤل) والتي لا تأخذ من وقتك الا الذهاب الى مكتب المسؤل وتناقشه وتشرح قضيتك .

مشكور اخوي الهلالي على تفاعلك معنا بهذا الموضوع ، ومشكور على حرصك بالاتصال باحد علماء الفلك المعروفين .

وتقبلوا تحياتي

[شبوب]

طيب 000

الي تشوفونه 000 هو




المبااااااااااااارك

[مشراف]

يمرحبا ترحيبة البدو بالسيل ****وترحيبة العود العمى في عياله

اخواني :
الشقردي
شبوب
الهلالي
آآآآآآآآآآآآآآآآآسف على التأخر وذلك لظروف خاصة بالرد وهذي حبة راس لكل واحد منكم (قررررربوا روسكم شوي لاني قصير ما طولكم ) (( اممممممههههه )) سامحتوني
الله يعطيكم العافية ويقويكم على مشاركتكم لي في هذا الموضوع المهم واتمنى ان ينفذ الاقتراح باستضافة الفلكي جبر الدوسري ونتمنى من الاخوان اللي عندهم العنوان يزودون اخونا( الهلالي ) به.

الشقردي الله يخليك ويسعدك يا بعدي على مواصلتك للشباب وردك عليهم وانت عوض النفس والماضوووووووع ماضوووووعك وانت القمر للساري ونورنا


تقبلوا تحيات اخوكم :

[akhan]

مشكووووووووووووووووووووور